ساعدوني الله يجزاكم خير مقهوره

  • نعتذر عن الأخطاء التقنية في الموقع ، جاري العمل على إصلاحها

    هذا المنتدى وقف لله تعالى


أم غرام

عضو
22 نوفمبر 2012
16
1
0
عليكم ورحمه الله وبركاته
اتمنى من الله ثم منكم المساعده

انا متزوجه من سنتين وتقريبأ عشره شهور
بدايه زوجي انسجن ودام 11 شهر تحملت وصبرت
مع اني بعيده عن اهلي لاني بمنطقه واهم بمنطقه
انا ساكنه مع اهل زوجي بس ما شفت الراحه
ولا اطلع ولاشيء مااحس اني متزوجه نفسيتي تعبت
والله المهم المشكله رحت لاهلي بعد العيد الفطر
ومن يومها مارجعت صار كلام اني زعلانه مع اني مازعلت صحيح ابوي جاء خذاني بس برضى زوجي
وزوجي مادق علي ولا ارسل ولاشيء مطنشني ولا بدر مني شيء
دمت عن اهلي شهرين ولااتصالات ولاشيء اذا يشوف بنته وصى احد علي
لدرجه يوصي اخوانه علي عشان يشوف بنته بعد ماتميت شهرين قلت الين انا وادق
واشوف سالفه هالرجال واتفاهم معه وتفاهمنا وقلت ماراح ارجع الا ببيت مستقل
خللاص كفايه ماعاد اتحمل قال الي يريحك بس تتعدل ظروفي ووضعي المادي اطلعك ببيت مشت الامور حلوه بس خربها بانه ماعطانا مصروف انا وين اجيب منه طيب مالي دخل واهلي صعبه اطلب منهم كل شوي
قلت له قال الراتب طار سددت وممدري وش زعلت انا مع اني استقبله اذا جاني
والحين رجعت ازعل ليش لانو فتره هواشنا واني ماكلمته ولاكلمني اهو شغل الواتس عنه
مع العلم ما كان فيه يوم انا موجوده عنده انا رحت اراسله من شريحه ثانيه استدرجه اشوف اهو بيجي معي والا لا بالبدايه رفض وقال لاعاد ترسلين وانا متزوج وزوجتي اشرف منك المهم يوم تصالحنا قالي عن الرقم وقال تعرفينه قلت لا وقال انتي مرسله طيب علي احد قلت والله مارسلت وفعللآ انا الي كنت اراسله تخيل ي دكتور تفاجئت برقمه داق على الشريحه الي ارسله منها وكاتب لي بالواتس انه اسف على الكلام الي قاله وابشر بأالي ابي ويقول تكفين ردي تخيلوا انقهرت انا زوجتك ماقلت لي هالشيء بتقوله لوحده ماتعرفها طبعآ انا الي اراسله محد غيري بس لو موب انا اكيد غيري موجه لها هالكلام دق على الرقم ورديت وقلت وش رايك انه انا الي ارسلك ووش تسمي كلامك لي انك تبي تسولف معي وتكون علاقه قال اني مو حق هالحركات اهو فعلآ مو حق كذا وبالعكس بس طلع هالشيء يو تزاعلنا ليه جلست اعاتبه بالبدايه قال مو انا الي ارسل بعدين قال غلطه وانا ماراح اعيدها سكر مني وبعد يومين نزل عندي وجاء بس انا ماعطيته وجه حتى يسئلني انو انتي تحبيني ما رديت وقال انا احبك والله وش فيك علي يوم جاء اليوم الثاني وراح من عندي كلمته وقلت طلقني قال ليه قلت بس ماعاد اقدر واخرتها تروح ترسل لرقم الي يراسلك يوم تاكدت انه موب من طرفي قلت اراسل هالبنت وقلت لا تدق علي ولاشيء خلاص قال لاتضيقين صدري وانا ماراح اعيدها وتزين الامور واحط لك بيت وانا وياك فيه قلت مابي شيء طلقني وبس قال ماتوقعت هالكلمه منك الله يسامحك ومن يومها لا دق علي ولا ارسلي شيء
الله يجزاك خير ي دكتور والاعضاء اذا قدمتوا لي نصيحه وش اسوي
انا قلت كذا ابيه يحس تعمتد اقسى عليه بس عشان يحس فيني
وامس اخر شيء تخيلوا العاده دخلت الواتس واشوف صورته حرف لاحرفي ولاحرفه ممدري من حرفه انقهرت والله على طول دقيت ولا رد ولين الحين ما دق علي مع اني مكلمته 5 مرات بس ما اتصل وكلمت صديقتي قالت ليه تكلميه طنشي يبي يغضيك لانه معاملتك معه تغيرت مو نفس قبل عشان كذا يبي يقهرك لا تبينين له انك مهتمه ولاتسالين عن الحرف
واسفه على الاطاله اتمنى تساعدوني وش اسوي الحين
 
  • Like
التفاعلات: فَرَحْ
Ţ

ţΐ๗ ₥άŁђ ฮў ṤỞồŢצ

ضيف
وعليكم السلام ...،
أختي الكريم ،

لو أني مو بمحل أني أتكلم بِ هالمواضيع ، لكن يمكن ؟..


