الرهاب الاجتماعى و خطوبتى :((

  • نعتذر عن الأخطاء التقنية في الموقع ، جاري العمل على إصلاحها

    هذا المنتدى وقف لله تعالى


مشكلتى ديه يا جماعه منتشره ولا ؟

  • منشره اه بس مش اوى يعنى

    الأصوات: 0 0.0%
  • فى ناس كده

    الأصوات: 0 0.0%
  • لا

    الأصوات: 0 0.0%

  • مجموع المصوتين
    2

محمد نور الدين

عضو متميز
10 أبريل 2012
58
16
0
مصر
سلام عليكم :)

ازيكم جميعا .. انا كان نفسى اسجل فى المنتدى من زمان لانه عجبنى جدا و ماشاء الله الاعضاء فيه متكاتفين مع بعض و بيقدموا لبعض نصايح انا نفسى استفدت منها:eek: فربنا يبارك فيكم و يجعل لك واحد فيكم من مرضه شفاء اللهم آمين:wink: ..

النهارده انا عاوز اطرح عليكم مشكلتى يمكن اقدر الاقى عند حد منكم جواب يساعدنى او تجربه اقدر استفيد منها:confused: ..

باختصار كده : انا محاسب شغال بره مصر و عندى 24 سنه و الحمد لله الامور الماديه تمام:cool: .. مشكلتى انى المفروض انزل عشان اخطب لكن انا باجل النزول لانى عارف انى لو نزلت لاااااااازم اخطب بناءا على زن والدى ووالدتى و بناءا على ان كل ظروفى متاحه وكمان بصراحه انا فعلا محتاج للزواج:p .. لكن انا رهااااااااااااااااااااابى :(

اولا : بخجل جدااااا لما بنت تكلمنى او بكلم بنت وببقى متلخبط و وشى بيحمر و مابقاش عارف اقول ايه ولا اقف ازاى و لا اعمل ايه وبحس ان كلامى سخيف و بحس انى مش على بعضى كده وبعرق جامد جداااا و بحس ان البنت لاحظت ده و بدات تستهيفنى وكمان بما انى طويل وعريض فبقول فى نفسى تلاقيها دلوقتى بتقول طويل و هايف :confused:

ثانيا : بحكم عملى بره فانا عايش مع اصدقائى فى الشركه وفى السكن وكده .. المفروض بئه يكون فى حد فيهم قريب منى او انتمنا مع بعض .. الا ان ده ماحصلش ومابيحصلش ساكن مع ناس فى شقه كلهم اتنينات ولما ناس تمشى و ناس تيجى برده اتنينات و كده متصاحبين يعنى مع انى بحاول اقرب منهم و اتكلم معاهم الا انا بحس انهم بيملوا منى برضه:confused: و ان كل واحد فيهم بيحس انى ممل وان فى ناس يقدر يصاحبهم تبقى المصاحبه معاهم شيقه اكتر بدل الملل بتاع الواد ده :((

ثالثا : وده الاهم انى حاسس ان كلامى ممل جداااااااااااااااا ، انا اصلا بمجرد مابدا اقول حاجه بحس ان اللى قدامى خلاص مل وعايز يقولى انجز وفعلا بلاقى اللى قدامى بدا يتململ كده و يتاوب و يشوف اى حاجه يتسلى فيها لحد ما اخلص كلامى الممل مع ان كلامى موجه ليه ، انا مستمع بدرجه امتياز اللى قدامى اقدر بايحائاتى وبإيمائاتى اخليه يتكلم من هنا لميه سنه قدام بس بحس انى فى موقف ضعف لما يوجهلى سؤال عشان ارد مابعرفش .. انا كان جالى اكتئاب وقلق ووسواس ايام الكليه و خدت سيروكسات 20 مل وكان حبه الصبح وحبه بالليل واستمريت عليه لمده 4 سنين بعد سنه ونص من العلاج الاكتئاب والقلق و الوسواس راحم الحمد لله فبدأت اقلل مع نفسى الجرعه لحد ما وصلت لنص حبه اول الاسبوع و نص فى نص الاسبوع مع العلم انا اصلا رهابى من وانا صغير :( ..


