|
عرض الإصدار الكامل : بنات وشباب الرهاب لقيت دكتور كويس ادخلووووو بس الي من جده بنوته القمر 13-06-2007, 02:41 PM السلام عليكم ورحمه الله وبركاته انا اليوم بدات العلاج صراحه دكتور مرا كويس الي يبي التفاصيل يراسلني هوا طبعا في جده مستشفي الالماني مليت من الوحدة 13-06-2007, 06:22 PM جزاك الله خير ما تعرفين لنا احد في المنطقة الشرقية وياليت لو تحطين اسم الدكتور في العامة حتى الناس تستفيد وما يحتاج يرسلون لك على الخاصة ولا ناويه تتعبينهم وشكرا بنوته القمر 14-06-2007, 10:16 AM السلام عليكم ورحمه الله وبركاته اخوووووووي اولا مشكور علي مشاركتك وصرلحه ماعرف دكتور نفسي في الشرقيه بس ممكن تجي علي جده ايام الاجازات وتتعالج صدقني حترتاح وحتحس براحه نفسيه اسم الدكتور محمد خالد عبد الحميد واصلا لو رحت ماراح تلاقي غيره هوا بس ودكتوره صراحه حاليا كتبلي علاج وطبعا الي جانب العلاج حابداء علاج سلوكي وامس كانت اول جلسه ليه صراحه ارتحت نفسيا وحسيت اني كل ماافكر في الخوف اتذكر كلام الدكتور ويبداء الخوف يختفي تدريجيا وانشاءاله مع الايام يختفي وقلي لازم المواجهه وتحدي النفس الي جانب العلاج لانه يعالج اعراض الرهاب وانشاءالله بعد اسبوعين عندي مراجعه والله يشفيني ويشفي جميع المسلمين خاطب الحور العين 17-06-2007, 03:20 AM صراحه حاليا كتبلي علاج وطبعا الي جانب العلاج حابداء علاج سلوكي وامس كانت اول جلسه ليه صراحه ارتحت نفسيا وحسيت اني كل ماافكر في الخوف اتذكر كلام الدكتور ويبداء الخوف يختفي تدريجيا وانشاءاله مع الايام يختفي وقلي لازم المواجهه وتحدي النفس الي جانب العلاج لانه يعالج اعراض الرهاب إن شاء الله ربنا يشفيكِ يارب يا أخت " بنوتة القمر " وكل مرضى المسلمين ... لو سمحتِ ممكن تكتب لنا العلاج السلوكي الذي قال لك عليه الدكتور ... حتى يستفاد منه الأعضاء .. ولكم الأجر ... جزاكم الله خير الجزاء أكبر مشكلة تواجه الإنسان لما يحاول العلاج إنه ينسى الكلام الذي حركه للعلاج ،،، كما يسمع الإنسان موعظة دينية مثلاً تؤثر فيه قليلاً ثم " لم يجد له عزماً " ويفتر بعد فترة ... لو نستطيع أن نضع الكلام المؤثر الذي نسمعه من الأخصائيين والأطباء النفسيين نصب أعيننا دون أن ننساه سيكون الوضع مختلف .. لكن كيف ؟ الواحد ممكن يكون مشحون كلام عن المواجهة والقوة والصبر وعدم الاستعجال ... لكن بعد مدة ينساه لا أكتب هذا الكلام للتحبيط أبدا ، والله ، لكن للتنبيه على هذة النقطة والسلام عليكم ورحمة الله وبركاتة بنوته القمر 17-06-2007, 08:18 AM السلام عليكم ورحمه الله وبركاته اخوووي اولا العلاج السلوكي كان قبل يومين طبعا كانت اول جلسه ليه وماعرف شي المهم جلست وهوا سألني بعض الاسئله ومنها من متي بداء معاكي المرض وكم عمرك وايش تدرسي وبعدها صار يتكلم ان مافي احد مايخاف كل الناس تخاف بس في ناس عندها الخوف يزيد بسبب تفكيري السلبي فيه قلي يعني مثلا لو انتي تخافي تدخلي المستشفي ووقفتي بس عند الباب لو دخلتي هذي خطوه اوله من العلاج ولو طلعت ودورتي فيها هذي مواجهه وبعد فتره حتجي انتي بنفسك وتطلعي بدون ماتفكري في شي اسمه خوف وبعدها صار يوصف الحاله يعني حاااااولي تواجهي وصغري فكره الخوف في عقلك انا قلتله اني حاتفشل واكيد الناس حيتكلمو او يقولو اشفيها هذي قلي مالك شغل بالناس خليها تتكلم واجهي الموقف اتحدي الخوف عشان تتغلبي عليه