هل اطلب الطلاق منه من اجل هذا السبب

[احبك ابي]

السلام عليكم ورحمة الله وبركاته

اريد منكم احبتى مساعدتى في اتخاذ القرار..لانى عجزت وانا افكر واحترت

فتاره يبان انه انسان حبوب وتاره اخرى يبان انه طمعان ووقح وتاره يمثل تمثيل بايخ

اتزوجت انسان مادخل قلبي ولا حبيته ..انسان مافيه ولاصفه من المواصفات الى ابيها !!!

قلت لنفسي لا بعد الزواج يمكن احبه ..اتهورت وخذته لانى ابي ابعد عن مشاكل بيتنا

ولانى ماعندى اب قلت لنفسي وين بروح وين بيكون مصيري لاصار لامى شي

ولانى ابي اهرب من العنوسه..ولانى قلت لنفسي يابنت بلاش غرور واتواضعى رغم انى ماينقصنى شي

حزنت عليه وعلى الرسايل الى يرسالها ..وعلى شكواه الدائم من الحياه وانها كانت قاسيه عليه

قلت لنفسي وياليتنى ماقلت ( يابنت بلاش تكونى انتى والحياه ضده ) ماكنت ادرى انه هوه الى ضد

نفسه ...قلت دام انه يحلف انه يموت فيه فاتزوج الانسان الى يحبنى احسن من انى اتزوج الانسان

الى انا احبه !! وهذا قمه الغباء

هذى الاسباب الى خلتنى اخذه

الان ابدءبالمشكله والى سار

تزوجت وخلصت وبدء الموال معا بدايه الدوامت

شهر عسل مافي ...اسبوع واحد اعتبره اسبوع بصل ..ورجعنا لبيتنا ! ليه؟ لان المسكين ماعنده

فلوس حق الشقق..هديه الصباحيه مافيه ..لان المسكين ماعنده الا الفقر

ياناس حتى اهله ماهدونى شي !!!!شالعايله التعبانه هذى

والله انى ماهمنى بس اتفشلت فشيله غير طبيعيه من عايلتى وبنات العايله يسالونى ليه ماهدوك

وش جابلك في الصباحيه هديه ..والغبيه تصرف وتكذب جابلى كذا وكذا

المصيبه ان عايلتى مستواها عاااااااالى ..طيح وجهى هو واهله ماعاد لى وجهه اروح لاهلى

واقابل فلانه وعلانه سرت بس اتخبى ..ومارد على اتصلاتهم

لاويسالونى اى فندق سكنتيه !! هذا وجهه وجه فنادق واختكم هات ياكذب وياتصريف
واى الدول رحتيها ..والاخت ماراحت الا مدينه وحده من مدن المملكة
حسبي الله عليه وعلى اهله ..وياليت كذا وانتهينا خلاص الا الادمى ماعنده دم من ثانى اسبوع يسالنى