أولاً أسمحِ لي :- أنتي غلطانة ..!

أسمعيني ولاتعصبيـ‘ـن

بدل إرسال من شريحة ثانية وخلـق مشكلة أكبر من المشكلـ‘ـة اللي عنـ‘ـدك هـذا بحــد ذاتـه غـ‘ـلط

ثانياً:- خوذي الأمور ببسـ‘ـاطة مع زوجـكـ
بما أنـ‘ـه صـارحكـ بحبه لك ، فهذا أكثر شيء لابد أن تنظري إليه ، أتركي زلاته وعيوبه وأخطائه ..،
أستغلي موضوع مشاعرهـ لكِ ، يعني شوي شوي

حققي مطالبكـ بطريقة ودية من موقعك المتميز في قلبـه
السكن المستقل ..،
الإحتـ‘ـواء له ...،

ثالثاً :- سامحيـه ونبهيه بصورة ودية لكن حازمة أنكِ لاترديـن تكرار هذا الموقف منه ، وشددي على أهمية المحافظة على حياتكم الزوجية

والبحث عن كل يسعـدكم ، لا البحث عن المشاكل ونبش الماضي

اللي راح راح ..،

أفتحي صفحة جديدة وأطلبي منه الأمر ذاتـ‘ـه ..،


رابعاً:-
وهذا أهم شيء ، أفهميه أن علاقة الأزواج
علاقة أخـذ وعطـاء .. تضحية وإيثار
مودة وآلفه


التـ‘ـوافق سيحصـل وستبدأين حياتكـ الزوجية كما أردتيها وأكثر لكن خططي لخطواتك وأرضي زوجك وهو بنفسه بإذن الله وسيقوم زوجك بنفس الأمر لكِ إمتنان وعرفان لكل ماتقوميـن بهِ لـه ،
 
التعديل الأخير:

أم غرام

عضو
22 نوفمبر 2012
16
1
0
تسلم على ردكك
وانا ماعصبت بالعكس يمكن انا غلطت بهالشيء
بس اهو طلب افتح معه صفحه جديده صح ليه يروح يحط حرف ممدري وش قصده فيه واخر رساله ارسلت له اليوم قلت مرحبا حياتي لاترد ولاتدق براحتك انا حبيت اسمع صوتك وفرصه ثانيه ولارد علي
انا تعمتد ارسلها عشان مايقول اني جد غضتها بالحرف او قهرتها به سويت كني ما اعرف شيء ابد
صح قلت بفكر من ناحيه اني افتح معه صفحه جديده بس لاني زعلانه منه ولاحتى حاول يراضيني ويقول لاتزعلين بسوي وبسوي ولاشيء
وشيء ثاني يقول احبك وابيك وكم هالكلام بس الفعل وينه ؟؟؟ ماشفت شيء ابدآ
الي يحب ويبي يصلح اموره مع زوجته يقدم له يسوي لها يفعل مو كلامي بس الكلام كلن يقوله بس لو انه فعل
يصير جد اثبت لي انه يحبني وشاريني جد لحد الحين مافعل ولاشيء من كلامه الا انه قال بفتح صفحه جديده اعتبرينا كنا تونا متزوجين
واني لقيت بيت بس بعد ثلاث شهور باخذه طيب تبي تفتح صفحه جديده ابداء اول خظواتك عطني مصروف انا وبنتك ولاشيء قال ناراح اعطيك علي ضغوطات لو
اني ما اعرف زوجحي زين قلت عليه بس اعرفه واعرف انه ماعليه ضغوطات مو عشاني عشان بنته طيب ليه تروح تحتاج غيره واهو موجوده لا مريض ولاميت لاقدر الله

صدقني معاناتي معه من تزوجته وين صبري وين تحملي وين هذا كله ولاشيء بالنسبه له
 
Ţ

ţΐ๗ ₥άŁђ ฮў ṤỞồŢצ

ضيف
طيب ، زوجكـ هـ‘ـذا يشبـه أحد معارفنا

خليني أقولك قصة لأحد الأخوات وكيف تعاملت بذكاء مع زوجها ..،
الأخت هذي عندها سحر عجيب
أنا شخصياً ماشفته عند غيرها

