بسم الله الرحمن الرحيم

السلام عليكم ورحمة الله وبركاته


احس ان حالتي النفسيه في تدهور مستمر هالاسبوع :(
والله احس مالي خلق شي واني كارهه كل شي في الدنيا ... واحس اني ابي اتهاوش مع حد :(

واحس اني حزينه والضغط مستمر والسبب الرئيسي للي اانا فيه هو الامتحانات :(
شسوي ؟!؟

خففو عني الله يخفف عنكم :( :( :(

عليكم السلام ورحمة الله وبركاته ......
والله يا ختي شايف انه كل هذا ماله داعي.....يعني خلي حياتج طبيعية كل شي بوقته ...
يعني الدراسة تحددين لنفسج وقت معين تخلصين اللي تبين تدرسينه وبعدين انسي شي اسمه دراسة ....يعني طلعي واستانسي ولا كانه وراك شي ...صدقيني والله جربي هالكلام ترى تجربة شخصية ....ترى هذا الضغط النفسي يزيد النسيان ويخلي الانسان ينسى اللي ذاكره وما يقدر يكتب شي في الامتحان ...
يعني انا الغريب ان تزيد طلعاتي وروحاتي ايام الامتحانات عشان اتخلص من الضغط والتوتر .....يعني اخلص كل اللي ابي ادرسه واذاكر عدل وبعدين اطلع وانسى ان وراي امتحان....والقى نفسي الحمد لله في احسن حال....حتى وقت الامتحان أقعد أول عشر دقايق ما اكتب شي بس اقعد واجابل ورقة الامتحان واعدل نفسيتي وبعدين اكتب على الراحة...هذي نصيحتي لج اختي عيشي طبيعية الامور ماشية ان شاء الله...........take it easy :lol:
اسأل الله العظيم لك النجاح و الدرجات العالية في الدنيا والاخرة
اخوج جاسم

والله انك صادق

وانا ان شاء الله بمشي على نصيحتك

تسلم اخوي وماقصرت ^_^

والله يوفق الجميع

بكره بدرس شوي وبعدين بطلع بغير جو وبنسى ان عندي امتحان عشان مارتبك واخسر :)

مغسي

اختي العزيزة..
اهلا بك هنا..
فرحت حقا بأنك تواصلت معنا..

عزيزتي::
هذا ليس اول اختبار تقدمين عليه..

ودعيني اسألك..
هل استذكرت جيدا وكما يجب..؟؟

اذا اجبت بنعم فتوكلي على الله..

ومن يتوكل على الله فهو حسبه..

لاتنسي الدعاء...

واذا شعرت بالتوتر اذهبي واقرأي ايات من القران..


وثقي بأن اختك تدعو لك...

:)

مووودتي..

أختك//

^

شكراً

انتي طيبه وايد :(

انا احبج ^_^