السلام عليكم ورحمة الله وبركاته .....
باءختصار شديد ... انا بعد مع اتفسخت خطوبتى اتقدم لى 3 عرسان واحد منهم جارى واخلاقه ممتازه وعاوزنى وشارينى بقاله سنين بس بحس ناحيته بمشاعر الاخت لأخوها والاتنين التانيين معرفش عنهم اى حاجه لا اخلاقهم ولا ظروفهم بس اتوسم خير فى واحد منهم ...... انا محتاره ومش عارفه اختار وبصراحه انا بعد ما انفصلت انا وخطيبى انا مليش نفس اتخطب تانى نفسى اتسدت عن الخطوبه والجواز لدرجة انى كل يوم اقول انا هصلى استخاره قبل ما انام الاقى نفسى كسلانه وانا دلوقتى بشتغل والحمد لله انا طموحه جدا فى شغلى وحاسه ان التفكير فى المواضيع دى هيعطلنى ومن الاخر مواضيع الخطوبه والجواز دى بتجيب وجع الدماغ ..... وفى الوقت نفسه والدى ووالدتى نفسهم يجوزونى ويطمنوا عليا وانا خايفه ارفض ارفض ارفض لحد ما سنى يكبر ,, انا دلوقتى عندى 21 سنه ........
قولوا لى اعمل ايه ؟

السلام عليكم ورحمة الله

اولا عايز اقولك حاجه حاسس انها خطيرة جدا

وهيا انك شايفه نفسك فى الشغل ومعندكيش نفس تتخطبى وتتجوزى دلوقتى
صح كدة
موضوع ان البنت تشتغل وتهتم بالشغل وتنسى موضوع الجواز بتفوق من الكلام ده متاخر
انا اعرف بنات كتير كتير كده -مش معرفه صداقه - لكنهم شغلين ومستقرين فى العمل لكن طموحهم فى العمل اجل الجواز وحالياا صبحوا ممن يقال عنهم عوانس
صدقينى افضل شىء للبنت انها تتجو وتكون ام
هتستفيد ايه البنت لو ارتقت اعلى المناصب وفى الاخر مفيش حد معاها الاخوات هيتجوزوا والاب والام الله اعلم بعد كام سنه هيكونوا فين ربنا يديهم الصحه

ديه اول نقطه عايز الفت انتباهك ليها انك متنشغليش بالشغل عن موضوع الجواز

ثانيا
كون انك اتخطبتى ومحصلش نصيب الكون موقفش
الخطوبه الفائده منها انها تبقى فترة قبل الزواج علشان لو مفيش توافق يكون الانفصال فيها بخسائر بسيطه
مش معنى ان محصلش نصيب انك تتعقدى
لكن ممكن تعطى نفسك مهله بسيطه تعيدى فيها تفكيرك

ثالثا
انا كنت خاطب برده لكن سبب انى انهيت الخطوبه انى كان احساسى ليها مش احساس اتنين هيكونو زوجين فيما بعد
علشان كده لازم يكون عندك قابليه للانسان اللى تقبليه انه هيكون زوج ليكى والافضل عدم اتمام موضوع ابن الجيران لو فعلا مشاعرك ليه اخوات ولن تتعدى كونها ذالكك علشان ميكونش فيه خسارة بعد كده ليكى وليه وعلى رأى المثل اللى يتكسف من بنت عمه ميجبش منها خضار
اما الموضوعين الاخرين لو ينفع تتكلمى مع الانسان اللى قلبك مرتحله وبعدها تصلى صلاة استخارة وتقررى
ولو مفيش اتكلمى مع التانى وصلى استخارة وقررى
ولو مش مرتاحه للاتنين خلاص نصيبك هيجيلك فى الوقت المحدد

بس اوعى تهملى موضوع الجواز ده وتتلهى فى الشغل صدقينى ممكن تندمى فيما بعد ولن ينفع الندم

اختي العزيزه

اتفق في ماقاله اخي engineer82 من ناحية ان البنت ماتأخر زواجها
إ
(ذا أتاكم من ترضون دينه وخلقه فزوجه) أو كما قال صل الله عليه وسلم

حطيها بين عيونك الكلمه هذه اهم شي دين واخلاق الشخص المتقدم لك
إذا واحد من الي تقدموا لك صاحب دين وخلق ومرتاحه نفسك له بعد الإستخاره فتوكلي على الله ولا تترددي

لاتنسينا من صالح دعاءك

أختي الحبيبه ..

