انا والمعلمة التي احبها

el_gwathy

عضو جديد
12 يونيو 2007
4
0
0
السلام عليكم ورحمه الله وبركاته
هذي اول مشاركه لي في المنتدى
حبيت اعرض مشكلتي....يمكن القى حل
انا طالبة عمري 17 وعندي معلمة احبها واااايد واللي خلاني اتعلق فيها اكثر انه سمعتني يوم رمستها عن مشكله عندي من صغري وما قصرت معاي طبعا استانست واايد بعد ما كلمتها...هي شخصيتها واايد حلوه ومعاملتها ويا الطالبات وايد حلوه وايد بنات متعلقين فيها هي مب كبيره واايد في العشرينات
بس احيانا اقول هي ما تحبني ويوم اجوفها ترمس ويا بنات او تكون قاعده وياهم احسد البنات اقول يا حييهم قدروا يكسبون محبتها بس انا لا واتم اصيييح واتم افكر شو اسوي ودوم يكون ف خاطري اقعد وياها بروحي بس ما عندي الشجاعه اني اسير عندها..مرت فتره عليه تعبت فيها وايد قلت مهما سويت ما راح تحبني وبتكون مثل اللي حبيتهم واجرحوني
حاولت ابتعد عنها بس ما قدرت..كل الاوقات اتم افكر فيها..يوم ارقد اتم افكر فيها واصيييح
دوم اتخيل اني قاعده وياها وارمسها واضحك وياها...اقول ياليت هالشي يستوي في الواقع
تميت اطرش لها رسايل اتكون مكتوبه بالدم كنت اجرح عمري....كان هالشي يريحني..واحطهم على طاولتها بدون لا اتعرف انه مني....هي اتعرف اني احبها ودوم اطرش لها رسايل عالايميل اعاتبها ما ادري احسها ملت من كثر اشكي لها واعاتبها..احسها هي الوحيده اللي تقدر تفهمني...باختصار ابي منها اتحبني والقى منها حناااان واريدها تسالني عن دراستي تهتم فيني شوي..من زامن ف خاطري احضنهاااا
كل يوم ادش المسن وادعي انها تدخل اضايق واايد يوم ما احصلها...عندي رقم تلفونها واريد ارمسها بس ما اقدر متردده ولو رمستها ما اعرف شو اقلها....دوم يوم اجوفها ف ويهي اقول بقلبي سامحيني ما ادري احس اني ضايقتها وااايد دوم هالكلمه ف لساني ....مع العلم اني مخطوبه احبها اكثر عن خطيبي وافكر فيها اكثر عنه مع

اريد اتواصل وياها بعد ما انخلص من المدرسه وما اقطع بس احيانا اكون خايفه انه ما تتواصل وياي
شو تنصحوني..؟
 

الايجابي

عضو متميز
10 يناير 2007
3,672
6
0
42
abotamym.maktoobblog.com


وعليكم السلام و رحمة الله و بركاته

اهلاً بك اختي الفاضله

انصح بأن تنسينها او تحاولين نسيانها ....

لان حبك لها تعدى الحدود خصوصاً ان بخاطرك تحضنينها ....

و هذا خطر عليك لان الموضوع يمكن يتطور و يوصل لمرحله صعبه ....

و اظن الفراغ الي عندك يالعب دور ....

و الحمد لله ما دمتي مخطوبه يعني ان شاء الله قريب تتزوجين ....

و زوجك راح يملى الفراغ العاطفي الي تعيشينه ....

و تكون هذه الانسانه في صفحات الماضي ....



 

وطني

عَضوْ شَرَفٍ
21 ديسمبر 2006
4,612
40
0
32
اهلا بك أختي العزيزة على المشاركة
بما أن رقم تلك المعلمة موجود عندك فلا تترددي في الاتصال بشرط بعد الانتهاء من الامتحانات بفترة طويلة ( اسبوعين تقريبا )
حتى تكوني مشتاقة لها كثيرا و في ايضا قول لها أنكِ تحبينها بكل صراحة و إن لم تسطيعين ارسلي لها رسالة
و سوف تتفهم الامر إن شاء الله و لا تترددي في الاتصال حتى لا يكبر همك أكبر

و لكِ كل الحب و التقدير ان و ثقتي في هذه المنتدى
 

رنين السكون

عضو متميز
27 مايو 2007
220
3
0
ياحبيبتي ,, حاولي تنسيها وتبعدي عنها عشان لاتفكري فيها كثير لأنو بصراحه من كثر التفكير ممكن يوصلك لشي ثاني ...

وانتي تقدري اذا حطيتي دا الشي في باللك ...

وحاولي تشغلي نفسك باشياء مفيده وقراءة القران ... بكره الايام تعدي ...

اختكــ
 

نسمة صبا

عضو متميز
5 يوليو 2004
122
0
0
أهلاً بك أختي el_gwathy بيننا

أولاً : اسمحي لي أن أهمس في اذنك اقتراح هو ان تزيدي من تقديرك لنفسك ... عزيزتي نفسك أولى بأن توليها كل عنايتك و اهتمامك بالتطوير و الرعاية ... لأن نظرتك لنفسك و نظرة الآخرين حولك تعتمد على مدى اهتمامك بذاتك ... فكيف تلومين أحبابك بأن جرحوا قلبك و أنت بيدك(تجرحين نفسك حتى تسيل قطرات من دمك) !!!!
ابدئي ببرنامج محبب إلى نفسك مدة شهر تنهينه بكل فخر بانجازك. طبعاً يدعمه دعاؤك الصادق..

ثم حادثي معلمتك بعدها و حدثيها عن انجازاتك كفتاة ناضجة تعرف ماذا تحب في معلمتها و تتمناها أختاً قريبة منها ...
و قولي لها بكل صراحة عن اعجابك بشخصيتها و اقتراحك استمرار تواصلكما و خذي رأيها بصراحة و افهميه بواقعية...

و أمنياتيي لك بالتوفيــــــــــق،،،

أما مقارنتك لمعلمتك بخطيبك ؟؟؟؟؟؟

بصراااااحة لا تدخلي في مقارنة ليست متكافئة و تشتتي نفسك .....

المعلمة صديقة و الزوج شريك ,,,,,,,,,, و الباقي لحكمك