أختى تعباني قوي

[nana_re]

بسم الله
انا اختي تعباني جدا مش عارفه اتعامل معها خالص
احنا ثلاثة بنات عيشين لوحدنا الاب والام توفوا من كذا سنة ولينا اخت كبيرة متزوجة
واعمارنا 30 : 28 : 25
انا الاخت الوسطى واختي الاكبر منى حتجنني
كل تفكيرها اني انا ضدها على طول على طول ما بحبهاش وعملة ربطية عليها وبستقطب اخواتي ضدها
افكارها غريبة شايفة نفسها مظلومة على طول
كلنا مرنا بظروف صعبة جدا في حياتنا ومؤلمة جدا
لكن انا بشوف ان الحياة تستمر بالشكل العادي مادام احنا موجدين
المشكلة اني مش قادرة اغير تفكيرها واخليها تفكر فيه صح على طول شيفاني ضدها رغم اني بحبها
المشكلة ان كل واحد فينا شخصية مختلفة خالص عن التاني
هل الانفصال وكل واحد فينا يعيش لوحده حيكون الحل انا مش حاسة بكده
خصوصا اننا نعتبر مقطوعين من شجرة وطبعا المشكلة اللي عند اغلب البنات سننا كبر من دون زواج
صراحة انا غلبت معها وانا كمان تعبانة زيها ومرت بظروف صعبة جدا في حياتي زيها
انا مش عوزة يكون في بنا انفصال ولكن نفسي القي طريقة اتعامل بيها معها
بدل ما احنا على طول في مشاكل من دون داعي
يا ريت حد يقول لي على تصرف اعمله معها وإذاي ممكن اغير افكارها الغلط ديه
وجزاكم الله خيرا

[K.M.T]

انتو مولدين فوق راس بعض مثل عندنا فى مصر بنضربه لما يكون هناك اثنين على خلاف دائم مع انهم ميقدروش يستغنوا عن بعض وها انا عشت وشفت المثل بيتحقق امامى
اختى اختلاف طبائع الاخوة شئ اساسى فى الحياة والسبب يعلمه ربنا عزوجل يمكن علشان يحافظوا على بعض يمكن وانا شايف ان الخلاف مع اختك شئ طبيعى اما انكم تفترقوا طبعا شئ لا احبه زيك كده لانكم مش هتكونوا فى امان الا مع بعض وبعدين اجمل شئ ممكن يريح الاب والام فى تربتهم ان اولادهم يكونوا مع بعض بس هو سبب الاختلافات ايه 000

[nana_re]

اشكرك على الرد
الاختلاف بنا في كل حاجة ابسط الامور واعقدها الاختلاف موجود حتى في وجهات النظر لدرجة ان بحس ان لازم رأيها يكون عكس رأي في كل حاجة
امبارح حاولت اني اكون عادية واخد الامور ببساطة وكان عندي استعداد اوافق على اي حاجة حتى لو كان واحد فينا حيمشي من البيت لكن هي كان اسلوب بايخ جدا وفضلت سكته ولما اتكلمت نطقت بأبوخ كلام
المشكلة بجد أني اتبعت كل الاساليب الممكنة معها ومفيش فايدة دايما تدور على اي ثغرة وتعمل منها حكاية
هي طيبة بصراحة وكويسة جدا وبتعمل حاجات كتير كويسة لكن تفكيرها صعب قوي

انا بفكر جديا في فكرة الانفصال الحقيقي يعني ادور على شقة واستقل فيها لوحدي مع ان ده صعب جدا عليه علشان اختي الصغيرة حتتقطع بنا ومش حتعرف تعيش صح بس اعمل ؟
مفيش حل عارفه اوصل له
ومش ممكن ان الانسان يعيش في مشاكل على طول
انا زهقت ونفسي اعيش بدون مشاكل كفاية مشاكل الحياة علينا

[K.M.T]

هل زوج اختك مقيم معكن فى نفس المكان اذا كانت الاجابة بنعم فانا اؤيد رايك فى الانفصال عن اختك فى شقة تكون قريبة من مسكنها فهنا سبب الخلاف غالبا سيكون بسبب الغيرة وساكون متابع معكى ان شاء الله

[nana_re]

اشكرك على الاهتمام
اختى المتزوجة تعيش في منزل بعيد عنا وبنشوفها زيارات
اختى اللي تعباني مش متزوجة اصلا
وحالها ذي حالي ما نفرقش كتير عن بعض

[K.M.T]

اختى يمكن لاختكم الكبرى التدخل بينكن ومحاولة الاصلاح ففى هذه الحالة لا يجب ان تتركا بعضكم بعض ولتحاولى ان تنزلى الى تفكيرها وضع نفسك مكانها فهذا سوف يقرب المسافة بينكما