من رأيي أنك تستخيري ...

و تتوكلي ع الله ..

أختي إحساسك إنك رافضه الزواج هذا شي طبيعي .. بعد فترة الخطوبه اللي مريتي فيها

ياليت تتناسي هـ الإحساس وتتوكلي ع الله ..

يمكن يكون نصيبك مع احد هؤلاء الأشخاص ..

والله يوفقك ...

أختك

فلنبدأ من جديد

اتمنى لك بداية سليمة

اختى

يبدو لى بإنك لم تتجاوزى أزمة انفصالك و انتى مازلتى شابة صغيرة

كما اننى لاحظت بأنك لا تميلين الى الارتباط بأى من الاشخاص المتقدمين لك

و رأى ايضا ان تتركى لنفسك الفرصة للاستفادة من التجربة التى مررت بها

لتستطيعى أخذ قرار سليم لا يقود إلى الفشل مرة اخرى

... لا تجبرى نفسك على أن تخوضى أى تجربة دون ان تدرسى عواقبها ..

... و لا تتخذى قرار مصيرى و انتى ما زلتى رهينة تجربة فاشلة ..


أختك ميار

أختى الغالية ..فلنبدأ من جديد


أنا اتفق مع الرأى القائل بالانتظار حتى


تنمحى تماما أثار التجربة الماضية

وتهدأ نفسك وتنشرح لفكرة الأرتباط من جديد


وقتها ستكونى أكثر موضوعية فى تقييم مشاعرك


ومزايا وسلبيات أى خاطب جديد

فتجربة فسخ الخطبة بها من المعاناة والقلق

والألم مقدار كبير


لذا حاولى العودة للحياة الاجتماعية تدريجيا

وجميل كونك بتشتغلى الحين

كما انك ما زلتى صغيرة وامامك وقت كافى لاتخاذ قرار سليم

ربنا يبارك لكم يا رب .... واشكركم على النصائح الغاليه دى .
بس انا عاوزه اسألكم على حاجه ... هو لو الاب والام مرتاحين لعريس من العرسان المتقدمين لبنتهم وحاسين ان هو ده الزوج المناسب لبنتهم يبقى هما صح حتى لو البنت مش عوزاه ؟

بس انا عاوزه اسألكم على حاجه ... هو لو الاب والام مرتاحين لعريس من العرسان المتقدمين لبنتهم وحاسين ان هو ده الزوج المناسب لبنتهم يبقى هما صح حتى لو البنت مش عوزاه ؟

السلام عليكم اختى وبارك الله فيكى

اكيد وجهة نظر الوالد والوالده على راسى من فوق واكيد رأيهم ليه اعتبار ويؤخذ بيه لكن
كلمة لكن ديه تحسى كده انها ركنت كل الكلام اللى فات على جنب علشان نقول كلام تانى
لكن من الذى سيتزوج ومن الذى سيعيش مع ذالك الرجل
والديكى ام انت
انت اللى هتعيشى
مش معنى ان الانسان فيه كل الصفات الحلوه انه يكون زوج مناسب او زوجه مناسبه
من الحجات المهمه جدا فى الزواج الارتياح النفسى والميل القلبى
ارتياح وقبول ان الانسان ده هو اللى هعيش معاه عمرى كله

ممكن يكون فيه انسان مواصفاته اقل لكن هناك قبول وميل وتفاهم
اظن انسان زى ده هتكون الحياه معاه افضل بس يكون صاحب دين وخلق طبعا
يعنى انت فى الاول والاخر من ستعيشين معة فلا تجعلى ميل الاب والام لهذا العريس يجعلك تتنازلى وتقبلى بهذا العريس رغم عدم اقتناعك به وارتياحك له