( هقول لخطيبتى ازاى انى مريض نفسى ؟؟ هقولها ازاى انى باخد ادويه نفسيه ؟ هل هتتقبل ده ؟ ازاى هقدر اكلمها وانا ماعنديش ثقه فى كلامى ؟ ازاى هتقدر تتأقلم معايا وانا اصلا كل اللى بيقرب منى بيمل:confused: ازاى هتقدر تحبنى ، كان نفسى من زمااااان بنت تحبنى بس اظاهر انه مش هيحصل :( .. ازاى هى هتقدرنى وانا اصلا مافيش حد بيقدرنى للمشاكل اللى عندى وعدم قدرتى على التواصل مع الناس ؟):confused: امبارح قريت قصه حب كده يعنى :redface: وعجبتنى جدا بس كانت بين اتنين مخطوبين زعلت جداااااا وقولت شكلى ماليش نصيب فى موضوع الحب ده و خطيبتى او زوجتى هتعيش معايا و هتتقبلنى على اساس اهو ضل راجل ولا ضل حيطه وهتبقى حياتنا روتين فى روتين .. حد يقدر يساعدنى يا جماعه ؟؟

( معلش الموضوع كان اوله اختصار قلب برغى كتيييييير :) )
 

مجتهد

عضو متميز
19 مارس 2010
932
825
0
مصر
الأول أهلا بيك يا محمد في الحصن
ثانيا تقدر تضغط على لوحة التحكم عشان تتابع كل الردود على مواضيعك ومتحيرناش معاك

الاهم بقه
توكل على الله واخطب وانزل اجازة
ايه يعني لو كلامك ممل مين في الدنيا دي كلامه مش ممل
يابني الواحد بيسمع نكته واحد يعتبرها رائعة وعشرة يعتبروها مملة
فمتحطش في دماغك انك ممل

ثم طبيعي لما تكلم بنت هتكون متلخبط بس لما تتكلم مع واحدة ناوي تخطبها وتتجوزها ربنا هيسر لك الموضوع لان نيتك كويسة

وعلى فكرة معاملة الرجالة غير معاملة النساء فما تقارنش زملاء السكن او العمل بأصدقاء الطفولة او شريكة الحياة

طمنا كده وعاوزين نفرح بيك يا محمد

 

مجتهد

عضو متميز
19 مارس 2010
932
825
0
مصر
بص يا محمد ، انت جرئ والغربة دي مش أي حد يقدر عليها ومع ذلك انت قدرت تسافر وتتعامل مع ناس لا عمرك شفتهم قبل كده ولا حاجة والحمد لله مستمر وبتحقق نجاح مادي كويس
عاوز نصيحتي ، خليك على طبيعتك مع عروسة المستقبل احكيلها همومك ( بس ما تفكرش انك مريض ولا انك بتاخد ادوية )
ولو احتجت اي مساعدة قول يارب ثم اسألنا

بالتوفيق يا معلم
 

محمد نور الدين

عضو متميز
10 أبريل 2012
58
16
0
مصر
بص يا محمد ، انت جرئ والغربة دي مش أي حد يقدر عليها ومع ذلك انت قدرت تسافر وتتعامل مع ناس لا عمرك شفتهم قبل كده ولا حاجة والحمد لله مستمر وبتحقق نجاح مادي كويس
عاوز نصيحتي ، خليك على طبيعتك مع عروسة المستقبل احكيلها همومك ( بس ما تفكرش انك مريض ولا انك بتاخد ادوية )
ولو احتجت اي مساعدة قول يارب ثم اسألنا

بالتوفيق يا معلم


جزاك الله خيرا يا مجتهد .. كلامك حمسنى فعلا .. وحااضر هبقى ادوس على زرار المتابعه و مش هحيرك معايا :)
 

ولد بلادي

عضو متميز
17 أغسطس 2011
538
165
0
نصيحتي لك , توكل على الله وصل الإستخاااارة وأخطب ..
والزواج يخفف من الرهاب , ومثلما قال أخوي مجتهد , لا تقارن زوجتك بزملاء العمل والأصدقاء ..
 
  • Like
التفاعلات: محمد نور الدين

مجتهد

عضو متميز
19 مارس 2010
932
825
0
مصر
في فرق كبير