موضوع يمكن في نظركم تااافهه لكن والله اقلقني لدرجة مالقيت حل

[ريــــــــــم]

السلام عليكم ورحعمة الله وبركاته
كيفكم ياحلوين
والله ياجماعة انا حاولت اني استشير احد في هذا الموضوع .. للأسف ماحصلت فقلت مافيه الا الوجوه الطيبة
وبصرااحة الموضوع جدا يهمممممني
مانطول .. اليوم جاني اتصال الوه اهلين ...الخ من معي انا ام فلانه وانا بصراحة نصيتك على اساس انك انتي اقرب وحده لفلانه ( اللي هي بنتها ) وقاعدة تشتكي عن حال بنتها اللي هي صديقتي فأنا بصراحة يهمني حال صديقتي بقوه عموما المشكلة ومافيها ان الأم ماهي راضية عن وضع بنتها ليه ؟؟ لأنه متزوجة ولكن زوجها
حسب كلام امها انه مايوفر لها ابسط حقوقها ( الكسوه ـ الاكل ـ ....الخ) والأم طبعا ضاااايقة بالمرة وتقول انه لازم يشوف لها حل لأن بنتها وضعها النفسي والصحي جدا سيئ
وحابه اني افزع معها في اقناع بنتها انها يكون لها ردة فعل من هذي الناحية ..
طبعا من جهة ثانيه سبق البنت اشتكت لي من هذا لموضوع ووضحت انه فعلا مقصراوحاولت انها تكلم الأهل الأب كان له ردة فعل وكلم الولد لكن تحسن شوي لكن رجع كماهو المهم بصراحة حسب مافهمت من صديقتي وضعه الماااادي جدا سيئ وامها تقول احنا مو مسؤلين عن حالته المادية وتبون الحقيقة هي صادقة .. لكن وش يسوي الوحد اذا طاح الفاس بالراس وعلى فكره راتبه معقول بس الديون مصيبه وفعلا الرجل جدامقصر مع صديقتي بس هي من رايه تقول خلاص وش اسوي يعني وش لون اتصرف تعبت مابين اهلي وهو ومافيه ألا اني اصبر على وضعي ..
والله انا ضايعه بين الأثنين ساعات احس كلام امها منطقي وصحيح ..وساعات اشوف ان الموضوع ميؤس منه يعني البنت وش لون تتصرف ,, حدود المشكلة تتلخص في
أـ الأم جدا خايفة على مستقبل بنتها
بـ الوضع المادي للرجل سئ لدرجة انه ابسط الحقوق من الصعب توفيرها
ج ـ صديقتي تعباااااانه جدا من هذي المسأله لكن مو عارفه كيف تتصرف .. وهي خايفة من الطلاق وأحيانا تفكر فيه لكن تشوف انه مو حل ..
د ـ تبون الحقيقة انا فعلا وقفت عند هذي المسألة وماني عارفة كيف اوصل لحل يرضي الطرفين

انتم وش رايكم من جد انامحتاااااااااااااجة لرأيكم وثقو انكم تأجرون في ابداء اراءكم ....ولكم جزيل الشكر ..

[عبدالله الدريهم]

الحمدلله رب العالميبن

الام من حقها انها تخاف على بنتها ...
طيب الرجال مفلس ومديون وضروفه المادية تعبانه ....والبنت تخاف الطلاق ...

انا اقول والله اعلم محاولة اقناع الام ان بنتها لها حياتها الخاصة ...وان كان الرجل فعلا لايستطيع الالتزام بواجباته ولدية العذر محاولة اقناع البنت بالصبر والتفاهم مع زوجها من اجل حل المشكلة المادية ....طبعا الموضوع فيه انه ما يلبي ابسط المطالب حتى انه مايوفر الاكل لاحول ولا قوة الا بالله تحاول الزوجه ايجاد عمل لها الى ان تنفرج الازمة

الفاس وقع في الراس هذا صحيح وان كانت من البنات اللي اجبرت على مثل هذا زواج يتحمل معها من ارغمها لا ان يسعى الى تطليقها وخصوصا ان كان الزوج في حالة استقامة

اختي ريم الحوار يكون بينك وبين البنت ومجرد وجودك معها في المشكلة باذن الله بداية الحل ....ان كان المشكلة مادية فقط اقنعيها بان تشتغل وان شاء الله يوفقها رب العالمين ويفتح لها ولنا ابواب الرزق


والسلام

[رمز السكون]

عزيزتي انا رأيي مع رأي الاستاذ عبد الله..

ان ابغض الحلال عند الله الطلاق..

واقنعيها بالعمل..

والزوجه ليس اكثر مايفرحها ان تصعد معه طريق النجاح وتتخطى ييدا بيد العقبات..

اعانها الله..

اوصيها بالدعاء..

عذرا لنقلي موضوعك لقسم الاسره والمجتمع..