بسم الله الرحمن الرحيم
اخواني الاعضاء الكرام ..
السلام عليكم ورحمة الله وبركاته ..


انا لي اخ اكبر مني عمره الان ( 40سنة ) وكان يتعاطى وعمره 18سنة تقريبا .. يتعاطى حبوب حشيش و خرش ويشرب عرق احيانا .. المهم اني بفضل من الله تعالى عالجته بمستشفى الامل وعمره يمكن 32 سنه وجلس سته شهور ورجع طبيعي واحسن من الطبيعي وقالي طلعني انا تبت خلاص .. اول يوم طلعته فيه.. لقيته متعاطي( يمكن حبوب) .
بعد سنه من خروجه دخلته مره ثانيه وجلس سته شهور ثانيه ورجع نص ونص .. بعده مالحظته يتعاطى شئ ابد .. لكن بعض الاحيان اشك فيه .
المهم انه ساءة حالته وصار يتخيل ويشك ويعصب ويتخيل انه مطارد وان الباحث تدور عليه .. ونه لازم يتعلم السحر .. وانه يشوف الجن .. الخ .. جبت امر وصرت اعالجه في مستشفى الامل للصحه النفسيه... صاروا يعطونه علاج ينومه يوم ونص او يومين ... الان صحته الجسديه تمام بس لازال يتخيل ويتكلم مع نفسه ويجلس بلحاله ولا يحب احد .
وبصراحه المستشفى احسه ماعتنى فيه بالشكل المطلوب ..

ياخوان بالله عليكم وش اسوي هذا اخوي الكبير وين اعالجه ووش فيه كذا

فيه ناس قالوا لي وده مصر .. تفكون الي يعرف منكم دكتور ممتاز وثقه يعطيني عنوانه والله يجزاكم خير .

....... انا اشكركم على هذه المشاركه وثقتكم فى المنتدى

....... انا اريد منكم بعض المعلومات ممكن ترسل لى رساله على الخاصه او الايميل

شكرا لك طال عمرك وابشر سأقوم بأمراسلتك على الخاص