السلام عليكم و رحمة الله تعالى و بركاته

انا ما اعرف شو احب شو ما احب شو اكره بقولكم بعض الاشياء

مره ارسلت لصديقتي نشيده انا اموت فيها قالت لي بعدين يوم شفتها ان النشيده بايخه قلت صح مزعجه ؟ صح بس حبيت مقطع فيها

و احس ما عندي ذوق يعني اجري مع الاغلبيه اذا عجبهم عجبني

ما عندي كلمه او راي

و احس اني لازم ابين للناس اني زعلت منهم عشان يعرفون حدودهم

يعني مرات لو احد قال عني شيء يمزح معي و جرحني عادي عندي يوم اكون لوحدي اذكر الكلام و انجرح بس عنده لو كان كلامه مضحك و يجرحني اروح اضحك و صدق بس بعدين احس الكلام قوي ما ادري

ما ااعرف نفسي كيبف الناس بيعرفوني ؟

احس ما عندي شخصيه

مرات مثلا في وحده متسلطه اقول في نفسي يوم تجي مثلا و تكلمني بقول لها كذه و كذه اخرتها يوم تجي ما اقول اي شيء ساكته و اكون خويفه و يوم تكلمني عادي اكلمه عادي و ابتسم مرات احس يوم اشوف الاشخاص خلاص انسى الي سيووه فيني و اكون طيبه حتى لو راحو اكون طيبه بس يوم يسوون شيء ازعل و اقول بوقفهم عند حدهم بس ما اعمل شيء

اتمنى ترشدوني ؟ :(

الله يعينك احتي اعتقد هذه الاشياء تصير دائمآآ ولا تهتمي ابدآآ انتي خليك واثقه من نفسك ولا تهتمي بإيش يقولوا عنك انتي قد تكوني اكبر منهم عقلا وليس كل مايحبه الناس تحبيه للا اختي فيه اشياء غلط يحبها الناس انتي اختاري لنفسك كل ماتريدين ولا تهتمي بأحد واذا كان اختيار الشخص لغرض معين وعجبك هذا الغرض مايمنع انه ترتاحي لاختياره قد يكون قريب من ذوقك في الاختيار ..

ومابيك تهمتي بالاشياء هذه كثير وبالعكس استمري بحياتك وخليك هادئه واذا محد اعجبه رأيك لا تتأثري ..

وبالنسبه للانشوده اذا ماعجبتها ماعليك منها بالعكس انتي استفدتي انه بالمره القادمه تكون الانشوده احسن واحسن يعني قد تكون البنت هذه افادتك برأيها وهيا ماتدري ...


وانشاءالله تكون كل حياتك سعاده وفرح ومانشوفك فيوم متظايقه


وربي يحفظك من كل شر


تقبلي تحياتي

طلال

بتصدقيني يا اختي لو قلتلج اني كنت نفسج ونفس شخصيتج ولكن جلست مع نفسي كثير وقلت انا شو ينقصني عشان ما اكون انا ,ليش ما اكون مثل ما انا اريد مامثل ما الناس تريد ولما كبرت ورحت الجامعه زادت ثقتي فنفسي وصار الكل يسويلي الف حساب واللي كان يجرحني بالامس ويصغرني اليوم صار يتمنى بس كلمه مني بس في شي احتفظت فيه وما تغير فيني طيبة قلبي وابتسامتي هم جواز العبور الى قلوب الاخرين -صدقبني انتي تحتاجي دفعه للامام وبتكوني قويه وفي نفس الوقت محبوبه بين الناس.

مشكور طلال ع الرد

و صح انا يمكن قبل احس اني كنت مثلهم
لان في مجتمعاتنا الخليجيه ما ادري بالنسبه لبقيه الدول المهم في الخليج احس مثلا يوم وحده تقولي هذا الفستان حلو و انا اشوف انه بايخ جدا و يقزز و يلوع الجبد اروح اقول شوووووووووو ؟؟ حلو ؟؟ صج ما عندج ذوق

شيء طبيعي

بس انا قريت في المنتديات ان اختلاف الاذواق و اختلاف الآراي مو يعني في شخص صح و الباقي غلط لكل شخص راي و ذوق لازم نحترمه و احس اني اتعلم من المنتديات

و سالفه اذا الشخص اختار شيء و عجبه و انا يمكن يكون هذا الشيء احبه

لا انا اقصد ان يوم يقولون هذا حلو انا اقول هيه صح بس كده اقول هيه صح اذا هالشيء شكله عادي او حلو

اما اذا شكلو بايخ بالنسبه لي اقول ما عجبني

و شكرا مره اخرى

مشكوره اختي زهرة
و انا بعد اقعد مع نفسي و تطلع عندي نواقص كثيره و اريد و اخطط من عده نواحي اطورها و اني مثلا اتطور من الناحية الدينيه اهتم اكثر و اني اتطور من الناحية الجسميه اني اسوي رياضه يعني تكون عندي اشياء انا اريدها انا احددها بس المشكله في العمل اني ما اسويها
اريد اسوي اشياء اخترها ما اسوي و لاشيء

و حبيت اضيف شغله

انا شخصيه مرنه

يعني يوم وحده قالت لي وين تبين تيلسين قلت لها اي مكان عادي

قالت ما عندج شخصيه

ف انا من هنا قلت صح كلامها

بس الحين احس يمكن مرنه زياده عن اللزوم

يعني مثلا عندي بريك (فسحه) (وقت فراغ) في الجامعه و ابي اسوي شيء اكتب واجب او اروح اسوي شيء و يوم يبدا وقت الفسحه او البريك مثلا يدقون علي يقولون تعالي ناكل و بعدين نروح هني و هناك ما اقول لا اروح و أأجل هالشيء لاني بسويه في البيت

فما اعرف صراحه
هل اعطيهم فيس زياده عن اللزوم ههه و الا شالسالفه

السلام عليكم ورحمة الله وبركاته

.. والله انا حاسه فيك لاني الى الان ماقدرت اتخلص من هذا الشيء .. لكن فكري سكوتك وتخوفك من مواجهتم مارح يفيد بشيء بالعكس بيشوفونك ساكته وبيستهينون بك في الرايحة والجاية .. لازم تثبتي نفسك حتى لو اش ماكلف الامر لاوم .. اطلعي من القوقعه اللي انتي فيها وقولي ماعاش من يستخف فيني ..

شكرا ع المشاركه الحلوة و صدق يمكن هاذي المشكله

يزاكم الله الخييييير