واحد بيقول للتانى لو سمحت فين اتوبيس مصر الجديده

قاله ايه حديده

قاله انت طالب احسان

قاله بذرة كتان دى من عند العطار

قاله طار انا كنت فاكرك راجل محترم

قاله انفرم انت فاكرنى لحمه

قاله زحمه هو ده معاد خروج الموظفين

قاله اسبرين انت عندك صداع

قاله قراع دا مرض معدى وخطير

قاله فطير ده تقيل على المعده وغالى

قاله خالى دا راجل كبير فى السن

قاله جن انت راكبك عفريت

قاله كبريت انت عايز تولع

قاله اتدلع .اتدلع عليك وعلى اهلك

قاله اقابلك انت تعرفنى قبل كده

قاله كبده ما بكلهاش عشان جنون البقر

قاله سحر دى صورتها لسه فى القلب

قاله كلب اهو انت اللى كلب وابن ستين .....

مسكو فى خناق بعض

جه ظابط البوليس قالهم فى ايه بتتخانقوا ليه؟؟

واحد فيهم قاله مافيش يا بيه دا بيسالنى على شارع رمسيس

ايه وكمان جواسيس قدامى على قسم البوليس



lمنقووووول