مش عارف
كلامى وصل
اتمنى يكون وصل

اخى فى الله engineer82 جزاك الله كل خير وجزاكم الله كل الخير جميعا اخوتى واخواتى فى الله ....
انا مش عارفه اعمل ايه حاسه انى عايشه فى صراع ما بين شيئين ومش عارفه اختار ايه فيهم , انا والدى ووالدتى معجبين اوى بالولد جارنا ده لأنه بيموت فى التراب اللى انا بمشى عليه وبيحبنى من زمان اوى وكان مستنينى لما اخلص دراستى وكمان لما ظروفه تتحسن وأول ما ربنا كرمه انا اتخطبت وبعد كده حاول يتقدم فأخويا قاله اننا خلاص اتفقنا وكل شىء قسمه ونصيب ومخطبش بعد ما انا اتخطبت على الرغم من ان ظروفه كانت اتحسنت جدا خلاص وكان عنده امل انى اكون ليه فى يوم من الايام وبعد ما اتفسخت خطوبتى اتقدم تانى وباءلحاح وانا اهلى بيحبوه من كتر حبه فيا وبيقولوا لى هو ده اللى هيصونك وخصوصا كمان انه على خلق ودين ووالدته متوفيه وشقته جاهزه وهعيش جنب امى فهما شايفين انه ممتاز بكل المقاييس بس انا غصبن عنى بحس انه زى اخويا ومش عارفه هل الاحساس ده ممكن يتغير فى يوم من الايام ولا لأه اما الاتنين التانيين واحد منهم بحس ان مشاعرى ممكن تتحرك شويه من ناحيته وفى الوقت نفسه متدين واخلاقه كويسه برضو بس مش بيحبنى بنفس درجة الحب اللى بيحبهالى جارى يعنى انا بالنسبه له مجرد عروسه فيها صفات معينه بيتمناها .... قولوا لى اعمل ايه اختار ما بينهم ولا ازحلئهم كلهم واركز فى شغلى وخصوصا انى اليومين دول المدير بتاعى مبسوط جدا من شغلى وكفاءتى وبيشجعنى والمواضيع دى شاغله تفكيرى ومبخدش منها الا تضييع الوقت ووجع الدماغ.

السلام عليكم ورحمة الله

والله الموضوع اكيد محير

واكيد صعب

لكن انت اكتر واحدة تقدرى تحددى مشاعرك

لكن انا عايزك تحطى موضوع الشغل ده على جنب

ياريت ميدخولش فى الموضوع لانه ليس له علاقه بيه

كل ما فى الامر انك عايزه تهربى من اتخاذ قرار

اقولك حاجه كويسه
ممكن نفكر باسلوب متسلسل
flow chart

فى بادىء الامر ابتعدى عن اى تأثير خارجى على رايك
ثم

اولا هل انت على استعداد نفسى انت ترتبطى حاليا

إن كان لا فاعطى نفسك فرصه لتعيدى حساباتك واستقرارك النفسى

إن كان نعم عندك استعداد يبقى ننتقل للخطوه التاليه


ما هى مواصفاتك التى تتمنيها فى شريك حياتك
السن
المؤهل
الدين
الخلق
الشكل
العائله
وهاكذا.............

ثم تنظرى ايهما مناسب
ثم تنظرى ايهما اقرب إلى قلبك
وتستخيرى الله وتاخذى قرارك
وإن كان هناك خير سيتم الله لك الامر
وإن كانت الاخرى فسيجعل الله لك الخير فى غيرة

لكن ياريت تضعى فى اعتبارك ان مش معنى ان انسان بيحبنى جدا انى هكون سعيد معاه لانى مش شرط احبه علشان هو بيحبنى
الحب او الميل او الارتياح لابد ان يكون متبادل من الطرفين لازم يكون فيه تكافؤ فى العاطفه
لكن من طرف واحد هيكون صعب ولو وفقتى وبعد كده مقدرتيش تحبيه هيكون رفضك ليه مؤلم جدا
عن دلوقتى لانه هيكون اتعلق بيكى اكتر

الموضوع كتير صعب لكن حاولى تبعدى عن الضغوط اللى حواليكى من الاهل
وفكرى بهدوء
واتمنى اكون ارشدتك ازاى تفكرى فى الموضوع
ممكن بردة تاخدى راى صديقه مقربه ومخلصه ليكى تثقى فى رايها
تكون شايفه الموضوع عن قرب وتديكى رايها

ربنا يوفقك للخير

بسم الله الرحمن الرحيم

اختي العزيزه ممكن لانني امرأه مثلك...هذا الشي يجعلني افهمك اكثر..

