قصتي مع الرهاب والوحده

  • نعتذر عن الأخطاء التقنية في الموقع ، جاري العمل على إصلاحها

    هذا المنتدى وقف لله تعالى


4 سبتمبر 2012
6
1
0
السلام عليكم ورحمة الله وبركاته

ابسرد قصتي بالتفصيل الممل :cool:

من عام 2000 كنت في الثانويه في الصف الثاني ثانوي على اخر السنه الدراسيه كنت جالس مع الشباب في الليل مافي الا العافيه الحمد الله
حسيت لما اخذ نفس عميق نغزه في الجنب نغزه بسيطه جدا ( على فكره انا انسان موسوس جدا ;)) اعترف بهالشي
المهم صرت طول الوقت افكر بهالنغزه وقلت بس اكيد فيني شي مع انه شي طبيعي لكن اول مره يمر علي يمكن كنت شارب مويه كثير لاننا كنا جالسين نلعب بلاي ستيشن وكنت اشرب

بعد كذا رحة البيت جلست على سريري جائت الافكار والوساوس الين حسيت بضيق في التنفس طلعت من الغرفه طلعت برى البيت حسيت بضيق شوي وخوف امتد لـ قرابة 40 دقيقه بعدها خفيت ورجعت سريري ونمت

صحيت من بكره الوضع عادي وكان شي لم يكن لكن مازالت تراودني الافكار ومازلت افكر بالي حصل وخايف يرجع يحصلي مره ثانيه
عدت الايام تخرجت وصارت الضيقه هذي تجيني فترااات متباعده بس اني اخاف منها لما اتجاهلها تتتلاشا بشكل تدرييجي لحد ما تختفي وارجع لوضعي الطبيعي

لحد عام 2004 زاد التفكير في الامر وحسيت اي شي اخاف منه على طول انكتم وتجيني ضيقه خلاص ودي اترك الي حولي وابقى وحدي ولا ودي اكلم احد

جلست فتره رجة عند احد المشايخ للرقيه وارقاني واعطاني علاجات طلعت من عنده الحمد الله ما احس بشي الا شي بسييط افضل من اول بكثير
قالي عندي حسد وعين قويه اخذت العلاجات ووصف لي احد الاطباء طبيب نفسي ورحة له وجلست عنده تقريبا جلستين واعطاني حبوب ما كملت بعدها الجلسات ولا الحبوب حسيت الوضع عادي

وطول هالفتره من 2005 وانا الحمد الله وضعي الصحي حمد الله ونفسيتي لا باس بها رغم ان الكتمه ملازمتي طول الوقت لكن الى تجاهلتها تلاشت وصرت اطلع واروح ولا تهمني

في عام 2008 عملة ففحص طبي شامل تحاليل دم وبول واشعه صدريه والحمد الله سليمه

لحد هالسنه في شهر 4 الماضي حسيت بالضيقه خصوصا لما صار عندي ضغوطات في العمل واخذ وعطى ومشاكل مع الاداره مشاكل عاديه مع اي موظف

مع العلم اني في نفس الشهر مسوي تحالي واشعه صدريه والحمد الله سليمه برضو

عادة لي الضيقه وبقوه صارت تلازمني 24 ساعه صرت احس بالام في صدري وبطني كان اول في الم في صدري لما تجيني الضيقه لما المسه احس بالم زي النغز بس مع اللمس ولا لو ما المسه ما احس به
يعني الالم بس عند اللمس فقط

عند النوم احس بضيقه احيانا واحيانا لا بس لما انام واصحى من النوم مشاء الله كان مافي شي بس لما افكر في الامر ترجع لي الالام

احس حالتي غريبه خصوصا اني شخص موسوس وادري هذي عاده شينه لكن ابتليت بها الله لا يبلاكم

تخيلو اي حاجه تصيبني انكتم

لو اقرب شي يصير لي انكتم لو حسيت باي شي انكتم وتصيبني ضيقه حتى لو انجرح اصبعي انكتمت

من كثر ما اشكي على هلي من الاالم والاوجاع صارو يتجاهلوني

لما احس بضيقه ابحث عن شي يلهيني وبالفعل تجلس 10 دقايق ما فكر فيها خلال تتلاشا بشكل جذري واحس براحه

وش رايكم ؟؟

 
  • Like
التفاعلات: لارا-

لارا-

عضو متميز
26 يوليو 2012
1,370
782
0
29
قلب الفراشة
www.9alam.com
الله يعطيك العافية
 

شموخ الصمت

عضو متميز
1 سبتمبر 2012
268
138
0
في بلاد العز
يا أخوي ماك مريض هذا وسواس

وأنت بنفسك قلت ذا الشيء

له ما تترك عنك الوساوس عشان ترتاح

نصيحة عليك بالاكثارمن ذكر الله فهو أنسب

دواء لمثل هذي الحالة كون أقوى من نفسك حاول ماتفكر بالموضوع

لاتعطي الأمور أكبر من حجمها عن ثقة أقول ما في داعي لطبيب نفساني

لش الدواء ماني فاهمة هل هذا يستلزم دواء ؟

و بعدين أنا أول مرة أسمع براقي يرسل مرضاه إلى أطباء نفسيين

هل أنت واثق بهذا الراقي ، فهناك الكثير من الأشخاص يدعون بأنهم رقى

وهم سحرة و مشعوذين ..

فأنا أنصحك بأن تذهب إلى راقي مشهور بأمانته و ذا عقيدة سليمة هذا إن كان بك عين أو حسد

و بالنسبة للوسواس فكما قلت لك سابقا أكثر من الاستغفار و الذكر

و الدعاء و الشرب من ماء زمزم بنية الشفاء وقراءة القرآن ...

فأقسم بالذي رفع السماء بلا عمد أن الدعاء و التقرب إلى الله

داء لكل دواء ..
فأترك عليك الأطباء والجأ إلى رئيس الأطباء الله شافي كل داء..
 
التعديل الأخير: