فارقتها

  • نعتذر عن الأخطاء التقنية في الموقع ، جاري العمل على إصلاحها

    هذا المنتدى وقف لله تعالى


تهافت

عضو متميز
21 أغسطس 2001
104
1
0
القصيده المبدعه اكيد للشاعر المبدع الكبير المفكر السياسي رئيس مجلس الامه السابق طلال السعيد
مريت انا المطلاع والشوق هزني
قبل الظلام وتوها الشمس غايبه
وفيضت في عالي روابيه عظمتي
وكثرت على قلب المعنى مصايبه
تذكرت من نفسي تمنى مودته
ولا النفس ساليها ولا القلب طايبه
ولولا غلا ذكراه مرخص دمعتي
لو كان عيني بازرق الدمع رايبه
هذا المكان الي جمعنا وضمنا
وهناك حشيت وهي تقل هايبه
هذاك ما قفها وهذاك ما قفي
يوم اشرت بالراس وارخت ذوايبه
لا عاد يوم عقب الافعال شفتها
تجدد الجرح القديم بسبايبه
من عقب ماني فاكر اني نسيتها
اول شرارة حب شبت لهايبه
حفرت قبر الحب في وسط ضامري
من عقب ما هي باليات مصايبه
قالوا ملكها الغير مالك ومالها
برق وصد ولا تحوشك سحايبه
يكفيك دور فات بينك وبينها
جنب وخلي الحب واترك طلايبه
قلت اتركوني هرجكم ما يسرني
ونيت ما تحيد دمعة قرايبه
والنار ما تحرق سوى الي يدوسها
جرحي وانا ابخص في دواه وطبايبه
ان كان روحي عقب الفراق شيبت
وسود الليالي عقب الاقمار شايبه
ولو كان يدرون الجماعه بقصتي
محد عذر روح من الوجد ذايبه
اول معرفه بين عيني وعينها
كلمات عين العين والعين صايبه
....... كان لغيرها لين شفتها
ومن شفتها نفسي من البيض طايبه
بالغصب فرت موجة القلب يمها
بالغصب قلبي طلع وانكر حبايبه
قعدت اماري وافتخر في جمالها
اقول شوفوا الزين شوفوا عجايبه
انا اندفعت وعشت في جو عاطفي
انا بنيت احلام وامال خايبه
انا مع الايام تكبر مصايبي
هذيك اعدلها وهذيك عايبه
لو كان حرماني من الناس ينشكي
شكيت مير الناس ماهي بتايبه
باصبر واخبي في حشا الصدر علتي
واظن تالي الصبر تحمد عقايبه
واحبها في صمت واخفي مشاعري
وابكي لا دار الشمال بهبايبه
ويا بنت ما عقب التفاريج نلتقي
انا وانت وحب دفعنا ضرايبه
ناقف على المطلاع في نفس ماقفي
عقب الظلام وتوها الشمس غايبه

نتت
 

الـفاهم

المشرف العام سابقا
12 سبتمبر 2001
50,657
6,077
113
46
تسلمين يا تهافت

بسم الله الرحمن الرحيم

اختي تهافت ...

السلام عليكم ورحمة الله وبركاته ...

تسلمين على ذا الأختيار الموفق .... وسلم من قال هاذي القصيده الرائعه حقاً ...


تقبلي تحياتي اخيك الفاهم ....