السلام عليكم ورحمة الله وبركاته

عندي مشكلة مع اخوي ,,

الحين هو عمره 16 سنه , ولكن ما زاال تفكيره مثل الاطفال في كثير من الامور

وانا ما اعتبره مراهق مع انه في سن المراهقة وذلك بسبب تفكيره احسه انه بعده صغير

هذا بالاضافة انه ما يطلع من البيت غير للمدرسة وما عنده اصحاب يطلع معاهم ويروح عندهم مثل كل الاولاد اللي في سنه

حالتنا المادية زينة والحمدلله ,, واخوي دائما يثقل على الوالد بالطلبات ,, ومعظم طلباته (العاب وبلي ستشن ومن هذا)
والمكشله انه الوالد ما يرد له طلب ,, ويحصل على كل اللي يبغيه مما اثر سلبيا في مستواه الدراسي ,,

الوالدة بعدها ما تقدر تعتمد عليه انه تطلب منه يروح البقالة يشتري الاغراض المنزلية الضرورية بحجه انه ما يعرف


انا احس انه اللي زاد المشكله الوالد والوالدة انه يدلعوه اكثر من اللازم ويعاملووه على انه طفل 3 سنوات محتاج الرعاية في كل خطوة من خطواته
واذا كلمناهم انهم قاعدين يفسدو الولد بهذذة المعاملة يزعلو ويقولو يعني بتربوه احسن منا !!
فما الحل مع هالمشكلة ؟