بنت الكويت1
29-08-2007, 07:29 PM
وانا صغيره صدفه سمعت الأهل يسولفون عن ولد جيراننا انه مدمن مخدرات كنت صغيره وماافهم شنو السالفه لما كبرت شويه سألت امي ليش ادمن ولد جيراننا ؟
قالت امه توفت وكان يحبها وايد وأدمن ,قلت عشان امه ماتت يدمن ؟وسمعت اكثر من قصه من خلال الانترنت انه شخص مات ابوه ادمن شخص خانته زوجته ادمن يعني هذا النوع من المدمنيين حساس مثل الجاكور اي شي يتعبه بسرعه يبي ينسى يروح يدمن .
ثاني شي
في بعض المدمن شخصيته ضعيفه شاف ربعه يشمون شم معاهم شاف ربعه يدخنون دخن معاهم شاف حبوب معاهم يعني شخصيه ضعيفه مفروض الشخص يكون قادر على انه يقول لأ ويقولها بحزم وبدون مجامله خصوصا بهالمواضيع.
احيانا الشخص المدمن بسرعه يتعرف على الناس يقعد مع شله مدمنيين وهو غير مدمن يبهره الجو والضحك والشيشه فيقول مثلا اقعد معاهم بس ما ادمن وممكن هذولا الاشخاص يجرونه للادمان بدون مايدري يخدعونه يحطون له بالشرب شي ..
فنصيحتي للشباب والبنات
لا تكونون حساسيين فكروا بعقل مو اي مشكله تسلمون انفسكم للشيطان يقولكم خن اشرب عشان انسى خن اجرب المخدرات عشان انسى اذا كان عندك شخص عزيز توفى فان افضل طريقه للنسيان هو الوقت وان تغير جو تسافر وتفكر ان الميت مايقبل انك تحزن عليه لدرجة انك تضر نفسك...
لا تصيرون سهليين اي شخص بيتعرف عليك لازم تتعرف عليه بالتدريج مو على طول تدخل بيته وشقته يعني مثلا اذا تعرفت على شخص بالجامعه لازم اول شي تسأل عنه وعن اخلاقه تكون بينكم مكالمات بعدين تطلع معاه باماكن عامه مو اقل من سبع شهور عشان تقبل دعوته في بيته وايضا لاحظ شخصيته ممكن يكون يتظاهر لكن المدمن يبين اتصالاته مريبه ويتكلم بالالغاز بالتلفون ...
في بعض الأشياء ايضا تنباع بالسوق وبتصريح من الدوله كالمنشطات الجنسيه وتقوية العضلات والتخسيس هذي اشياء كلها جديده تم انتاجها من مدة لاتزيد عن عشر سنوات وهذه الحبوب تظهر اثارها بعد فترة من تداولها مثل حبوب الريجيم التايلنديه في بداية استخدامها عادي بس بعد فترة ممكن تسبب جلطه وغيرها كانت الناس توصي عليها من تايلند وكانت تدخل المطار كأي حبوب ريجيم عاديه ولما صارت حوادث مشابهه قامت الحكومه تمنع دخولها من المطار فاحذركم من اي حبوب تجاريه لأي غرض كان...
وايضا من الملاحظ انه غالبية المدمنيين يدمنون في سن صغيره لأنه الصغار سهل استدراجهم هم ليسوا سذج ولكنهم لا يتوقعوا انه الذي امامهم يريد بهم السوء...
لذالك ادعوا الاهالي الى فتح قناة تفاهم مع اطفالهم قناة صراحه وتوعيه ولا يعتبرون اطفالهم لا يستوعبون بل يجب توعيتهم من عمر السادسه والخامسه ايضا لا تأخذ شئ من الغريب لا تتكلم مع شخص غريب اي شئ يحدث بلغنا- لأني ارى بعض الأهالي يعتقد انه طفله وطفلته بعيد عن السوء او لا يفهم اذا فهمه- ربما يستدرجهم بعض ضعاف النفوس في سن الحاديه عشره او العاشره نحو المخدرات لذالك يجب ان تؤسس ابنك صح وتخليه مفتح انا كنت اجلس مع بنت اختي عمرها ست سنوات وافهمها لا تكلمين لاتطلعين الشارع ترى في حراميه يذبحون اليهال واقص لها قصص خياليه ترى ممكن يذبحونج لا تاخذين شي من احد وفعلا لقيت البنت ماشاء الله عليها مستوعبه الموضوع عدل واي شي يصير تقولي وماتتجرأ تطلع من البيت ولا تقبل تسلم على احد الا لما نكون معاها صارت حريصه جدا لأنه الطفل انت مو معاه 24 ساعه مرات يغيب عن عينك فلازم تعلمه شلون يحافظ على نفسه في حالة كنت مو موجود حواليه تعلمه كيف يتصرف واذا كبر راح يكون مو سهل انه احد يضحك عليه ويجره للمخدرات ....
