السلام عليكم ورحمه الله وبركاته ...

ان شاء الله الكل بخير وعافيه ...

بصراحه مادري كيف اكتب مشكله ابوي ولا من وين ابدأ

الله يسلمكم .. انا من كبرت .. عرفت ان ابوي يشرب .. صح مو مبين عليه .. لكن كنت اعف انه يشرب

عمره ماسوى شئ او اخطأ وهو بهالحاله ..

لكن ماكان يرجع وهو بشكله الطبيعي ..

المهم .. تقريبا هو يشرب من 30 سنه او اكثر ..

كل شئ فيه كويس او ممتاز .. الا هالشئ اللي مخرب حياته ..

حاول كم مره ينقطع عنه لكن ماقدر ..

وهو كان يدخن بس الحمدلله له تقريبا 3 سنوات منقطع عن الدخان .

عاد الحين قرر يترك الشرب .. وفعلا برمضان مايشرب >> على مااظن انه كل رمضان كذا

بس بعد العيد راح للبر مع اصحابه ..

ورجع وهو تعبان .. يرتجف مادري ليه .. ؟؟

وصار يتخيل اصوات .. ويحس ان فيه احد يراقبه .. وان فيه احد يتكلم عنه

اول مره تجيه هالحاله

تقريبا له 3 ايام ماينام .. بالكثير ساعه


بلييييييييز قولوا لي وش نسوي معه






هل هذا طبيعي؟؟




لاتتأخرون علي

بسم الله الرحمن الرحيم

اخي najd ..

وعليكم السلام ورحمة الله وبركاته


اسئل الله الهدايه للجميع ..


تم نقل موضوع لهذهـ القاعه ..

وهنا بإذن الله تعالى ستجد التجاوب الأكثر ..


لك تحياتي ..
أخوك خالد الحارثي ..

الاخ او الاخت نجد
اهلا بك في هذا المنتدى
واسأل الله ان يشفي والدك ويعافيه ومن ماذكرت يتضح لى ان والدك مدمن على شرب الخمر
والرعشه وعدم النوم انما هى اعراض انسحابيه جراء التعاطي .
في مثل هذه الحاله يستحسن ان يدخل مستشفى لعلاج الادمان حيث من الصعب التوقف
عن التعاطي بدون مساعده اذا كنتم في السعوديه فلديكم مستشفيات الامل حاولوا اقناعه
بالدخول .
اسأل الله العافيه لى وله .
واعلم انه يحتاج من يساعده في هذه الحاله والوقوف بجانبه .

طيب انا ابوي ترك الشراب الحين ..

ان شاء الله بيسافر يوم الاحد يتعالج ..

بس مادري هاليومين الجايين كيف نتعامل معه ؟

ايش ممكن يسوي؟؟

ايش ممكن يتصرف؟

لانه يتخيل ان خالي يقول له كلام ومدري ايش

ومره قال انه راح يقتله !!!


ابوي مو كذا ابد .. بس مادري يمكن هذا لانه صار مايشرب ؟؟!

بليز اللي عنده معلومات عن تصرفات اللي يترك الشراب يعطيني :(

الاخ نجد
اضم صوتي لصوت الاستاذ فراج في ان والدك يبدو لديه مرض ادمان الكحول........... وانه بحاجه الى علاج...........
كما ان ما ذكرته من تصرف والدك بعد العوده من رحلة (البر) من الرعشات و سماع الاصوات ( هلاوس سمعيه و بصريه) و خلافه هي : الاعراض الانسحابيه للخمر ، و التي تظهر بعد التوقف عن الشرب...........
المسأله بها نوع من الخطوره على صحة والدك لان الانقطاع عن الشرب المفاجئ بدون رعايه صحيه قد يكون له عواقب وخيمه بسبب وجود ما يعرف ( برعشات الهذيان ) ( delirium tremens ) وقد اثبتت الدراسات والاحصائات بالولايات المتحده ان 20% ممن يمرون بهذه الحاله تحصل لديهم وفاه اي 1 من كل 5 اشخاص ، ما بين اليوم السابع و العاشر بعد التوقف ، لذلك فان مدمني الكحول يحتاجون الى رعايه طبيه اكيده ، و تاكد ان هذه الهلاوس السمعيه و البصريه ناتجه عن الاعراض الانسحابيه لانه يسمع اصوات اشخاص ويرى خيالات وهو يضنها واقع...............
نصيحتي لك اخي العزيز ان تحاولوا تعجيل التحاقه بالعلاج قبل يوم الاحد لان التأخير ليس في صالحه اطلاقا .

