السلام عليكم و رحمة الله و بركاته ..

أولا أحب اشكركم على هذا المجهود الرائع إلي تبذلونه و ياريت لو تكملون جميلكم و تساعدوني لأني محتاج لكم ..

مشكلة يا إخوان .. إن أحب وحدة في نفس عمري ( 18 سنة )

يمكن البعض يقول هذا حب مراهقين أو شي من هالنوع بس إلي أحبها تصيرلي بس من بعيد شوي ..

تعرفت عليها قبل 3 شهور تقريبا ..

الحمد لله انا و هي عايشين في حب وتفاهم و تعاهدنا على الزواج بعد من نخلص الجامعة ..

و أهلي يدرون بهالشي إن أحبها و هي تحبني ..

المشكلة يا إخواني إني قبل لا أعرف هالبنت .. كانت ويا واحد قبلي .. عرفته قبل 8 شهور ..

بس هي حلفتلي إنه ولا مرة كلمته في التليفون أو شافته في مكان .. لأنه هو من إمارة ثانية و بعيدة شوي عن إماراتنا ..

هي قالتلي مرة إنها كانت توهم نفسها بحبها له .. بس بعد ما عرفتها .. قالتلي إنها الحين تحس بالحب الحقيقي وياي ..

أنا أعرف إن البنت تحبني و مستحيل تخوني في أي شي .. بس قبل شهرين هي تركت هذاك الولد إلي كانت تكلمه لأن شي صار بينهم .. بس من إسبوع تقريبا رجع الولد لها مرة ثانية و اعتذر منها ..

انا قلت للبنت ما أباج تكلمينه .. قالتلي خالد لا تخاف انا مستحيل أخونك لأني أحبك و انت عارف هالشي .. لو كنت أحب هذاك الولد .. جان ما قلتلك أحبك و تعرفت عليك و كلمتك بالتليفون و راويتك صوري و عاهدتك على الزواج ..

و قالتلي بعد إن هذاك الولد ما قصر وياها يمكن كانت تعرفه و ان علاقتهم بس علاقة نت و ماسنجر يعني ما في أي شي ثاني و الولد قالها بعد ما رجع لها .. ادري انج تحبين خالد بس على الأقل نكون أصدقاء في الماسنجر بس و اعتبرج مثل اختي ..

الصراحة يا إخوان أنا احس بالغيرة عليها .. أدري انها ما بتسوي شي و ايضا هي تحلفلي و تقولي بصوتها إنها تحبني و مستحيل تسوي شي و إني أنا الوحيد في حياتها و إنها ما تكلم غيري .. و تقولي هاي صداقة نت و لو شو بيصير لازم ما يأثر فيني و فيك ..

إخواني انا ما أبغيها تكلم هذاك الولد .. حتى و أنا واثق من كلامها ..

فياريت لو تساعدوني إخواني ..

أنا قلتلها بعد الحين إنتي تحبيني انا .. الولد ما راح يفيدج بشي .. قالتلي أدري والله .. بس قلتلك خالد هو من زمان وياي .. و هذا كله صداقة نت يعني مافي اي شي ثاني و ترجع و تقولي لا تخاف او تحاتي لأني والله أحبك ..

و ايضا ساعات أشك فيها .. خصوصا لو كنت بعيد عندها ..

بس في الأخير يطلع شكي غلط .. و هي تدري اني اشك فيها و تقولي خالد ما في داعي لكل هالشك ..

بس صدقوني ما أقدر امنع نفسي عن الشك فيها .. ودائما افتح وياها موضوع تركها لهذاك الولد .. و هي تقولي نفس الكلام ..

أحبها من كل قلبي و لهذا السبب اسوي لها كل هذا ..

فشو اسوي يا إخوان ..

و السموحة على الإطالة لأني صدق محتاج لكم ..

أخوكم / خالد

السلام عليكم ورحمة الله وبركاته

اخي خالد .. انا ساتكلم معك على اساس ان الاهل يعلمون بنيتك الزواج من هالبنت والواضح صدق نيتك تجاهها

اخي احب ان اقول لك ان المرأة لما تحب تهب نفسها ومشاعرها لمن تحب وتكتفي به

ولكن اخي ان توزع المرأة مشاعرها حتى لو كانت باسم الصداقة لهذا او ذاك فهذا يدل على امر مهم وهو ان البنت تحتاج الى تقوية ايمان

فالحديث مع الشباب بدون هدف او سبب حرام ولايجوز مهما كان العذر

لذا فعليك ان تقيس تصرفاتها والتزامها لان هذا من اساسيات اختيار الزوجة والتي ستحمل اسمك وبيتك واطفالك

انت مازلت في مقتبل العمر .. والزواج امر جاد وله مقاييس واساسات في اختيار الزوجة وهذا ماعليك ان تحرص عليه قبل امر الحب

اتمنى لك التوفيق
واعذرني على قسوة كلامي

اختك لمياء

اشكرج اختي لمياء على مشاركتج ..

المشكلة اختي اني ياما قلتلها اتركي الولد ..

و هي تركته مثل ما قلتلج شهرين ..

