[align=justify:cf62db8eed]السلام عليكم ورحمة الله وبركاته :
اخوانى اخواتى انا عارفه ان مشكلتى دى مشكله يمكن البعض يفتكرها تافهه وحلها معروف من غير ما احكى تفاصيلها بس انا بتمنى انكم تعتبروها مشكله جاده حتى لو كانت تافهه ودوروا لى على حل ليهالانى بتألم ومش عارفه اعيش بسببها , من غير ما اطول عليكم انا هسرد لكم احداث مشكلتى .
انا دايما كنت متعوده انى اقعد على النت كتير يعنى كنت مشتركه فى مجموعات اسلاميه كتير وكان لازم استقبل رسايل وابعت وهكذا , وفى مره من المرات كنت حاسه انى زهقانه شويه ونفسي اتكلم مع حد فدخلت غرفه من غرف الياهو ومن حظى مش عارفه اقول السيء ولا الكويس ضغطت على اسم واحد طلع مصرى والحمد لله بس كان بيتكلم اجنبي وبدأت الشات معاه اجنبي برضو بس قولت له بعد دقائق من تعارفنا انى مش كويسه اوى فى اللغه ويا ريت بما انك مصرى نتكلم مصرى برضو قالى انه بطىء فى الكتابه بالعربي على الكى بورد فاءقترح عليا اقتراح انه يكتب عربي انجليزى يعنى الكلام عربي بس كاتبه بحروف انجليزيه وان انا اكتب عربي عادى على الكى بورد وبدأنا نتكلم واتفقت معاه ان اجتماعنا لازم يكون على مرضاة الله وليس على معصيته يعنى نتكلم فى حاجه نستفاد منها وسألته بيصلى ولا لأه قالى اه الحمد لله بس النوافل مبلحقش اصليها عشان انا فى كلية الطب ومواعيد محاضراتى مبتسمحش , وشجعته على انه يقرب من ربنا سبحانه وتعالى ويبطل الاغانى ويسمع اغانى دينيه ويقول اذكار الصباح والمساء ويلتزم وزى ما اديتوه حاجه كويسه هو ادانى برضو لان انا كان نفسي اتعلم اللغات وهو شجعنى وقالى انه هيساعدنى وفرحت اوى وبدأت اسمع كلامه وخد الموضوع منحى تانى وكان اسلوبه فى منتهى الشياكه والاناقه و فى نفس الوقت اسلوب كلامه اسلوب واحد مدلل معندهوش مشاكل زيي انا اللى حياتى من اول ما شوفتها وهى مليئه بالاحزان المهم يعنى وملى عليا حياتى اصبح جزء منها كان بيتدخل حتى فى اكلى وشربي يعنى يسألنى صحتك عامله ايه بتاكلى ولا لأه انا من دلوقتى الدكتور بتاعك واتدفى وخلى بالك من نفسك ويوصف فيا وصف عفيف ويقولى انتى انسانه حلوه جدا وروحك صافيه وقلبك نضيف وانه شرف له معرفته بيا وحسيت ان هو ده فارس احلامى وهو ده الشخص اللى انا عوزاه وكان فى لهفه منى عليه وهو كمان وبدأت اسأل نفسي هو ليه ميقوليش انا عاوز اجى اشوفك فى الكليه مثلا ويمكن لو عجبوا شكلى يخطبنى وبقى هو ده الامل اللى انا عايشه عشانه وخصوصا انى مغلطتش غلطه واحده يعنى لا وريتوا صورتى ولا كاميرا ولا اى حاجه من دى زى ما البنات بتعمل وفضلنا سنه نتكلم وفى مره قدرت اجر كلامه ووصلته للنقطه دى اننا مش هنفضل طول عمرنا فى الوضع ده لازم نشوف حل لازم نطلع الاحاسيس الجميله النقيه دى للنور قالى انى مش هيقدر دلوقتى لانه لسه ادامه السنه دى وسنه كمان وسنه امتياز لانه كان فى خمسه طب وان ممكن لو خطبنى دلوقتى اتعذب معاه واتعب واستنى كتير وان ممكن يجى لى حد احسن منه ويكون هو السبب فى انه ضيع من ايدى فرص كتير وقالى انه مش هينفع دلوقتى وخلينا نتكلم مع بعض كده ومحدش عارف المستقبل مخبي لنا ايه يمكن لو محدش جالى خلال الفتره دى يجى هو بس طبعا انا رفضت لان معنى كده انه بيطلب منى انى اعمل علاقه معاه وفى الاخر يمكن يحصل نصيب ويمكن لأه , المهم دلوقتى هو طلب منى انى اصلى استخاره وهو كمان يصلى ونشوف حل للموضوع ده , وزى ما اوصنا النبي عليه افضل الصلاة والسلام بأن نستخير ونستشير وانا بستشيركم فى الامر ده بعد ما استخرت ربنا طبعا وبتمنى انكم تقولوا لى ايه حل اللى بيحصل ده من فضلكم , معلش اطلت عليكم وجزاكم الله خيرا .[/align:cf62db8eed]

اختي العزيزة فلنبدأ من جديد

اذا تقدم لخطبتك فالحمدلله

واذا لم يتقدم لك فأنهي تلك العلاقه نهائيا ً

وذلك أفضل لك

واخبريه ان تعبك وانتي مخطوبه له على امل الزواج افضل من تعبك وانتي مستمرة في علاقه معه هكذا بدون رابـط ..


