السلام عليكم ورحمة الله وبركاته
اخواني حبيت أسأل عن شيء ؟
سؤالي هو
كيف نتعامل مع شخص يغير منك وفي نفس الوقت هذا الانسان طيب جدا ويحبك؟
يعني مثال على شان تفهمون قصدي
عندي صديقتي في المدرسه تحبني جدا وانا كمان وهي ممتازه جدا وجاء يوم اخذت علامه في وجده من المواد كانت أعلى منها
على طول قالتلي اصلا انتي غشاشه :x <<<<<<<<وقالتها بنفس شينه
وبعد خمس دقايق القاها تكلمني عايدي ولا كأنها كانت زعلانه مني
او مثلا اقولها ابغى اشتري الفستان الي في المحل الفلاني تقولي وعععععععععع
وثاني يوم القاها لابسته في مناسبه
انا ما ازعل من الناس الي زي كذا لأنه هذا اسلوبهم بس ابغى اعرف كيف نتعامل مع ناس زي كذا؟
وشكرا

هلا اختنا الصريحة فوق العاده

اللي عملته زميلتك مو غيره ........وكان رد فعل تلقائي .........عارفة كيف تلقائي .......

زي ماتكوني جالسة في المدرسة او البيت او اي مكان ....وبتسولفين وحسيتي شي غريب

يمشي في رجولك ........على طول وبدون تفكير بتفزين هذا اذ ماكان معها صرخة

زميلتك بتحبك صح .......بس لية قالت كذا ........هذا بيسمونه المنافسة وهي اساس الحياة

بتحبك صح بس بتحب تكون متفوقة وتكره تكون اقل من غيرها ...........

بعدين لية قالت انتي غشاشة .......هذي بيسموها التبرير وهي وسيلة من الوسائل الدفاعية اللي بنستخدمها .........صدقيني لاشعوريا وبسرعه كبيرة جدا .......مخها فسر كلامك .....انه انا احسن من وانتي فاشلة ........وعلى طول جاءت وسيلة الدفاع بتبرير تفوقك انك غشاشة لتحافظ على احترام ذاتها ...........

وبتحصلينها........ لما رجعت للبيت ... قالت لنفسها انا لية قلت كذا ...واكيد هي بتقول على انانية ومااحبها ........وتجلس تلوم بنفسها


اريج ........يمكن صعب تفهمين التفسير ....او يمكن تفهمينه خطاء .........وبيكون مشكلة

بعض المرات الاخوات اذا تنافسوا على شي مع امهم وكل وحده بتكون هي الأفضل

بعض المرات فية وحده بتقول لالا اريج كانت بتغش او بتنقل من كتاب او اي شي
وهي اختك وبتحبك اكثر من زميلتك

بس هي المنافسة ..........وصدقيني اذا كان احترام الذات موجود ويسعى الانسان للحفاظ علية فعلا ........لاقول بيكون مصدر للنجاح


فاهمه بالفعل ........ يعني اختك او زميلتك المرة الثانية لو قالت غشاشة والمره الثالثة بتسكت ويقل احترامها لذاتها
ولو كان حفاظها بالفعل واجتهدت وجابت اعلى منك حافظت بالفعل



وشكرا .............على عجل

شوفي اختي اريج اناماني اخصائيه او شيء بس راح انصحك واقولك اللي اناراح اسويه لو اني مكانك لاني مريت بشئ زي كذا
اقولك اختي مافيه شئء احسن من المسامحه والنسيان او محاولة النسيان بمعنى اصح والطيبه في كل شيء سوائاً بالمعامله او الكلام او النصيحه او كل شئ
صديقتك ماراح اقول غيوره او انانيه لأني ممكن اكون غلطانه
بس لازم تاخذين حذرك نفسياً لقاء اي صدمه سوائاً منها او غيرها تعاملي معها بالحسنى واللين وبكل حب ووفاء وصدقيني
بتلاقين نتايجها عاجلاً ام اجلاً اذا كانت يعني فيها شوي غيره كوني انتي المعاونه لها على ابعاد هذي الصفه
منها اخلصي النيه لله بانك راح تكونين عون لها لله مو لشي ثاني وتأكدي ان ربي ماراح يخليك ((انا عند حسن ظن عبدي بي))وهي كمان صديقتك
فمن واجبك انك تساعدينها افرحي لفرحها وبينيه لها وازعلي معها وبينيه لها برضوه وحاولي دائماً انك تبينيلها وشكثر انتي تحبينها وتتمنين لها الخير دائماً وانها سواءً انتي اوهي كلكم واحد وانها اذا تفوقت هي معناتها تفوقك او خسارتها تعني خسارتك
بس طبعاً بطريقه غير مباشره وعفويه
وصدقيني راح تكون زي كذا وأحسن
فقط اعملي بقول الرسول ((لايؤمن احكم حتى يحب لأخيه مايحب لنفسه))
اتمنى اني لوقدرت ولو بشئ بسيط اني افيدك
وتمنياتي لك باتوفيق عزيزتي
اختك نؤوم

كيف نتعامل مع شخص يغير منك وفي نفس الوقت هذا الانسان طيب جدا ويحبك؟




اهلا اختي مريت بنفس الحالة تقريبا

واحترت و ما زلت محتار في التعامل مع هذا الشخص

ان قاطعته فهو يحبك

وان واصلته فهو يغار منك

و الحل الله اعلم

لكن اميل الى محاولة توعية هذا الشخص بطريقة غير مباشرة

كجعل احد يهدي هذا الشخص شريط مثلا يتكلم عن امراض القلوب

واي اسلوب اخر

سؤال ؟؟؟؟؟؟؟؟؟؟؟

شوفي يااريج زي كذا ناس لاتتكلمين على نفسك معاهم :x 8)

او انك تقوليلهم شيء يخصك لأنهم ومع احترامي لك لكن لهم نفوس مريضه والعياذ بالله

الله يهدي الجميع لكن خليك حذره وإلي تغار من شيء تافه بكره من ايه

بتغار.......................فكري على بعيد اشوي وشوفي !

الله يحمينا من عيون الحساد .

اختك ماتهاب .