مع اطيب تمنياتي لوالدك و الاسره الكريمه

وانا بعد اضم صوتى الى كل من الاستاذ مشرفنا الغالى فراج والاستاذ ابراهيم

... ولكن انا سوف انظر للموضوع من زاويه ثانيه وهى الادمان المصاحب .... انا ارى بانك محتاجه الى الهدوء الان وان تجددى ثقتك بالله وثم نفسك وابوك .... واعلمى بان ابوك سوف يتعالج ان شاء الله ويعود لكم متعافى .. ولكن عليك بان تتعاملى مع الادمان المصاحب .... انتى مشاعرك مجروحه واحساسك فقد الامان ... عليك بان تتحدثى لنا عن هذه المشاعر والاحساس اتجاة مرض ابوك ....

...... ان المرض المصاحب فى بعض الاحيان يصبح قاتل لكل شيء حلو فى حياتنا .... قد ينسينا من نحن ولماذا نحزن ولا نعرف للسعادة اي طعم


...... عزيزتى الله يكون فى عونك ويشفى والدك امين

السلام عليكم ورحمه الله وبركاته على الجميع

مشكورين والله على الردود والاهتمام .. وجزاكم الله خير

اول شئ انا اسفه اني تأخرت عليكم بالرد ..

احب اطمنكم الحمدلله الوالد سافر ورجع والحين طيب الله يتمم عليه

بس المشكله انه يروح لنفس اصحابه :(

يعني كل يوم نخاف يرجع

ويطلع معهم للبر

يقول انا اذا قررت اقطع الشراب اكون قد كلمتي بس لازم نخاف انه يرجع

مادري وش الطريقه الصحيحه .. لان ابوي من النوع العنيد واذا قلنا له لاتروح قال الا بروح حتى لو مايبي



يعني حنا تقريبا الحمدلله احسن بكثير

بس خايفين طول الوقت انه يرجع مثل اول

لانه قبل كم سنه تعب وقرر انه يتركه ورجع له :(


الله يستر

الحمد لله على سلامته
لكن احب اقول لك ان تحاولون قدر الامكان انه مايروح لاصحابه ويستبدلهم بغيرهم لانه خطر عليه ان يعود مره اخرى .
ولو ممكن ان يدخل هنا ليقراء قد يتفهم موقفه .
عموما بقي ان تحاولوا ان تخلقوا له جو مريح بالبيت يغنيه عن صحبته السابقه .
اسأل الله لى وله الثبات .

تحياتي

اختي الغالية \نجد

اتمنى للوالد الشفاء العاجل وانتم لاتيئسون لاتتعبون واصلوا ....

هذا الحال مثل حالات كثيررررررر في المجتمع والسبب الإدمان النفسي يعني عندة الرغبة واصدقاء السوء هم الدافع وفي كل الأحوال يشرب والا يفكر في الشراب وهذا حال كل مدمن فترة طويلة عشان كذا لو قدرتوا تدخلونة جلسات نفسية يكون امتياز قبل يمتد الوضع للاسوئ

والشيء الحلو في الوالد انة يتقبل كلامكم في الموضوع ويسمع لكم ويسمح لكم تدخلون في شئونة ...غيرة من المدمنين مستحيل وهذا يخلي حالهم اسوئ انتي طلبتي حل مافية الا برامج علاجية نفسية تتم بعد خلاص جسمة من السموم سهل التخلص من السم بس من الادمان صعب على المدمن بدون مساعدة اخصائيين