موضوع جميل وتخيل رائع من كاتبه فلتسعدوا بوقتكم فى الجنه والتى هى اعظم واجل مما تصور ها ...

ففيها مالا عين رات ولا اذن سمعت ولا ختر على قلب بشر ....

فلناخذ الفائده .... اترككم للموضوع ...


سلام عليكم جميعاً..

أعتقد إن كلنا نتمنى ندخل الجنة.. صح؟ ..

كل الناس عندها قناعة إن دخول الجنة هو أكبر حاجة ممكن يحققها الإنسان في نهاية حياته..

لكن هل إحنا فعلاً حاسين بالقناعة دي؟ هل إحنا نشوف الجنة قدام عينينا لما أتمناها؟ هل بنحس من وقت للتاني إننا بنشتاق للجنة، زي ما بنشتاق للناس اللي بنحبهم؟

عمر حد فيكو لما فكر في الجنة شافها قدام عينيه زي ما بيشوف أي حاجة بتدور في خياله... عربية.. بيت .. أي حاجة من الحاجات المحسوسة اللي بنشوفها في حياتنا.. ؟

أعتقد لأ...

عارفين ليه؟ ..

لأن الثقافة اللي اتربينا عليها كانت على نحو ما ثقافة حواديت.. ثقافة روائية..

ربنا سبحانه وتعالى لما تحدث عن الجنة في القرآن استخدم أسلوب تصويري عشان يولد إدراك حسي عند الناس اللي بتقرا الآيات..

احنا عمرنا ما تخيلنا الجنة زي ما بنتخيل أي حاجة من الحاجات اللي بنتمناها في الدنيا.. العربية، العروسة، الوظيفة، الفلوس.. وده لأن إحنا تصورنا للجنة نفسه تصور مختزل جداً.. أنا شخصياً لغاية وقت قريب لما آجي افكر في الجنة ألاقي التصور اللي في مخيلتي لأي حاجة فيها عامل بالضبط زي الحلم، كأني هادخل الجنة في الحلم...

لكن من وقت قريب قررت إني انقل تصوري للجنة من إطار الأحلام لإطار الواقع.. وعشان كدة أنا كتبت الموضوع ده، لأني عايزكم انتو كمان تفكروا معايا بنفس الطريقة، وتتمنوا معايا الجنة بجد.. وبكل إحساسكم وأشواقكم أكتر ما بتتمنوا أي حاجة في الدنيا..

أنا جمعت مجموعة كبيرة من الصور وعملنا منهاGallery خلونا نتفرج عليه ونتخيل إن دي هاتبقى حياتنا فعلاً في الجنة.. وطبعاً ده مش هايضر بحاجة لأننا مش بنعشم نفسنا عالفاضي، إن شاء الله لو هانخش الجنة أكيد هايبقى عندنا اكتر بكتير من اللي هانشوفه في الصور، فاتعالوا بينا نتفرج، ونعيش مع بعض لحظات.. كأننا فعلاً دخلنا الجنة، وبعد كده نبتدي نعيش حياتنا بشكل مختلف.. وإحنا بجد، بنتمنى إننا ندخلها..

بس قبل ما تشوفوا الـGallery لازم نحط في اعتبارنا الكام نقطة دول:

أولاً: مش هانقدر طبعاً نحط صور تمثل لنا الحور العين لاعتبارات رقابية خاصة بموقع عشرينات من ناحية! ولأن مفيش أي صور ممكن نحطها تعبر تعبير مناسب عن الجانب ده.

ثانياً: كلامنا هيكون ليك.. ليك أنت لوحدك.. ابتدي تخيل معانا من دلوقتي إنك دخلت الجنة فعلا بإذن الله ورحمته، وإن معاك واحد من خدمك بيفرجك على القصر بتاعك..

أنا مش هاقول لك إن كل ده أعد لك في الجنة، لأ..
أنت أعد لك أعظم وأكتر وأروع بكتير من كل ده.. تفتكر ... كل ده مايستاهلش اننا نعمل حاجة علشان نوصل له ؟

اتفضل يالله ... بسم الله الرحمن الرحيم.. خش اتفرج


http://img224.imageshack.us/img224/2720/11508840587mz.gif

الله يرزقنا ان تنعم بها اخي فيصل

وجزاك الله كل خير :P

اشكرك اختى ماتهاب واسف لان الرابط الخاص بالصور لايعمل ..


ولكن لنا جميعا ان نتخيل الجنه بعد ان نسترخى ونغمض اعيننا واكيد كل واحد هايتخيلها زى ما يتمناه ....

تقبلى وافر احترامى ...