قلي انتي لما تحسي نفسك حتعصبي المخ يرسل اشارت للجانب العصبي ان عصب دحين يعني مثل الخوف انتي ترسلي لمخك خاف دحين فهو يبداء بالاعراض الخوف منها الارتجاف وزياده التعرق واحمرار الوجه فهوا يستجيب وهوا مو عارف ايش فيه يعني انتي خايفه من اسد من شي يخوف ولالا وصراحه كلام مرا كثير قاله بس في منه ماستوعبت لاني كنت خاااااااايفه ومرتكبه وهوا لاحظ هذا الشي بس كمل معايه ووووووو بس بعدها حددلي موعد بعد اسبوعين بس ماااكذب عليك انا ارتحت بعد الجلسه حسيت اني مرتاحه نفسيا وصدقني انا الي اروح للناس واجلس معاهم ومايهمني اتفشل ماتفشل طبعا الي جانب الدواء الي كتبلي هوا ساعدني مرا كثير في تخفيف الاعراض وبالتاي اقدر اواجه وعادي اذا فشلت مرا انشاءالله حانجح المرا الجيه اخووووووووي كل الناس ممكن تفشل في حياتها بس الاهم انها ماتيأس لازم تحاول مرا واثنين وثلاثه وتنجح يعني مثلا انت لو رسبت في سنه من السنوات الدراسيه حتوقف حتقول خلاص انا انسان ماقدر اكمل اكيد حتعيد وتنجح انشاءالله الرهاب نفس الشي مافي شي ينتهي بين يوم وليله وانشاءالله المرا اليه حاكون احسن وانشاءالله تستفيدو من كلامي ووالله الدكتور مرا كويس مريح نفسيا ومتفاهم وووووصح اخر كلامي ترا الرهاب يتعالج بجلسات محدد يعني لاحد يقول ماله علاج والله يشفينا انشاءالله ونبداء حياه بدون خوف وخجل والاشياء السلبيه الي مالها معني ولا اساس في الحياه مـــــروج 17-06-2007, 03:53 PM طيب اختي انا بجدة بس ابي اعرررف كم تكلفة العلاج لاني كنت اراجع بعرفاااان وتحسنت بس بعد فترة رجعت للي كنت فيه ياريت تقولي لي عن الادوية اللي يعطيك وكيف الجلسات السلوكية.. واعتذر على الاطالة.. خاطب الحور العين 17-06-2007, 04:03 PM السلام عليكم ورحمة الله وبركاتة وصراحه كلام مرا كثير قاله بس في منه ماستوعبت لاني كنت خاااااااايفه ومرتكبه وهوا لاحظ هذا الشي بس كمل معايه هذا أكيد شيء طبيعي لكن أكيد راح بعد خمس دقائق ؟ صح ؟ فأصعب أعراض الرهاب تكون في الدقائق الأولى ، ، ، ووووووو بس بعدها حددلي موعد بعد اسبوعين هل طلب يا أختي منك أشياء معينة تعمليها في الأسبوعين ، ولا طلب منك المواجهة عامة بدون تحديد مواقف ؟ يعني قالك على مواقف معينة تواظبي عليها للعلاج ؟ بس ماااكذب عليك انا ارتحت بعد الجلسه حسيت اني مرتاحه نفسيا وصدقني انا الي اروح للناس واجلس معاهم ومايهمني اتفشل ماتفشل طبعا الي جانب الدواء الي كتبلي هوا ساعدني مرا كثير في تخفيف الاعراض وبالتاي اقدر اواجه وعادي اذا فشلت مرا انشاءالله حانجح المرا الجيه الحمد لله وإن شاء الله يأتي الشفاء التام قريباً ، وهل الدواء هو سبب الشجاعة على مواجهة الموقف ولا كلام الدكتور هو السبب ؟ لو ممكن أختي تكتبي اسم الدواء ؟ جزاكم الله خير الجزاء ... اخووووووووي كل الناس ممكن تفشل في حياتها بس الاهم انها ماتيأس لازم تحاول مرا واثنين وثلاثه وتنجح يعني مثلا انت لو رسبت في سنه من السنوات الدراسيه حتوقف حتقول خلاص انا انسان ماقدر اكمل اكيد حتعيد وتنجح انشاءالله الرهاب نفس الشي مافي شي ينتهي بين يوم وليله وانشاءالله المرا اليه حاكون احسن أبدا بإذن الله لن نيأس ، وإن حدث فلنسارع بالتغلب عليه ... كيف نيأس ونحن نعلم أن الله قادر على كل شيء ، وهو لا يريد لنا العذاب ، وتقوية الجانب الإيماني بين العبد وبين الله له عامل كبير في تصغير مهابة الناس