هادي 82
15-08-2006, 02:58 PM
الشام و يا حسرة على شامنا
-1لما بتمشي بالشارع وبتلاقي بني آدم(مع وقف التنفيذ) عم يتعربش و ينط من فوق الأسوار مع أنو الجسر أو النفق يا دوب عشر متار قدامو، بتعرف أنك بالشام.
-2لما بتلاقي شرطي المرور ماشي على الموتور بعكس اتجاه السير مشان ما يعذب حالو ويلف من الشارع التاني (مع أنو المازوت مو هو اللي دافع حقو)، بتعرف أننا عم نحكي عن شرطة الشام.
-3لما بتركب بباص النقل الداخلي وبتلاقيه بيوسع (أو بيجبروه أنو يوسع) لحد الـ 400 زلمة جلوساً ووقوفاً وتفعيساً (حتى أحيانا بيخطر لك تدق لموسوعة جينيس تسجله أو لجمعية حفظ حقوق الباصات لأنو لو هالباص كان ألو روح كانت انتقلت إلى رحمته تعالى من زمان)، بتعرف أنك بالشام.
4- لما بتلاقي المحارم والكياس وعلب الكولا وغيرو عم بينلحش لحش من قلب السيارات على الشارع مع أنو الشارع يا دوب الحكومة منضفتو، بتعرف أنك بالشام.
-5لما بتكون ماشي مروق الصبح والعصافير عم تزقزق من حواليك وفجأة بتلاقي واحد قدامك بالشارع عم يتنخع بنص الطريق (خع تفوووووووو)، بتعرف أنك بالشام.
-6لما الحكومة (وما رح بالغ إذا قلت) موظفة زبالين بعدد نجوم السما (فينا نقول زبال لكل مواطن) شغالين على مدى 24 ساعة ومع هيك بتلاقي الشوارع وسخة والعالم عم ترمي كياس الزبالة شي من عالأسطحة وشي من الشبابيك وشي ما بتعرف من وين جاية، بتعرف أنك بالشام
-7 لما بتلاقي زحمة عالسرافيس ولما يا دوب يعني يا دوب بتدحش حالك أنت وكم زلمة بشي سرفيس وبعد شي حارة ولا حارتين واحد طلع معك من دقيقتين بيقلو للسرفيس "عمهلك نزلنا هون" مع أنو كان أسرعلو يمشي من هالوقفة وهالخناق بس الأفندي مو جاية على مزاجو يمشيلو شي شويتين مشان هيك أخد سرفيس (وبكون وقتها طبعا أخد مطرح شي واحد متأخر على وظيفتو ولا شي طالب على جامعتو) ، بتعرف أنك واقف بمواقف الشام.
-8 لما سواق السرفيس بيوقف وين ما بدو وايمتى ما بدو مع أنو في مواقف رسمية بكل شارع، ، بتعرف أنك بالشام.
-9 لما بتطلع الصبح وبأمان الله يعني عم تحاول تبلش نهارك بنفس مفتوحة بتلاقي اللي قاعد جنبك ريحة تمو بتخنق ومع هيك عم بحدث ويضحك "ملء فيه" أو بكون آكللو شي صحن فول من عالصبح ومو نسيان يفقس براسو شي راس بصل ، بتعرف أنك راكب بباصات الشام.
-10 لما بتكون عم تعيّش عيلة طويلة عريضة وفينا نقول عنك موظف عادي (ما رح نقول مثالي) بشي شركة خاصة، وفجأة بتلاقي حالك بالشارع لأن مديرك سمع حكي عنك ما عجبو كتير، بتعرف أنك بالشام.
-11لما دكتور الجامعة بياخد راتب قد راتب الخريج العادي، وخريج الجامعة بياخد قد راتب اللي معو باكالوريا، واللي معو بكالوريا مو ملاقي شغل، واللي معو تاسع أبوه فاتحلو شركة خاصة، بتعرف أنك بالشام.
-12لما بتكون معك شهادة معهد ومع هيك عندك خبرة ألف مهندس ومديرك بيعرف هالشي ومع هيك راتبك يا دوب عم بكفيك اللقمة لأنو متل ما عم بقلك المعلك (عفواً المعلم) البلد هيك وشهادة المعهد مو قد المقام، بتعرف أنك خريج الشام.
-13لما بتكون رايح الصبح على الوظيفة (مو عامل شي) ومع هيك حاطط ايدك على قلبك وماسك وردة عم تنتف وراقها وعم تقول: يا اليوم بتقلع يا أما ما بتقلع - يا اليوم بتقلع يا أما ما بتقلع ، بتعرف أنك متوظف بالشام.