كم راتبك!
والغبيه بكل سذاجه تقوله الراتب ..وش يرد ويقول بدل ماينطم يقول لا راتتبك مو كذا راتب يوصل لكذا
الادمى معلى الراتب ومدرى من وين جاب الزياده ..يقولى هات الصراف ابي اشوف الراتب
واقوله الصراف عند اهلى ..وينطم
اعور ويتنقور
لا واروح معاها في اسبوع البصل السوق ويودينى على اسواق مايشترى منها الا ...على باله انى متعوده على هذا السوق الشعبي الزباله
اشايفنى حبيبي طلبت منك تدفع ريال ..كل شي انا الى جالسه ادفعه لنقسي ماستحى وقال لا انا بدفع
عيب مو من اول شهر ..لا واشترى شي وصل ل450 بفلوسي ماطلبت منه شي
ورجع البيت زعلان وحط كل عيب فيه هذا ماهو حلو اش ذا وعلى ايش 450 ماعد تروحين هذا السوق
اشحال لو انت الى دفعت اشكان سويت كان ذبحت نفسك
طول مانى جالسه مع اهله اتفرج واقول ياااااااااه يابنت كيف نزلتى نفسك لهذا المستوى
ماعندهم رقي ابد ناس مدرى كيف جايين
لا ومره نروح السوبرماركت نشترى واشيل الاشياء الى انا متعوده عليها عند اهلى
ونخلص ونشترى ونطلع والاخ مبوز ..وياليته استحتى وسكت ومشي ..الا قال شوفي انا راتبي قليل ولو
بنشترى الاشياء الى بهذا المبالغ ماراح يكفينا لنهايه الشهر اش الى تشتريلي هذا الشي بهذا السعر مافي اسعار اقل من كذا ..خلي هذى الاشياء لناس الاغنياء بلاش نقلد الناس الى طبقتهم فوق !! الحمد لله والشكر يارب..لاياحبيبي اتكلم عن نفسك انت من الطبقه المعدومه صح ..اما انا لا
قلتله بكل سذاجه لاياحبيبي لاتزعل انا بساعدك ..ولا الادمى استحلاها
جا وقلى ابيك تطلعيلي سياره بشي الفلانى ..والمهر صرفتيه كله معقوله !!اشدخلك يابن الناس في المهر انت معطنى المهر عشان ارجعه لك ..المفروض تعطنى من المهر لانى مزنوق انتى ماتشوفي فلانه وعلانه اعطت زوجها نص المهر !!لا الاه الا الله ..وبعدين مع هذا الانسان والنهايه
بصراحه معطيته وجهه لانه كثر الطلبات على راسي ..شوى عطنى الباقي من المهر وشوى ثانيه
البيت ناقصه تحف وفلانه دخلت وبيتها ناقص تحف وكملته انتى ليه ماتكمليه وشوى المطبخ ناقص اوانى طبخ روحى كمليه وشوى انا مديون وعندى ديون توصل ل 50 الف ساعدينى
ايه والنهايه ..الضاهر ان الانسان هذا يحسب انى المارد الى يحقق كل احلامه ويطلع من الفانوس السحرى ..آآآآآآآه تعب والله
والنهايه اش يبى يبي راتبي كله في يده يصرفه كيف مايريد !! لاويحاسبنى انتى تكلمين مين وكم المده الى تكلينها فيه اشدخل اهلك انا جيت قلت لك سدد !! المهم انى حددت له مبلغ من الراتب
لاكن ماعجبه وقال انتى تبي تسكتنى بهذا المبلغ !!بدل مايحمد ربه ويشكر فضله
لو انى احبه اقول ماعليه هو بدنيا كلها ..لاكنى ماطيقه ..واجى يوم من الايام والاقي ناقص من ذهبي طقمين !!طيب كيف وهو يسوى نفسه عنده دين !!
ومره يجي بالقوه ويقول اعطنى الراتب كله ولا ترا اذا اطلقتى ماحد راح ينفعك
قلتله طيب طلق ..فرقاك عيد .. قال لا انا مااعندى طلاق انا عندى تعليق ..لاتكفا الى تتزوج قسما بالله تحرم تتزوج غيرك حسبي الله عليه ..يبي يظيعنى وانا مانى ناقصه اشيبي بذنب وحده يتيمه
ويقول ياترضخين بالامر الواقع يابعاندك في كل شي ولاشياء الى تحبيها راح امنعك منها ..انا عمرى ماشفت في وقحاته احد..انا كل مااذكر كلامه اكره كره غير طبيعي
شين وقوى عين ..انا هبلا هبلا هبلا ..كنت اقول خذيه هذا انسان يخاف الله بيخاف الله فيك وتجلسين انتى وياه تتعبدون الله ونعيش جو ايمانى ..والادمى طلع ماهمه الا كيف يكشخ بفلوسي ويطلع على وجه الارض ..وانا بطقاق ..
لا وانا الى متحمله امه الى عايشه معاي واعاملها مثل امى ..رغم انها ترفع الضغط
كل يوم تخيلو يايجيها بناتها ياتسحبنى ونروح لهم كل يوم على ذا الحال ..اشايفتنى فاضيه مثلك
بدل ماتقول يالله حسن الخاتمه وتقوم على سجادتها تتعبد ماتشوفونها الا تطلع من مكان لمكان كان عمرها 15 سنه ..طيب ارحمينى فكينى من شرك ..روحى لحالك ..مابى اروح معاها همتنى جابتلى البلا
كل يوم طلعه ..مابي منها الا انها تفكنى من شرها ..ولا هى راضيه تفهم ولا هى راضيه تحل عن سمايه ..والله الطيب ماينفع يعيش في هذا الزمان ..الا لو انى من هذول الحريم الى تكره الولد في امه كان من جد افتكيت منها ومن بناتها ..والله ياولدهم انه ماهمنى ولا ابيه ويم يطلع من البيت عيد
ودى ياخذ امه وينقلعون من وجهى الا لازم اروح معاهم ..عيب ماروح ..كنى فاضيه لتفاهاتهم ..انا بطبعي بيتوتيه خلونى كيفي مابي .وكل يوم وذى العجوز تعزم في الناس على كيف كيفها كنه بيتها ..طيب انا مابي استقبل احد
مايناسبنى كل يوم ونتى مناديه احد على راسي ..طيب خلى عندك دم ونقلعى انتى عندهم
انا عمرى ماشفت كذا ..لو في الاسبوع مره تهون لاكن كل يوم ياناس بنجن كل يوم !!!
واحتلفنا على الراتب وللحديث بقيه
هذى قصة صديقتى ومعاناتها وتبي تشوف ردوردكم