في أعيننا ، فالإسلام يدعونا أن لا نخشى إلا الله ولا نعمل إلا له ولا نيأس من روحه ، وكل ذلك هو علاج للرهاب وكل الأمراض النفسية ... فأثناء الأخذ بالأسباب وبالعلاج السلوكي والمعرفي والدوائي للرهاب ، ممكن أن نصلي قضاء حاجة لله ونطلب منه الشفاء من هذا الوباء ونسأله العون والسداد والتأييد ، وجزاكم الله خيراً أختي ، وآسف على اسئلتي الكثيرة ، السلام عليكم ورحمة الله وبركاتة بنوته القمر 17-06-2007, 07:14 PM مروج التكلفه هي بس ثمن الكشفيه وهي 150ووقيمه الادويه وانا صراحه ماكتبلي الا نوع واحد وحسيت ان الاعراض بدات تقل بس لاااااااازم مااوقفه الا بعلم الدكتور مع استكمال العلاج السلوكي واسم الدواء سيركوسات علي ماعتقد هذا اسمه والعلاج السلوكي دكتور يجلس يتكلم معاك ويفهمك كل شي هذا الي حصل في الجلسه الاوله مادري الجلسات الثانيه كيف حتكون بس صراحه انا استفدت لاني ارتحتله وحسيته هادئ ومتفهم كل شي جرب وروح للدكتور النفسي اذا مارتحت خلاص لاتستخدم الادويه ولا ترجع مرا ثانيه خاطب الحور العين اهلين اخوي طبعا شي طبيعي احس بخوف من بدايه الموقف بس بعدها وهو يتكلم نسيت الخوف وبدات استوعب كلامه وارتحت نفسيا لشخصيته لانه هادئ ويتقبل كلامي مهما كان وسؤالك عن اذا طلب اشياء معينه ولالا صراحه لا هوا بس قلي واجهي الناس وكان يقولي امثله كثيره علي ناس واشياء حسيت بعدها ان انا اروح للناس واجلس معاهم لاشعوريا وحتي لو حسيت بخوف كنت اجلس ومايهمني احد وكل ماتذكر كلامه اصراري يزيد علي المواجهه وعدم الهروب من الموقف وطبعا الي جانب اهلي حسيت اهنم يساعدوني في هالشي من كلام وتشيجع ومدح لنفسيتي والحمدالله وطبع قبل كل شي اراد الله فوق كل شي اخووووووووووي نصيحه لاتاخذ اسم الدواء وتروح تشتري وتاخذه علي كيفك صدقني اكبر غلط ترا الادويه النفسيه تتاخذ بجرعات بسيطه والعلاج السلوكي هوا الي يحدد اذا تزيد من جرعه الدواء او لا انا كتبت اسم الدواء بس لازم تروح للجلسات السلوكيه وتتكلم وتواجهه صدقني جلستك مع الدكتور هذي تتسمي مواجهه ادعي ربك وروح والله يشفيك ويحقق امانيك واخر كلامي المواجهه وعدم اليأس الي جانب الدواء انشاءالله راح يخفف الاعراض وبالتدريج راح يخفتي بس الصبر والعزيمه والايمان بالله والثقه بالعلاج والمواجهه والرهاب ذي اي مرض نفسب او عضوي يبداء يستمر لفتره وانشاءالله ينتهي بالتدريج مليت من الوحدة 19-06-2007, 06:49 PM هذا انا جبت لكم تفاصيل كاملة عن الدكتور الي ذكرته الاخت من موقع المستشفى الالماني الدكتور/ محمد خالد عبد الحميد استشاري الطب النفسي -بكالوريوس الطب والجراحة-جامعة عين شمس. -ماجستير الطب النفسي والأعصاب-جامعة عين شمس. -دكتوراة الطب النفسي-جامعة عين شمس. -خبرة كاملة في العلاج النفسي والدوائي والعلاج بالجلسات المعدلة. -خبرة كاملة في طب نفس الأطفال والبالغين والمسنين وكذلك الإدمان سواء في الأقسام الداخلية أو العيادة الخارجية. وهذا هو الرابط http://www.sghgroup.com/def.php?P=Staff&Lang=ar&ID=103&Br=Jeddah&Way=Doc عموما يا اختنا العزيزة اذا سمحتي تسئلين الدكتور اذا يعرف دكتور كويس في المنطقة الشرقية تكسبين فينا اجر وشكرا بنوته القمر 22-06-2007, 10:51 AM السلام عليكم ورحمه الله وبركاته حبيبتي مشكوره علي معلوماتك الوافيه عن الدكتور وانشاءالله راح اسئله وارد عليكي والله يشفيكي ويسعدك دنيا واخره |