ربما خطيبك السابق لم يحسن معاملتك...او ربما حدث لك موقف معاه...نكد حياتك!...

وجعل نظرتك للزواج والحب تختلف...!


والمشكله انك لم تأخذي وقت كافي تنسين مشكلتك السابقه...

بدايتاً انصحك ان تنسي موقفك مع خطيبك السابق...وان تفهمي ان ليس كل الرجال نفس النوعيه!...

(وان اصابعك مش زي بعض)...

كل واحد له شخصيه مختلفه عن الاخر!...

بدايتاً يحق لك ان تجلسي وتتكلمي مع كل واحد من اللذين تقدموا لك...

وان تري من منهم شخصيته تناسبكِ اكثر!...




الان اريد ان اسالك سوال وان تجاوبيني عليه...

ماهي مشاعرك تجاه خطيبك السابق؟...هل تكرهينه؟!!!

وماهو السبب اللذي جعلك تنفصلين عنه؟!

وكم دامت خطوبتكم؟...(المده)...

بانتظارك!

ربنا يكرمك يا رب ويبارك لك ويجعل المشوره الغاليه دى فى ميزان حسناتك ..... انت لفت نظرى لحاجه مهمه وهى انى اتعامل مع الامر اصلا بجديه اكتر من كده لأن ده قرار مصيرى وانى امسك الورقه والقلم واحسبها وقبل ده كله استخير ربنا سبحانه وتعالى ,,, على فكره صديقاتى كلهم بلا استثناء بيفضلوا جارى ده زى أهلى عشان هو شخص جدير بالاحترام وهما يعرفوه لدرجة ان فى واحده من جاراتى وصديقتى فى نفس الوقت قالت لى يا ريت كان يتقدم لى انا ده انتى مش وش نعمه ومش عارفه هل كل الناس دى صح وانا بس اللى غلط وده اللى دفعنى الى انى اكتب المشكله دى فى المنتدى ... المشكله كمان ان الكل سواء أهلى او اصدقائى او جيرانى بيقولوا لى دايما انك لو رفضتى ده يبقى انتى بكده بتفترى وربنا هيبتليكى باءنسان مش كويس ومحسسنى انه أخر الرجال المحترمين .... اه هو انسان كويس بس برضو فى ناس كويسه كتير .... ما علينا ... انا تعبتكم معايا على العموم ربنا يجازيكم كل الخير ويرزقكم راحة البال ويرزقكم كمان بالازواج والزوجات الصالحين جميعا بدون حيره ولا قلق .... وربنا يجازيك كل الخير اخى engineer82

الان اريد ان اسالك سوال وان تجاوبيني عليه...

ماهي مشاعرك تجاه خطيبك السابق؟...هل تكرهينه؟!!!

وماهو السبب اللذي جعلك تنفصلين عنه؟!

وكم دامت خطوبتكم؟...(المده)...

بانتظارك اختي

انا لا بكره خطيبى السابق ولا بحبه .... اصبح لا يمثل لى اى شىء وهو لو اخر راجل فى الدنيا انا لا يمكن ارجع له .
سبب الانفصال ان امه هى الكل فى الكل وانه فى ايديها زى قطعة الشطرنج ... اخطب دى يخطبها وسيب دى يسيبها ... واخوه الكبير كان مطلق قبل كده واحده بيحبها بسبب ان امه قالت له برضو سيبها وطلقها .... فعرفت انهم مش رجاله هما الاتنين وان مصيرى كان هيبقى زى البنت المسكينه اللى اتطلقت دى .
مدة الخطوبه 7 شهور وكان بيسافر شهر يجى اسبوع اجازه وفى الاسبوع ده بيجى جلى 3 مرات مثلا

