صباحكم ورد ..

أحببت أن أهديكم قصيدة (فقير) للأمير الشاعر المبدع : عبد الرحمن بن مساعد

القصيدة من أروع ماقرأت وتحمل من المعاني والعظة الكثيرالكثير..

فقير... وعندي المال الكثير..

فقير... وملبسي غالي حرير..

وياصاحبي الحافي الفقير..

أبنشدك ..أبسئلك..

وشهو الحصير..

وأبسئلك وشلون انا امر وانهي..

واذا حكيت قبل انتهي من كلمتي..

يقاللي سم ويصير..

ولاشكيت من غفلتي طول زمنها..

يقاللي لاتشتكي ماخلقت الشكوى لأمير..

وأبسئلك وشلون انا مع كل ذا ..

!!!أقول عن نفسي فقير؟؟؟

ياصاحبي لاصار للضحكه ثمن..

وصارو أصحابي كثيربس بثمن..

والوفاء مابه وفاء الا بثمن..

أبسئلك ماني فقير ؟؟؟

ولاصارت أقوالي حكم...

ولاقالها غيري ..غدت حكي قديم..

أبسئلك ماني فقير؟؟

ولاصرت أنا مانيب أنا..

ولاغلطت قالو صحيح..

وكل شي أعمله يصبح عظيم..

أبسئلك ياصاحبي ماني فقير؟

وياصاحبي أبنشدك.. لمن جفتني دنيتي..

وابتدا الدرب الطويييييييييل الى أبد ماينتهي..

وانتهي العز القديم.. وماكنت أظنه ينتهي..

والموت بدد فرحتي .. وحطوني في قبر صغير..

وحزنو علي وبكو هلي ..وناس من ربعي قليل..

وارتاح من وجهي كثير.....

وبقيت وحدي في حيرتي مابه أحد...

لاطال عمرك.... ولاتحت امرك...

ماغير أنا ..وخوف ..ولحد...

وحساب قدامي عسير..

وقتها ذكرت أني من زمان..

يوم انه أمهلني الزمان..

هذا ظلمت..

هذا جرحت ..

ياااااااما كذبت..

وذنوبي ماتحصي كثير...

وقتها الا ندمت ونفسي كرهت..

عرفت ان الله كبير.. وان الهلاك اصبح اكيد..

واني انا مالي رجاء..ولاهروب من الدجاء..

من الجحيم الا بأمل عندي وحيد..

ان الله غفار ورحيم..

ابسئلك ياصاحبي عني أنا ..

في وقتها..

ماني فقير؟؟؟