-14لما بيقطعولك خط التلفون لأنك نسيت تدفع الفاتورة وما إجاك إنذار متل باقي البلدان تبع العالم والناس (مو تبعنا يعني) وبتروح و وشك أصفر على مركز البريد لتدفعها وأنت عم تقول لحالك: "ولي على قامتي أكيد طلعت كتير عالية لحتى قطعولي ياه للخط) بتقوم بتلاقي فاتورتك (80 ل.س) يعني قيمة الاشتراك لا غير، بتعرف أنك بالشام.
-15لما الكهربا بتنقطع وبتتصل على شركة الكهربا وبيقولوا ما في مشكلة وشوي بترجع ومع هيك بتضلك يومين تلاتة بدون لا كهربا ولا غيرو وعلى أثرها بتبظلها مدامتك (يعني مرتك) شي ولد عاشر لأنو ما كان فيكن تتسلوا بالفرجة على التلفزيون، بتعرف أنك عايش بالشام.
-16لما بتروح عالجامع لتصلي وقلبك كلو نور وإيمان وبيغمى عليك بالركعة التانية لأنو اللي قدامك مو غاسل جراباتو من شي شهرين تلاتة، بتعرف أنك عم بتصلي مع أحد مصليي الشام.
-17لك لما بتشغل التلفزيون وبتسمع أخبار صايرة عندك بالبلد ولما بتقلب المحطة على قناتك الفضائية (على أساس بدك تتابع الأخبار من قلب الحدث) وبتلاقي أنو القناة ولا كأنو عندها خبر بالموضوع، بتعرف أنو عم نحكي عن قناة سورية الفضائية بالشام.
-18لما بيجبروك تصف سيارتك بمرآب خصوصي مع أنو الشارع طويل عريض برة وما عليه عجقة ولاممنوع الصف فيه ولا حتى محطوط لافتة ممنوع الوقوف، بس لأنو صاحب الكراج عاطي الشرطي قرشين وقايللو يشحط كل سيارة رح ترفض تصف عندو، وبتقول لحالك ماشي الحال الله بعيننا رح نروح للمرآب وبتلاقي أنو اللي رح تدفعو هنيك ببساوي راتب شي 6 موظفين بالشهر وبيقولولك عادي هيك الأسعار، بتعرف أنك بالشام.
-19لما بتحكي وبتحكي وبتحكي وبتحكي وما حدا بينطش إلا اللي ما بدك ياهن يسمعوك (بيت خالتك) ، بتعرف أنك بالشام.
ولك آه من قلب محروق!
-1لما بتمشي بالشارع وبتلاقي بني آدم(مع وقف التنفيذ) عم يتعربش و ينط من فوق الأسوار مع أنو الجسر أو النفق يا دوب عشر متار قدامو، بتعرف أنك بالشام.
-2لما بتلاقي شرطي المرور ماشي على الموتور بعكس اتجاه السير مشان ما يعذب حالو ويلف من الشارع التاني (مع أنو المازوت مو هو اللي دافع حقو)، بتعرف أننا عم نحكي عن شرطة الشام.
-3لما بتركب بباص النقل الداخلي وبتلاقيه بيوسع (أو بيجبروه أنو يوسع) لحد الـ 400 زلمة جلوساً ووقوفاً وتفعيساً (حتى أحيانا بيخطر لك تدق لموسوعة جينيس تسجله أو لجمعية حفظ حقوق الباصات لأنو لو هالباص كان ألو روح كانت انتقلت إلى رحمته تعالى من زمان)، بتعرف أنك بالشام.
4- لما بتلاقي المحارم والكياس وعلب الكولا وغيرو عم بينلحش لحش من قلب السيارات على الشارع مع أنو الشارع يا دوب الحكومة منضفتو، بتعرف أنك بالشام.
-5لما بتكون ماشي مروق الصبح والعصافير عم تزقزق من حواليك وفجأة بتلاقي واحد قدامك بالشارع عم يتنخع بنص الطريق (خع تفوووووووو)، بتعرف أنك بالشام.
-6لما الحكومة (وما رح بالغ إذا قلت) موظفة زبالين بعدد نجوم السما (فينا نقول زبال لكل مواطن) شغالين على مدى 24 ساعة ومع هيك بتلاقي الشوارع وسخة والعالم عم ترمي كياس الزبالة شي من عالأسطحة وشي من الشبابيك وشي ما بتعرف من وين جاية، بتعرف أنك بالشام
-7 لما بتلاقي زحمة عالسرافيس ولما يا دوب يعني يا دوب بتدحش حالك أنت وكم زلمة بشي سرفيس وبعد شي حارة ولا حارتين واحد طلع معك من دقيقتين بيقلو للسرفيس "عمهلك نزلنا هون" مع أنو كان أسرعلو يمشي من هالوقفة وهالخناق بس الأفندي مو جاية على مزاجو يمشيلو شي شويتين مشان هيك أخد سرفيس (وبكون وقتها طبعا أخد مطرح شي واحد متأخر على وظيفتو ولا شي طالب على جامعتو) ، بتعرف أنك واقف بمواقف الشام.