كان سحرها في لسانها ، لبــقـ‘ـه وذكية في إستخدام ألفاظها ،

ألحين تقولين أنا ويـ‘ـن وهــي ويـن

إسمعي اللي صار،
زوج الاخت كان بس عبارة عن وعود وأحلام وسوالف ومافيه تنفيذ
البنت تعبت منه
راحت عند أهلها ، وطلقني ومن هالكلام
وهو ولا كأن الدنيا عندهـ فاااارقــه >> إنتبهي أنتي زوجك أحسن من زوجها ع الأقل
1) عبر لك عن مشاعرهـ وأنه يحاول يرضيك بالبيت وغيره
حتى وإن كانت مجرد وعود ، يكفي أنه تكبـد عناء أنه يحاول يبهجك ويحوز على رضاك

اكمل ،
زعلت بشدة ، تركها في بيت أهلها مايقارب 4 شهور لاحس ولاخبر
ولا السلام عليكم ياعرب ولاهـم يحزنون
شوووفي وش سوووت ،
رجعت للبيت فجأة وعملت له العشاء وإنتظرته عند الباب ولما دخل
إبتسمت له و قامت رفعت عقاله وبوسـة على الرأس
(وأنا أسفة يا أبو فلان حقك علي ، تراك عزيز وغالي )

الآن الأخت في بيت مستقل عن أهل الزوج ومرتاحة وأصبحت كل مايصير خناقه تروح تراضيه
على الرغم أنه يخطأ في حقها ،لكنها تستفيد من الموضوع لما تبادر وتكسب
أفضل من أنها تصيح عليه وخذني وجيبني من بيت أهلي

يعني بإختصار إشترت زوجها بلباقة لسانها وبحسن تصرفها في مثل هذي المواقف الحساسة ،


وش رأيكــ ...؟!


أنا أقولك الرجَّال ترفعه وتنزله كلمة ، لو وش ما كان
لو عمره 100 سنة
لو وزير/سفيـر/أمير /على أحسن مايكون
لو طبعه شين/ لو سيء الألفاظ والسلوك/ لو خشن مايعرف معنى كلمة المشاعر

لو أنه صخـــرة عمرها 1000 سنـة
كلمة مناسبة بالوقت والمكان المناسب تقلب لك الدنيا فووق تحت

يعني شوفي قصة هذي الزوجه ، ترى زوجها عصبي مرررررررررررررره
يخووووووف اللي مايخاف
إذا عصب الجـــن تنحـاش منه ، والله ماأبالغ

شوووفي كيف قدرت عليه ، ولا بعــ‘ـد

أزيدك من الشعر بيت
هالبني آدم اللي يستر عليه وعلينا
بخيــــــــــــ‘ـــــــــــــــل ، بوساطة (لسانها) +حسن تصرفها +ذكائها ومعاملتها

قدرت تخليه يشتري لها أثاث إذا ماكنت غلطان من تركيا

المهم الأثاث جداً جداً غالي ، تغير الرجَّال فوووق تحت

لدرج الناس تطلع عنها إشاعات بأنها سحرتـه ، تخيلي بالله عليكِ يا أختي أم غرام


أنا متأكد أنك كهذه الأخت بل أذكى منها ،

عطي نفسك وقت ، أحتويه وأنتي بادري لاتنتظرين المبادرة منه
بعض الرجال ماتعرف تبادر
أو يعتبره إهانه له وطعن في رجولته وبعضهم يتغلى على زوجته ،يبي يشووف له قيمة وإلا لا
وبعضهــ‘ـم خجووول ولايعرف يتصرف

والبعض كبـَّري عليــه أربــع ...؟!

أنتي أذكى منه وتقدرين تحولين الموقف لجهتك ،
وترفعين هالزواج من الفشل اللي راح يكون ضحيته ثلاثتكم
والأشد تأثير راح يكون على بنتكم ..
 
التعديل الأخير:

أم غرام

عضو
22 نوفمبر 2012
16
1
0
ما ادري وش اقول
بس يشهد علي ربي جيته مع كل الجهات
بلين والحب والتغاضي والحين اشتخدم اللامبالاه على قولتهم مايتصل ما اتصل ما يقول كلام حلو برضوا نفسه
اطنشه ولاكانه موجود زوجي اناني مايحب الا نفسه سوي لي الي ابي بس اذا طلبتي ان جاك والا اسكتي
اسكت عن حقوقي ثلاث شهور ماجاني مصروف انت متخيل ..؟؟ طيب وش اسوي انا وهالبنت ووقت شتاء
وربي يعين ان شاء الله