تــحياتي

اختي في الله
الحب مشاعر راقيه وقد يكون هو الشعور الذي يميز الإنسان عن غيره من المخلوقات ولاكن علي الرغم من ذالك فإن تغليب العواطف علي العقل يوقعنا في الخطاء وها انت ذا
مثالا علي هذا
الحب اختي من اصعب العلاقات الإنسانيه فهو مثل النبته التي قد تولد في الظلام ولاكنها لن تعيش إلا في الضوء وإذا لم يكون الحب متبادل بين الطرفين بدرجه واحده او علي الاقل متقاربه
فأن فرص النجاح تكون مع الاسف قليله
وانا اري ان هذا الشخص إما ان يكون غير جاد اوان تكون ظروف بالفعل لا تسمح بالارتباط وفي كلي الحالتين قلب الفتاه الرق من ان يكسر فحافظى علي قلبك
واعلمي اختي ان غرف المحادثه تتيح لكل إنسان ان يرسل الصوره التي يريدها عن نفسه فما ادراكي ان هذه هي صورته الحقيقيه
كما ان الاسلام لا يشجع اي علاقه لا
يكون لها اساس شرعي
وادعو الله لكي بالقدره علي حسن الإختيار

لو حدث هذا التعارف في ظروف غير تلك التي حدثت معك لكان هناك مجال للاستشارة والاستخارة ..

لكن المتتبع لسير الموضوع لا يتنبأ بخير .! :?

وفى مره من المرات كنت حاسه انى زهقانه شويه ونفسي اتكلم مع حد فدخلت غرفه من غرف الياهو

وهذا أول مدخل من مداخل الشيطان .. انتهز فرصة شعورك بالملل لتكون أول خطوة على الطريق====>> محادثة - أعلم أنها شبه خالية من الأخطاء الشرعية

لكنها خطوة تجر ورائها خطوااات ..


وشجعته على انه يقرب من ربنا سبحانه وتعالى ويبطل الاغانى ويسمع اغانى دينيه ويقول اذكار الصباح والمساء ويلتزم

وهذه الخطوة الثانية من خطوات الشيطان

لقد أظهر لك أن مابينكما إلا كل خير بل أنكما تعينان بعضكما على الطاعة .. وذلك ليجعلك تتمسكي به أكثر وعن قناعة عقلية مسلم بها فلا يوجد في الموضوع شائبة .
قال تعالى:" يا أيها الذين ءامنوا لا تتبعو خطوات الشيطان ومن يتبع خطوات الشيطان فإنه يأمر بالفحشاء والمنكر ...." ( سورة النور )

أسأل الله أن يرينا الحق حقا ويرزقنا اتباعه وأن يرينا الباطل باطلا ويرزقنا اجتنابه ..

السلام عليكم


اختي

بداية احيي في هذا الانسان صراحته وخوفه عليك
والحمد لله انه اخبرك بوضعه و ظروفه




ان كان ما يقلقك هو شرعية علاقتكما فقط

فيمكنك ان تتعرفي الى اخته مثلا او قريبته , حتى تكون هي نقطة الوصل بينكما , الى ان يتقدم لك

هذا ان كان يستطيع ان يتقدم لك قبل ان يكمل دراسته





اما ان تنتظري فترة 3 او 4 سنوات

فانا اؤيد كلامه
طالما انه لا يستطيع ان يتقدم لخطبتك الان او حتى بعد فترة قصيرة

(( انسي الموضوع حبيبتي))







لكنني . .

متأكدة انك بعد صلاة الاستخارة شعرت ان الافضل بل الواجب هو الابتعاد




اعرف ان الامر لابد وان يكون فيه صعوبة

وذلك انك ستفقدين من كان محور اهتمامك وكنت محور اهتمامه

لا سيما ان كنتم تتناصحون على الخير ,






لذلك اختي فكري ان تعوضي هذا الفرق الذي سيطرأ على حياتك

** اهم شيء التقرب الى الله دوما ,, وحاولي ان تبثي همومك له بالدعاء والصلاة والقرآن


** تقربي اكثر الى عائلتك والفترة التي كنت تقضينها معه ,, جربي ان تقضيها مع اهلك


** اشغلي وقتك بدراسة او مشروع صغير ,,
وافضل ما رايته مناسبا ان نشغل اوقتنا بالخير مع صناع الحياة ,,
ابحثي عن هذه الخلية النشيطة في مكان تواجدك ,, وسارعي بتقديم طاقاتك





ولن تندمي باذن الله


ولكما رب العالمين

جزاكم الله كل الخير على ردكم على رسالتى , كلامكم مقنع بس ادعوا لى انى انسى الشاب ده , ده اول واحد يهز مشاعرى وحاسه ان الموضوع صعب عليا شويه , بس ربنا يعينى , اسألكم خالص الدعاء , ادعوا لى فى صلاتكم من فضلكم , لانى للأسف انا لما بتكلم معاه بحب الدراسه وبذاكر وبشد حيلى لكن من ساعة ما فكرت انى ابعد عنه وانا معدلى الدراسي انخفض وحالى اتغير ووزنى نزل كتير , يمكن تكونوا مستغربين شويه من اللى بيحصل لى ده بس هى دى الحقيقه .