احس اني ضايعه!! [الأرشيف] - منتديات الحصن النفسي

سراب الوقت

13-07-2007, 02:32 PM

السلام عليكم ورحمه الله وبركاته

مادري من وين ابدأ..

بس انا انثى عمري 28 سنه زوجه وام لولديناعمارهم (سبع وخمس سنين)

تزوجت من ثمان سنين سكنت اول سنتين عند اهلي لا ن شغل زوجي كان متنقل من منطقه لاخرى

بعد السنتين صرنا نتنقل مابين منطقه سكن اهلي ومنطقه سكن اهلي كل سته شهور تقريبا

انا ماودي اطول عليك.. بس صارت بيني وبين زوجي مشاكل اكثر من مره

وكل مره ازعل شوي وبعدها ارضى حتى لو مااتفقنا..

واخر مره اختلفت معه وجيت عند اهلي ولي الحين حوالي سنه وخلاص ماعاد ابي ارجعله.. بإختصار ابي الطلاق وهذا قرار نهائي

المشكله ان نفسيتي الحين كل مالها بالنازل ومادري وش اسوي احس اني مو قادره استمر بالحياه

احس ان وجودي بالحياه وعدمه واحد_استغفر الله طبعا_

يعني حتى وانا جالسه وسط اهلي ماحس فيهم واوقات ماقدر اسمعهم حتى

احس اني بعالم وهم بعالم ثاني..

ووصلت الحين لمرحله ماودي فيها اشوف احد حتى لو كان من جماعتنا ولا ودي اطلع من البيت ابد

واذا جانا احد احس اني مخنوقه وودي اصيح

ابي اكون لوحدي وبس..حتى الاكل والشرب والنوم سرت احسها واجب ااديه مو شي ودي اسويه

المشكله اني رجعت اكمل دراستي الجامعيه وطبعا هذا شي زين بس ماني قادره اركز وشلون بكمل واذاكر وانا بهذي الحاله

تكفونى اللي عنده حل يساعدني..

واسفه اذا طولت عليكم..

DR - HANI ALGHAMDI

14-07-2007, 01:12 AM

السلام عليكم ورحمة الله

الأخت سراب الوقت ,, تحية طيبة

لم تتحدد معالم موضوعك بالشكل الذي تم طرحه من قبلك وحسب ماقرأته

أتمنى أن تكوني مفصلة للأحداث بشكل أوسع

يمكنك شرح ماتودين شرحه إذا كان هناك حرج لك من التفصيل على البريد الخاص إن أمكن
أو أن تراسلي الدكتورة حصة السهلي في حال ما إذا جاز لكم ذلك

تحياتي ,,