و خلال هالشهرين كان يرسل لها ايميلات و هي ما كانت ترد عليه ..

و دائما كانت تقولي خلاص انا مستحيل اكلمه مرة ثانية ..

بس هي رجعت له بعد اخر ايميل .. لأنه طلب السماح منها و قالها انا ما ابغي شي منج بس ياريت لو نتم نكلم بعض على الماسنجر سوالف عادية ..
يعني انا اعرفج من زمان مب حلوة ما نكلم بعض الحين ..

و لكلمج اختي هي تخبرني الكلام الي يقولها .. كلامه عادي جدا سوالف بس ..

و هي بنفسها قالتلي ان الولد ما يحبها و لا هي بس هو قصده انه يكلمها كأنها اخته ..

و لعلمج اختي الولد يحب وحده بعد ..

البنت تقولي خالد انا اكون وياك 24 ساعة بس حتى يوم اكلم هذاك الولد انت تكون وياي و انا ما اكلمه غير 2 او 3 ساعات يوميا ..

اما انت غير .. انت في الموبايل و الماسنجر و مسجات ..

فمافي داعي تضايق بعمرك بهالشي ..

و هي تقولي خالد انا واثقة منك و ما اشك فيك لأني اعرف انك تحبني فياريت لو تبادلني نفس الشعور و تكون واثق مني و ما تشك .. لأنه والله مافي شي بيني و بينه .. اللهم بس كلام في الماسنجر لمدة ساعتين بعدين مع السلامة ..

ياريت لو تساعدوني بطريقة كيف اقنعها بان تترك الولد لأني حاولت وايد بس ما قدرت ..

و بعد ياريت لو تساعدوني كيف اثق فيها و ما اشك لأني دائما اشك فيها و في الأخير شكوكي كلها غلط في غلط ..

و السموحة على الإطالة

خالد

ياخوي ماقدر اقولك ألا شي واحد

ماتت الغيره

الله يرحمة

أخوي بالعكس هي تغار علي ..

حتى يوم اكلم اختها تضايق تقولي ماباك تكلم حد ..

و انا والله العظيم ما اكلم حد غيرها ..

وهي بعد ما تكلم أولاد بس انا و هذاك الولد ..

قالتلي خالد انا ما بتخلى عنه لأنه وقف وياي وايد ..

صح هو كان يكذب علي بس ما ضرني في شي ..

و قالتلي خالد والله أحبك من كل قلبي و لو ما كنت مصدق جان ما سويت لك كل إلي سويته وياك ..

لو كنت أحب هذاك الولد مثل ما انت تقول .. جان ما عرفتك ولا عطيتك ويه من الأساس و لو ما كلمتك في التليفون و عطيتك صوري و قلتلك احبك ..

الصراحة بهالكلام أحس انها تسكتني لأني ما اقدر ارد عليها ..

أنا واثق منها و اعرف انها ما بتسوي شي ..

بس صدقوني ما في حبيب يرضى على حبيبته تكلم واحد حتى لو بس كلام عادي و في النت بس ..

المشكلة كل ما أقولها شوفي ربيعاتج كيف يتكلمون بس ويا إلي يحبونهم ..

قالتلي لا تقارنهم فيني انا غير و انا صح ما اكلم شباب بس الي احبه الي هو انت خالد و هذاك الولد لأنه وقف وياي و هو مثل ما قلتلك ما يحبني بس قالي ابا اتم وياج كأخ نسولف في الماسنجر ..

و هي تحلفلي انها ما تكلم غيري برع الماسنجر و انا الوحيد في بالها و هي تحبني .. و هذا هو الصدق انا اعرف انها تحبني ..

بس المشكلة ما اقدر أمنع نفسي من هالشي .. أغار عليها و هي تقولي خالد انت تسوي مثل اي واحد يحب بس انت تزودها و تعب عمرك على الفاضي

والله مافي شي بيني و بينه ما احبه بس ما اقدر اتخلى عنه إلي سوالي اياه مب شوي ما ضرني خالد ليش اتركه ؟

كيف ممكن أرد عليها .. كيف اقدر اتخلص من هالعادة إلي هي الغيرة الشديدة و الشك .. كيف اقدر اقنعها بأن تترك هذاك الولد ..

ملاحظة انا و البنت من دبي و الولد من بوظبي يعني بعيد و مستحيل يشوفها في يوم من الأيام يعني علاقة نت وبس .

اخوكم خالد

محتاج لمساعدتكم إخواني الله يخلكم :(

اخي خالد

ممكن انت تقول ماهو الذي تريده انت بالضبط ؟

ثم هل توافق هي ان تكلم انت بنات ؟

خالد لو بتحبك مش حتعمل حاجة تضايقك و اذا كان ده بيحصل من دلوقتي يبقى بعد الجواز حتظهر حاجات كتير زي دي...انتو لسة صغيرين لو انت مش حتقدر تستحمل الوضع ده خيرها بينك وبينه و لو الموضوع انتهى دلوقتي حيبقى احسن من لو استمر لحد ما مشاعركم كبرت أكتر...القرار في ايدك