طبعا هذي نظره عاديه واتمنى من الاختصاصيين يضيفون للتوعيه..
والله يحفظنا واياكم من المخدرات
قالت امه توفت وكان يحبها وايد وأدمن ,قلت عشان امه ماتت يدمن ؟وسمعت اكثر من قصه من خلال الانترنت انه شخص مات ابوه ادمن شخص خانته زوجته ادمن يعني هذا النوع من المدمنيين حساس مثل الجاكور اي شي يتعبه بسرعه يبي ينسى يروح يدمن .
ثاني شي
في بعض المدمن شخصيته ضعيفه شاف ربعه يشمون شم معاهم شاف ربعه يدخنون دخن معاهم شاف حبوب معاهم يعني شخصيه ضعيفه مفروض الشخص يكون قادر على انه يقول لأ ويقولها بحزم وبدون مجامله خصوصا بهالمواضيع.
احيانا الشخص المدمن بسرعه يتعرف على الناس يقعد مع شله مدمنيين وهو غير مدمن يبهره الجو والضحك والشيشه فيقول مثلا اقعد معاهم بس ما ادمن وممكن هذولا الاشخاص يجرونه للادمان بدون مايدري يخدعونه يحطون له بالشرب شي ..
فنصيحتي للشباب والبنات
لا تكونون حساسيين فكروا بعقل مو اي مشكله تسلمون انفسكم للشيطان يقولكم خن اشرب عشان انسى خن اجرب المخدرات عشان انسى اذا كان عندك شخص عزيز توفى فان افضل طريقه للنسيان هو الوقت وان تغير جو تسافر وتفكر ان الميت مايقبل انك تحزن عليه لدرجة انك تضر نفسك...
لا تصيرون سهليين اي شخص بيتعرف عليك لازم تتعرف عليه بالتدريج مو على طول تدخل بيته وشقته يعني مثلا اذا تعرفت على شخص بالجامعه لازم اول شي تسأل عنه وعن اخلاقه تكون بينكم مكالمات بعدين تطلع معاه باماكن عامه مو اقل من سبع شهور عشان تقبل دعوته في بيته وايضا لاحظ شخصيته ممكن يكون يتظاهر لكن المدمن يبين اتصالاته مريبه ويتكلم بالالغاز بالتلفون ...
في بعض الأشياء ايضا تنباع بالسوق وبتصريح من الدوله كالمنشطات الجنسيه وتقوية العضلات والتخسيس هذي اشياء كلها جديده تم انتاجها من مدة لاتزيد عن عشر سنوات وهذه الحبوب تظهر اثارها بعد فترة من تداولها مثل حبوب الريجيم التايلنديه في بداية استخدامها عادي بس بعد فترة ممكن تسبب جلطه وغيرها كانت الناس توصي عليها من تايلند وكانت تدخل المطار كأي حبوب ريجيم عاديه ولما صارت حوادث مشابهه قامت الحكومه تمنع دخولها من المطار فاحذركم من اي حبوب تجاريه لأي غرض كان...
وايضا من الملاحظ انه غالبية المدمنيين يدمنون في سن صغيره لأنه الصغار سهل استدراجهم هم ليسوا سذج ولكنهم لا يتوقعوا انه الذي امامهم يريد بهم السوء...
لذالك ادعوا الاهالي الى فتح قناة تفاهم مع اطفالهم قناة صراحه وتوعيه ولا يعتبرون اطفالهم لا يستوعبون بل يجب توعيتهم من عمر السادسه والخامسه ايضا لا تأخذ شئ من الغريب لا تتكلم مع شخص غريب اي شئ يحدث بلغنا- لأني ارى بعض الأهالي يعتقد انه طفله وطفلته بعيد عن السوء او لا يفهم اذا فهمه- ربما يستدرجهم بعض ضعاف النفوس في سن الحاديه عشره او العاشره نحو المخدرات لذالك يجب ان تؤسس ابنك صح وتخليه مفتح انا كنت اجلس مع بنت اختي عمرها ست سنوات وافهمها لا تكلمين لاتطلعين الشارع ترى في حراميه يذبحون اليهال واقص لها قصص خياليه ترى ممكن يذبحونج لا تاخذين شي من احد وفعلا لقيت البنت ماشاء الله عليها مستوعبه الموضوع عدل واي شي يصير تقولي وماتتجرأ تطلع من البيت ولا تقبل تسلم على احد الا لما نكون معاها صارت حريصه جدا لأنه الطفل انت مو معاه 24 ساعه مرات يغيب عن عينك فلازم تعلمه شلون يحافظ على نفسه في حالة كنت مو موجود حواليه تعلمه كيف يتصرف واذا كبر راح يكون مو سهل انه احد يضحك عليه ويجره للمخدرات ....
طبعا هذي نظره عاديه واتمنى من الاختصاصيين يضيفون للتوعيه..
والله يحفظنا واياكم من المخدرات