السلام عليكم ..

إخواني ياريت لو تجاوبني على هالأسئلة ..

كيف أقوي علاقتي مع من أحب ؟ يعني كيف أخلي حبها لي يزداد أكثر و أكثر ؟ كيف أخليها تحس أن مالها غيري ؟ كيف احسسها اني الشخص الوحيد في حياتها

كيف أخليها تشتاقلي أكثر و أكثر .. كيف اخليها تنتظر على احر من الجمر علشان تكلمني او تسمع صوتي ..

الحمد لله انا علاقتي فيها علاقة قوية و هي تحبني و انا احبها بس كيف ازيد هالشي ..

ارجو منكم الإفادة

أعتقد اخي الفاضل.......
ان افعالك هي التي تزيد او تنقص مقدار محبة الناس لك ........
وكلما ازدادت معاملتك الحسنه زاد حبها لك.......
ولكن لاتنسى الدعاء فالقلوب بين اصبعين من اصابع الرحمن......
اتمنى اني اكون قد افتدك.......

مشكورة إختي رمز السكون ..

بس ياريت لو باقي الإخوان يساعدوني و يجاوبوني على الأسئلة الي طرحتها

و منكم نستفيد :wink:

اخي الكريم
يمكنك الأستماع الى الدكتور صلاح الراشد في سلسلته
كيف تكسب محبوبتك ؟
على الرابط التالي

http://www.islamway.com/?iw_s=Scholar&iw_a=series&series_id=1159

وتمنياتي لك بالتوفيق في حياتك الزوجية

أخوي أنا طالب من الإمارات عمري 18 و غير متزوج

البنت هذي زميلتي في الجامعة .. و نحن نحب بعض ..

البنت تعاملني معاملة اكثر من ممتازة .. تحبني و تخاف علي .. و انا ما اشك في هالشي ..

بس المشكلة اخوي .. إن هي من فترة تقريباً أقل من اسبوع

احسها مب متحمسة .. ما اقصد هني ان حبها نقص او شي لا بالعكس ..

انا سألتها قالتلي هذا كل من الجامعة و الضغط جي .. ما أقدر أركز في الاشياء

هي كانت تشتاق لي وايد و ما تقدر ترقد بدون ما تسمع صوتي ..

بس امس قالتلي خالد احس عادي لو ما كلمتك يوم كامل بس في نفس الوقت أحس اني مشتاقة لك و ابغي اكلمك ..

قبل بعد يوم اكون بعيد عنها او في مكان ثاني ترسلي مسجات ع الموبايل و تتطمن ..

الحين من إسبوع ما تسوي هالشي الا اذا انا ارسلت و كتبت لها في المسج اشتقت لج ..

هي قالتلي امس بعد .. ادري اني تغييرت عليك و اتكلمت وياها في الموضوع ..

قالتلي خالد خل الإجازة تي و بتشوف كيف بتصير علاقتنا ..

هي وايد تتعب و تبذل مجهود في الجامعة و انا اعرف هالشي خصوصا الحين فترة امتحانات ..

انا تميت افكر و قلتلها انا راح ازيد حبي لج و اهتمامي فيج و راح اسوي المستحيل علشان ترجعين لطبيعتج ..

علشان جي سألت كيف اقدر أحمسها .. كيف اخليها تشتاق لي .. كيف ازيد من حبها لي ؟

أرجو أن تكون فهمت قصدي ..

و اسمحلي على الإطالة ..

ملاحظة البنت تكلم واحد على الماسنجر من إمارة بعيدة عن الإمارة إلي انا و هي فيها .. و انا كلمتها بخصوص هالشي .. قالتلي هذي علاقة نت بس اما انت في الحياة .. هي قالتلي انا من النوع الي احب اتكلم و اسولف .. فماباك تحاتي او تخاف من شي لأنك إنت حبيبي و انت real life اما هذاك بس نت .. و هي ما تحبه و قالتلي بنفسها .. بس تعتبره كصديق ع الماسنجر ..

و في شي ثاني انا اكلمها وايد اما هذاك الولد يدوب بس ساعتين يوميا و بس ع الماسنجر ..

اخي الكريم 5aLooDy

وماذا بعد ...
تكلمها وتكلمك
ترسلها مسجات وترسلك
وماذا بعد ...

ماهي حدود علاقتكم وماهي نهايتها
كن صادق مع نفسك ومع ربك

فما تفعلة شي عظيم ولاتستهين بالأمور
واحب أقولك اتقى الله ..

اخوي العزيز

بدل ما اطلب المساعدة منكم .. ترد علي بهالطريقة ..

أخوي البنت من أهلي و اهلي و اهلها يدرون بأني أكلمها ..

المهم أخوي شكلي غلطت لما كتبت الموضوع ..

مشكلة الناس على طول يروح تفكيرهم لبعيد ههههههههه

باي :wink:

يااخي ... نحن ساعدناك بحسب مانستطيع .. فمن العيب ان تستخف بنا في النهاية

وبعدين ليس حلا بأن اهلك واهلها يعرفون العلاقة بينكم
بل هذا يجعل الكثير من الوزر يعود على الأهل

ياأخى اذا كانت علاقتكم بهذا الوضوح أخطبها على الاقل في هذه المرحلة ... قلي لي ماذا يمنعك ؟؟؟

وهل اهلك واهلها يعرفون كذلك انها تتحدث الى شخص اخر عبر الماسنجر

اذا كانوا يعلمون كذلك ... فعوضى على الاخلاق