عزيزتي فلنبدأ من جديد

ببدأعلى طول دغري في الموضوع


سالفة خطيبك إنسيها ماضي ورااااح لا تلتفتي فيها أبدا


ثانياً خذيها قاعده اللي يحبك من قلب وسنين طويله وفيه دين وخلوق ,,,,, لو صار بينكم شي ما هيظلمك ابداً بالعكس هيكرمك وهيدور أعذار ويحاول يصاااالحك


أختي إسئليني أنا عشت وجربت زيك تماماً لكن ربي إن شاء الله إنه عوضني لأن نيتي صافيه



وغير كذا اهلك جنبك وأمه الله يرحمها من دون تقصير او إتهام لها ربنا يرحمها لكن من باب تطمني بالك للأخر

وغير كذا إنتي قلت أخوه عشان فقط العشره اللي بينكم لكن حسي وإحلمي شوي فيه فكري إنك هتتزوجيه كيف بتكون عشرتكم وأيامك معاه


أختي فلنبدأ لو بتاخذين نصيحتي من أخت لأختيها خذي إبن جاركم وبس

وإن شاء الله راح تدعين لي


وأنا من رأيي أحس إنها فرصه ما تتعوض

أختك: فجر السنين

جزاكى الله كل الخير اختى الرقيقه فجر السنين على النصيحه الغاليه ... وربنا يجعلها فى ميزان حسناتك ...

السلام عليكم ورحمة الله
أختي الحبيبة لا تهملي مسألة الزواج بمجرد عدم حصول نصيب في خطوبتك،ثقي في الله وفي نفسك وفوّضي أمرك إلى الله،فالله هو الذي يختار لنا ربما خطيبك الاول فيه شر وأبعده الله عنك وعسى أن تحبوا شيئا وهو شر لكم وعسى أن تكرهوا شيئا وهو خير لكم وسيختار الله لك الافضل المهم أن تستخيري والله ييسّر لك الامور .

جزاكى الله خيرا اختى الفاضله المخلصه لله ......
انا مش زعلانه على فسخ خطوبتى بالعكس ده انا دعيت ربنا وقولت اننا لو انفصلنا من غير مشاكل انا هطلع حاجه لله فى المسجد وهصلى شكر لله من كتر المعاناه اللى كنت بعانيها مع خطيبى واهله .... انا بس تعبت وزهقت من ضغط اهلى عليا وخايفه اعارضهم ومسمعش كلامهم فربنا ميرضاش عنى وخايفه اسمع كلامهم واظلم نفسى ..... محتاره ومش عارفه اختار ....

.... انا بس تعبت وزهقت من ضغط اهلى عليا وخايفه اعارضهم ومسمعش كلامهم فربنا ميرضاش عنى وخايفه اسمع كلامهم واظلم نفسى ..... محتاره ومش عارفه اختار ....

السلام عليكم ورحمة الله

بلاش التردد كتير
ياريت تاخدى قرار نعم او لا

زى ما قلتلك قبل كده حاولى لو انت مش مقتنعه بالموضوع متدخوليش فيه علشان اهلك
لانك بالمنظر ده هتظلمى نفسك وهتظلمى الانسان اللى هترتبطى بيه

شوفى الموضوع فيه حكمين القلب والعقل

ولا يقل حكم احدهم عن الاخر

شوفى اولا من جهة العقل هل فيه الصفات التى تريديها ام لا؟؟
إن كان نعم فهناك نسبه 50% من القبول

وبعد كده القلب يحكم هل تشعرين جهته بارتياح نفسى انه ممكن يكون زوجك لا اقول بتحبيه لان صعب انسان يحب انسان دون ان يتعامل معه
لكن هل قلبك معجب بيه عندك قبول ليه
لو كان نعم اظن مفيش داعى للحيرة
ان كان لا برده مفيش داعى للحيرة لان فيه نسبة فشل 50 % وبلاش تخاطرى
لو كنت مش عارفه تحكمى بقلبك على الموضوع استخيرى الله عز وجل واتخذى قرار من الاثنين وان كان هناك خير فى زواجك منه سييسر الله عز وجل وإلا فلا


لا داعى للحيرة والقلق

لا داعى للقلق

كلامك مظبوط ......