-8 لما سواق السرفيس بيوقف وين ما بدو وايمتى ما بدو مع أنو في مواقف رسمية بكل شارع، ، بتعرف أنك بالشام.
-9 لما بتطلع الصبح وبأمان الله يعني عم تحاول تبلش نهارك بنفس مفتوحة بتلاقي اللي قاعد جنبك ريحة تمو بتخنق ومع هيك عم بحدث ويضحك "ملء فيه" أو بكون آكللو شي صحن فول من عالصبح ومو نسيان يفقس براسو شي راس بصل ، بتعرف أنك راكب بباصات الشام.
-10 لما بتكون عم تعيّش عيلة طويلة عريضة وفينا نقول عنك موظف عادي (ما رح نقول مثالي) بشي شركة خاصة، وفجأة بتلاقي حالك بالشارع لأن مديرك سمع حكي عنك ما عجبو كتير، بتعرف أنك بالشام.
-11لما دكتور الجامعة بياخد راتب قد راتب الخريج العادي، وخريج الجامعة بياخد قد راتب اللي معو باكالوريا، واللي معو بكالوريا مو ملاقي شغل، واللي معو تاسع أبوه فاتحلو شركة خاصة، بتعرف أنك بالشام.
-12لما بتكون معك شهادة معهد ومع هيك عندك خبرة ألف مهندس ومديرك بيعرف هالشي ومع هيك راتبك يا دوب عم بكفيك اللقمة لأنو متل ما عم بقلك المعلك (عفواً المعلم) البلد هيك وشهادة المعهد مو قد المقام، بتعرف أنك خريج الشام.
-13لما بتكون رايح الصبح على الوظيفة (مو عامل شي) ومع هيك حاطط ايدك على قلبك وماسك وردة عم تنتف وراقها وعم تقول: يا اليوم بتقلع يا أما ما بتقلع - يا اليوم بتقلع يا أما ما بتقلع ، بتعرف أنك متوظف بالشام.
-14لما بيقطعولك خط التلفون لأنك نسيت تدفع الفاتورة وما إجاك إنذار متل باقي البلدان تبع العالم والناس (مو تبعنا يعني) وبتروح و وشك أصفر على مركز البريد لتدفعها وأنت عم تقول لحالك: "ولي على قامتي أكيد طلعت كتير عالية لحتى قطعولي ياه للخط) بتقوم بتلاقي فاتورتك (80 ل.س) يعني قيمة الاشتراك لا غير، بتعرف أنك بالشام.
-15لما الكهربا بتنقطع وبتتصل على شركة الكهربا وبيقولوا ما في مشكلة وشوي بترجع ومع هيك بتضلك يومين تلاتة بدون لا كهربا ولا غيرو وعلى أثرها بتبظلها مدامتك (يعني مرتك) شي ولد عاشر لأنو ما كان فيكن تتسلوا بالفرجة على التلفزيون، بتعرف أنك عايش بالشام.
-16لما بتروح عالجامع لتصلي وقلبك كلو نور وإيمان وبيغمى عليك بالركعة التانية لأنو اللي قدامك مو غاسل جراباتو من شي شهرين تلاتة، بتعرف أنك عم بتصلي مع أحد مصليي الشام.
-17لك لما بتشغل التلفزيون وبتسمع أخبار صايرة عندك بالبلد ولما بتقلب المحطة على قناتك الفضائية (على أساس بدك تتابع الأخبار من قلب الحدث) وبتلاقي أنو القناة ولا كأنو عندها خبر بالموضوع، بتعرف أنو عم نحكي عن قناة سورية الفضائية بالشام.
-18لما بيجبروك تصف سيارتك بمرآب خصوصي مع أنو الشارع طويل عريض برة وما عليه عجقة ولاممنوع الصف فيه ولا حتى محطوط لافتة ممنوع الوقوف، بس لأنو صاحب الكراج عاطي الشرطي قرشين وقايللو يشحط كل سيارة رح ترفض تصف عندو، وبتقول لحالك ماشي الحال الله بعيننا رح نروح للمرآب وبتلاقي أنو اللي رح تدفعو هنيك ببساوي راتب شي 6 موظفين بالشهر وبيقولولك عادي هيك الأسعار، بتعرف أنك بالشام.
-19لما بتحكي وبتحكي وبتحكي وبتحكي وما حدا بينطش إلا اللي ما بدك ياهن يسمعوك (بيت خالتك) ، بتعرف أنك بالشام.
ولك آه من قلب محروق!