انا طالبه جامعيه
والاسبوع الجاي
تاريخ 5 - 9 - 2006

عندي شرح موضوع جدام الصف ... وهذا يعتبر مشروع وعليه درجات ...
وبيدخل في التقيم والشهاده ... وانا الصراحه خايفه

صج اني خايفه من صفي اللي بعرض جدامه بس مب وايد ...
بس اكثر شي مخوفني هو عدم الرضا على ادائي ... لان انا اقيم نفسي بعد العمل ... وان مااديته بالمستوى المناسب ... اهني انا احتقر نفسي واعاتب نفسي واحس اني فاشله واني ولا شي ... واقول انا ماستاهل شي :(
هالشعور ينتج لان ادري ان عندي قدره كبيره وممكن اشرح الموضوع بشكل افضل :(

قدمت قبل كمن اسبوع مشروع جدام الصف وقعدت اشرح ... وكنت مرتبه الموضوع على الاخر كل شي جاهز ... شرائح ملونه ... عرض بالكمبيوتر ... موسيقى هاديه للاسترخاء اثناء الشرح الخ ... بس عقب ماخلصت ... تعرفون شنو ماكنت راضيه عن نفسي وقعدت اعاتب نفسي وانزعجت ... وقلت انا لو يعطوني 40 من 100 وايد علي والخ ...

تدرون ان الكل كان عاجبه العرض وقالو لي اني مبدعه وان اديته بشكل حلو ... بس هالكلام ماقنعني لاني في نفسي ادري اني كنت اقدر اظهر الموضوع بشكل افضل ... وصرت حزينه :(

ويوم الدرجات قعدت مع المدرسه وقالتلي كان حلو عرضج وكل شي مرتب وشغلج متعوب عليه والخ انا الصراحه انصدمت وماتوقعت ان عاجبها ... افتكرت اني مقصره :( وعطتني عليه 65 من 100 تقولي مشكلتي الوحيده هي في صوتي لان واطي وعلى درجه وحده ...

يعني مشكلتي كلها مبنيه على اعتقادات في ذهني :( والمشكله اقتنع فيها ومابي اغيرها ... اخاف تصادفني نفس المشكله حق المشروع الجاي :( شسوي !!

اهلا عزيزتي بنوته قطرية بك هنا معنا..

انت راائعة بحق..

واستشفيت ذلك من كلماتك..

فأحمدي الله على ذلك..

وتجنبي عن لوم ذاتك..

واعملي مابوسعك ودعي كل شئ لله..

ولاتنسي قدر الله وماشاء فعل..

كل ماينقصك هو شئ من الثقه في ذاتك وفي ادائك..

وشئ من التوكل...

ابذلي كل جهدك...

وبعد ذلك لاتبالي بالنتيجه..

لانك بذلتي الجهد...

اعانك الله...

واحتفظي بهدوئك قبل الشرح..

ولسوف تنجين..

انا اجزم بذلك...

انتظر اخبارك..

فلا تقطعينا..

دمتي برغد..


أختك//

هلاااااااا قلبي بنوته...


حبيبتي لا تخااافين ان شاااء الله يكون ادائك ناااجح باذن الله ...انا يا قلبي مريت بالهتجربه من قبل السنه السابقه وكنت والله خاااايفه اني اغلط في الشرح او انسى الكلام من الرخوف او استحي من صديقااتي اللي يتابعون شرحي او من المشرفه او يكونوا البنااات اللي ادرسهم ما يساعدوني على متابعه الحصه معهم و...و......و
والله صرت خايفه وانا والله العظيم من النوع اللي استحي جداجدا تصدقين اني في غرفتي احاولاشرح واتخيل البنااات قدامي ما قدرت... بس لما صرت بالموقف ((الشرح)) حسيت بثقه بالنفس بحياااتي كله ما حسيييت مثلها وصرت اشرح للبنات بصوت عالي وثقه كبيره كاني لي عشر سنيين ادرس وكل صديقااتي وحتى المشرفه اثنت على اثنوا على شرحي

الثقه بالنفس والتحضير الجيد للدرس وارفعي معنوايك وقولي بنااات صغار وما يستحى منهم يشجعك ان شاااء الله وخبريني بالنتيجه ..........تحياااتي

^

تسلمون حبيباتي ...

والله كلامكم يشجع الواحد ...

ادري ان المفروض مانخاف وكل واحد يعطي نفسه حقها والحريه مثلها مثل غيرها ...

تدرون انا دايما شاقول ... اقول شمعنى انا اخاف واخرب الموضوع وماقدمه عدل وغيري مايخاف !

والله جد هذي تساعد ... واللي يندمج في الشرح ويتفاعل مع نفسه يصير عنده عادي :)

بتوكل على الله وببذل كل مافي وسعي والله يسهل ...

بس المشكله الحين عندي مليون شي في وقت قصير وخصوصا اليوم ... تكفون ادعوا لي عندي امتحان SPEAKING اليوم
والله اني من كثر ماحاتي الامتحان جاني ارق ... وقمت من النوم :(
بس احسن شي ان الارق جا مع وقت صلاة الفجر يعني بدل ماتقلب يمين ويسار قمت صليت :)

وفعلا مثل ماذكرتي يارمز السكون انا تنقصني الثقه بالنفس ... انا لو اثق بنفسي بس ... بعدي الامتحان على خير بس مافي ثقه كلش :(
اخاف اخربط او اخلص الكلام في دقيقه :(
ادعوا لي


اختكم
بنوته قطريه

الله يوفقك حبيبتي..........

السلام عليكم ورحمه الله وبركاته
أختاه مشكلتك بسيطه إن شاء الله وعلاجها هو قليل من الثقه فى النفس ودى ممكن تكسبيها من الممارسه والظهور فى أماكن عامه يعنى تحاولى تتحدثى فى ملإ ولا تخشى وصدقينى أن أول مره هتكون اصعب مره وبعد كده هيتلاشى الموضوع تدريجيا غن شاء الله

الخجوله ..
تسلمين حبيبتي :)


رياحين الجنه ...

صحيح كلامج ... وانا قاعده احاول كثر ماقدر اني احتك باللي حولي ... واسوي نفسي شجاعه وعاديه واحاول اتكلم :( والله يسهل ...

تدرون اليوم قدمت امتحان ... والله كنت احاتي من الصبح ... بس وقت الامتحان زادت الاعصاب والتوتر وصل حده :(
وانا في القاعه كنت بموت من كثر الخوف والتوتر ... والله يدي ثلجت ورحت الحمام 4 مرات من كثر القلق :(

وطول الامتحان 3 ساعات وانا قاعده على حافة الكرسي :( ماقدر اخذ راحتي ...

يالله ان شاء الله هالتعب يجي بنتيجه :)

اختي العزيزة..

الحمد لله الاختبار عدى على خير..

والله مايضيع تعب احد..

تمنياتي لك بالتوفيق...

:)

أختك..

^

تسلمين حبيبتي والله يسهل امتحان باجر :)