من قلق لاكتئاب لوسوسه لاختلال انيه .. ما الحل ؟

  • نعتذر عن الأخطاء التقنية في الموقع ، جاري العمل على إصلاحها

    هذا المنتدى وقف لله تعالى


محمد نور الدين

عضو متميز
10 أبريل 2012
58
16
0
مصر
من قلق لاكتئاب لوسوسه لاختلال انيه

أولا انا بشكر حضرتك على مجهوداتكم الطيبه .. شكر الله لكم ..

معلش ممكن يكون الموضوع مش قصير بس انا قولته بالتفصيل عشان تقدروا تقيموا الموضوع بشموليه :

انا شاب ملتزم 24 سنه محاسب ملتحى انطوائى الى حد ما من اسرة متعلمه ومستوى معيشى فوق المتوسط

معلش ممكن يكون الموضوع مش قصير بس انا قولته بالتفصيل عشان تقدروا تقيموا الموضوع بشموليه :

انا شاب ملتزم محاسب ملتحى انطوائى الى حد ما من اسرة متعلمه ومستوى معيشى فوق المتوسط

فى سن 18 سنه
- واحد صاحبى كان بيتكلم عن وسواس العقيده خوفت وروحت البيت ونمت صحيت عندى وساوس فى العقيده ورحت لشيخ قالى احاديث وكده و هديت بعدها و بقيت بهملها لحد ماراحت خالص

فى سن 20 سنه
- وانا بتفرج على التليفزيون لما كان بييجى كلام عن مخ الانسان او دكتور مخ و اعصاب كنت بخاف .. بحس انى ممكن افكر فى اللى بيقوله اتجن مثلا او حاجه وفى مره واحد اتكلم عن انه نام بالليل صحى معمى فكنت بخاف انام بالليل وافضل افتح و اغمض عشان اتاكد انى ماتعميتش ( على فكره انا بكتب الكلام ده وانا متوتر جداااا ) لانى بخاف من ان التفكير فى شيئ بيؤدى لحدوثه وده اكتر شيئ تاعبنى فى حياتى

فى سن 21 سنه
- فى اخرسنه فى كليه التجاره وفى اخر تيرم .. بقيت بصحى بالليل اذاكر و انام طول النهار .. بقيت حاسس باكتئاب بنسبة 40% وحتى لما عدلت يومى وبقيت بخرج و كده برده الكآبه حاسس بيها

مشكلتى الحقيقيه تبدأ من هنا :

- فى يوم رجعت البيت بالليل كنت حزين برده وحاسس بحزن مش عارف ليه .. فتحت التليفزيون لقيت واحده بتسأل طبيب على التليفون بتقول ان بيجيلها بالليل قلق مابتعرفش تنام منه .. فى ساعتها حسيت بقلق كبير جوايا ماعرفش جالى منين و بقيت خايف جدا و متوتر .. وفضلت على كده لحد تانى يوم مع احساس كبير جدا بالكآبه و الحزن
قولت لوالدتى ووالدى تانى يوم و كنت ببكى . روحت لدكتور نفسانى كبير اوى فى اسكندريه وشرحتله الموضوع قالى ده وسواس قهرى ووصفلى فافرين و ليكوستانيل مع بعض .. وبعدين القلق راح خالص بس الاكتئاب والوسواس موجود ( كنت لما اقول للدكتور بيجيلى وسواس فى كذا يستهزئ بالفكره فتروح خااالص وماتجيش تانى) ، عطانى سيروكسات 20جم حبايتين كل يوم . لحد هنا كان اخر اتصال بينى وبين الطبيب

- فضلت على الحبايتين لمده سنه ونص و بعدين بدأت مع نفسى سحب الدوا تدريجيا جدااا .. سافرت عقد عمل لمكة وخلال سنه و نص قللت الجرعه من حبايتين كل يوم الى نصين فى الاسوبع بالتدريج البطيئ ، كل تلات شهور اقلل .. من حبايتين كل يوم لحبايه ونص وبعد ثلاث شهور حبايه و بس وهكذا

- بدأت اقلل الجرعه لنص كل اسبوع و بس .. فى يوم اتعصبت مع صديقى فى السكن و انا اصلا مابعرفش اتعامل مع الناس و دايما شايف الناس مش مديانى اهميه ومش مديانى احترامى وقدرى و حاسس ان الناس كلهم افضل منى
لما شديت معاه حسيت بتوتر و تشتت فى التفكير وببص فى المرايا حسيت انى شايف واحد تانى .. استغربت شكلى .. حسيت ان انا مابقيتش انا .. وراح فى ساعتها الاحساس ده .. بس اتفزعت واترعبت وقعدت استغفر ورجعت الجرعه زودتها .. خدت نص فى اليوم ده و نص فى اليوم التانى و رجعتها لنص كل يومين لانى خوفت ترجع تانى لانى بحثت على النت لقيت ان ده اسمه اضطراب الانيه والسيروكسات من علاجاته .. لما كنت بقلل الجرعه كانت ممكن تجيلى النوبه ديه الاختلال لمده ثانيتين فى الاسبوع او الاسبوعين لو اتعرضت لموقف توتر و تروح تانى فبضطر ارجع الجرعه تانى ..

السؤال دلوقتى :

* انا خايف جدا من موضوع اختلال الانيه ده يرجعلى تانى او ييجى يوم يبقى عندى مستمر او حاجه .

* انا محتاج انى اتخلص من الادويه ديه لانى عايز اخطب ومافيش بنت ترضى انها ترتبط بشاب بياخد ادويه نفسيه لان هيبقى فى نظرها مريض نفسى وحتى لو رضيت البنت فمافيش اسره ترضى انها تسمح لبنتها انها ترتبط بشاب بياخد ادويه نفسيه و فوق ده كله ماينفعش انى ماقولش لان ده يبقى غش و كمان السيروكسات ليه اعراض جانبيه فى الجماع و انا فوق ده كله محتاج جدا للزواج .

افيدونى مأجورين بخصوص الدواء وبخصوص الزواج