وضع مريض الرهاب الاجتماعي في العيد

[باسم]

السلام عليكم ورحمة الله

حياكم الله يااهل الرهاب

والله في الشجاعة انا شجاع وفي الفتوة فتي وفي الاقدام اول وواحد من اقربائي مايخاف

ولي قصص مضاربات كثيرة انحاشو كل ربعي الا انا صامد

لكن الرهاب مااقدر عليه

وشلون مادري

المهم ودي كل واحد من اخوانا يقولنا وضعه في الاعياد وكثرة الزيارات بين الاقارب بها ل وقت

يعني كل واحد يقول لنا وشلون عاش العيد

ويعطيكم العافيه ..

[زورق الشوق]

والله اخوي باسم مدري وش اقول بس هالعيد مر علي وانا معتزل عن الناس لاني بالاعياد الماضيه كنت بحالة حرب مع خوفي وكان هذا الصراع يتعبني ويضعفني لكن هذا العيد قررت اكون معتزل وبصراحه كنت مرتاح لاني ماكنت ملزم بهالصراع المرير اللي تحس فيه بداخلك ويقيد النار فيك
والظاهر انه بتكون حياتي معتزل عن الناس لاني تعبت من مواجهة الخوف بعكس مايقوله اللي بعيد عن الرهاب ولاذاق مرارته بانه لازم تواجه مخاوفك ومن التطبيقات النظريه اللي يصعب تطبيقها بالواقع
لكن نقول الحمدلله على كل حال

[social phobia 86]

والله حالنا للأسف ما تغير .... قاعد بالبيت وما عايدت الاهل

وبما إني توني بديت اتعالج .. إنشاء الله العيد الجاي اروح اعايد على أهلي إلي صارلي سنين ما شفتهم

[رهابي كبير]

كل عام وانتم بخير للجميع

بالنسبه لي جلست مع اخواني بس واهلي وتعايدنا وصدقوني ان العيد اصعب شي على

لاني احيانا اضطر اصب الشاي والقهوه في المجلس وحالتي حاله

طبعا الاهل يزورون بعض الاقارب لكن ما اروح معهم الا اذا اصر احد علي

واتمنى بعدها اني ما رحت