لو سمحت ده سبب مشاركتى

[بينار]

مش مهم اسمى
المهم انى عندى شوية حاجات انا عايز حد يسمعنى
انا طالب باحدى الكليات العملية وعمرى ماحبيت الكلية ابدا وده لعدة اسباب انها مش بتساعدنى افهم ولا بتساعدنى انى انمى مواهبى
انا بعمل حاجات فنية كتيرة بكتب وبرسم واكتر من كده بكتير
المهم انى لاحظت على نفسى انى بقيت مش انا
انى بقيت بتكلم بشخصيات غيرى تماما حتى الناس بيقولوا عليا انى اتغيرت خصوصا أهلى
اى فيلم بشوفه معرفش بلاقى نفسى بتكلم زى شخصياته فاتكرت انه وهم السينما عشقى الأول لإنى عايز ابقى مخرج وحاسس ان الفكرة رسخت بشكل غلط
المصيبة انى بقيت بتقمص شخصيات من الواقع
وبقيت بكلم نفسى وبعمل حركات غريبة والكتير من الناس لاحظوا
انى بقيت كئيب وبقعد فى البيت مش كتير تقريبا طول اليوم ومبحبش اروح الكلية
كنت بروح فى العملى فقط لكن دلوقتى مبحبش اروح خالص
حاسس انى همدان ومليش اى اصحاب بجد ولا اى حد اكلمه
حاولت انتحر كتير لكن شوية العقل اللى عندى بتخلينى افشل مش عشان اسباب دينية لأ معرفش مبعرفش انتحر ودى مصيبة تانية
وحاسس بجد ان مش حقدر اكون انا حاسس انى شخصيات كتيرة بجسم واحد ومش عارف اعمل ايه بجد
انا طموح جدا ويمكن طموحى قاتلنى واهلى مش مساعدنى فاكرين انها موهبة وحتعدى
حد يقولى انا عندى ايه ولا برضه متقمص شخصية حد تانى
انا مبقتش مصدق نفسى ومش عارف اتعامل مع اى انسان ودايما بضحك حتى لما بسمع اخبار وحشة