[الوردة الجميلة]

[align=justify:8fefa1ecd5]

أهلا أختي العزيزة

أتمنى أن تكوني بألف خير وعافية وتكون أمورك للأفضل دائماً يارب


أختي الفاضلة

لماذا كل هذا التهكم على أهل الزوج ووووووو أختي العيب من صديقتك هي من وضعت نفسها بهذا المستوى دامها بنت عز ونزلت لتحت لازم تتحمل لإنه هذا إختيارها محّد غصب عليها !!!!!!

ما أدري أحس إنها تناقض نفسها في الكلام !!! إنتي متوقعة الأمور هذي كلها بكل بساطة إنسان حالته المادية على قده ومو من طبقتك المادية وإنتي ما تحبينه على ما يبدوا لأنك مو قادرة تشوفي شي زين فيه رغم إنه كثير من البنات لما تحب تنسى كل شيء وتحاول تشوف الأشياء الرائعة في زوجها ..

وحبيبتي الزواج بالذااااااااااااااااااااات لازم الواحد ما يتهور فيه أبداً لأنه الشريك بيأثر على الحياة بشكل كبير سواء إيجابي أو سلبي وأهله أنا من قناعتي الشخصية إنوا الناس لما يتزوجوا ما يتزوجوا لحالهم بل العائلات تصير بينها علاقات متينة أيضاً علشان الحياة تكون أفضل ... وهو بصفة عامة إندماج عائلات بس ماش أحسك أبد مو متقبلة الحياة هذي ..


وأختي إنتي سلبية جداً جداً جداً ومو قادرة تشوفي شيء زين في حياتك!!!!!!!!! ولا قادرة تتقبلي عادات الطرف الآخر ولا قادرة تحبي نفسك !!!!!!!!!!!!


ما أدري إيش أقولك إختي بس كان المهم تفكري في الأول صح و تقرري صح علشان زواجك يدوم وبعدين لما تزوجتي ما حاولتي أبداً تسوي أي شيء جيد في حياتك كله بس تنقمين على حياتك لا أكثر ؟؟؟

إيش لما يطلع من البيت عيد في زوجة تقول عن زوجها كذا!!!!!!!!!

هذا إختيارك وإنتي لازم تتأقلمي مع حياتك وتحاولي تغيري تفكيريك وتصيري منهم

مثل ما كثير بنات يسوين يا أختي فيه وحده شفت لها قصة على التلفزيون أمريكية من نيويورك وسيدة أعمال ناجحة جدا جدا .... تركت حياتها كلها وراحت عاشت في بداوة الأردن وتزوجت بدوي أردني من إلي يعيشوا في الخيّم ولقت السعادة معاه هذا لأنها أرادت الحياة هذي بكامل قناعتها وسعيدة فيها ووووو ....

بس أختي إنتي نظرتك كما أسلفت سلبية جدا للحياة كلها حاولي تيغري نظرتك هذا إلي أقدر أقوله لك

أو أرجعي بيت أهلك الهاي كلاس وأنتظري واحد مثلك يجي يتزوجك


وأتمنى لك السعادة من أعماقي


أختك التي تتمنى لك الخير

الوردة الجميلة [/align:8fefa1ecd5]