السلام عليكم جميعا.

عندي اقتراح لأصحاب الرهاب.

اقتراحي هو :

بما اننا كلنا نعناني من اضطراب الرهاب ونعرف اعراضه واللي نمر فيه, ليه ما يكون فيه اجتماع مصغر لاصحاب الرهاب ( يعني اثنين ثلاثه بالكثير) في البدايه كلن في منطقته وحسب ظروفه واستطاعته. وصدقوني انه ما راح يكون فيه احراج لاننا كلنا نعاني من هذا الاضطراب.....يعني ما فيه احد احسن من احد..... :D :D .......والقصد من هذا الاجتماع هو التعارف والدعم والتنفيس وتكوين صداقات عشان نتخلص من هذا المرض اللعين.


انا عايش بالدمام و عمري 25 سنه واعاني من اضطراب الرهاب من يوم كان عمري 17 سنه.....والحمدلله احس بتحسن كثير في الفتره الاخيره لانني حاولت اقرا اكثر عن هذا الاضطراب واطبق مايسمى بالعلاج السلوكي......وانا انشالله مستعد اقدم اللي اقدر عليه واساعد اي واحد بقدر استطاعتي انشالله.


اش قلتو يالنشامى؟؟؟؟

ساعدنا جزاك الله خير

اعطنا العلاج السلوكي الذي اتبعته

وشكرا لك

فكره جميله جدا جدا وانا ايضا اعاني من الرهاب وعمري 25 وساكن بالرياض في حي الخليج ومستعد اكون صداقه مع اي واحد معه رهاب مثلي
بصراحه اشوف انها فكره راح تساعد من تخفيف الرهاب

اخوي بدون,

العلاج السلوكي اللي اتبعته كان ذاتي, يعني اقرا كتب لها علاقه بالرهاب و كيفية التعامل معه و احاول اطبق النصائح اللي فيه. اغلب الكتب اللي قرأتها كانت باللغه الانجليزيه, بس فيه بعض الكتب المترجمه تجدها في مكتبة جرير او العبيكان.

عندك كتاب " داء ارضاء الاخرين" للدكتوره هاريت برايكر, تحصله في مكتبة جرير وانا شخصيا استفدت من هذا الكتاب كثير لاني من خلال تجربتي ان الرهابيين الاجتماعيين يعتبرون الناس اهم شي في حياتهم ولا يقدرون يقولون لا لأي احد وهذا اح الاسباب اللتي تسبب لهم الضغط النفسي الذي يتحول بعدين الى رهاب.

عندك كتاب "تعلم ان تسترخي" ل سي ووكر, تحصله في مكتبة العبيكان.

ومن الكتب العربيه عندك كتاب لا تحزن و كتاب هكذا حدثنا الزمان و كلاهما للشيخ عايض القرني و فيهم خواطر جميله و نصائح من شخص مجرب عن الحياة بشكل عام.


والان هذي بعض النصائح اللي حاولت اطبقها و نفعت معي:

1- قبول الفكره بأنك مصاب بالرهاب الاجتماعي, لأنك لا تسطيع ان تغير شي حتى تقبله. يعني بالعربي لا تكابر و تقول ما فيني شي و تعيش في احلام و مجاملات مع نفسك و تدور في حلقه مفرغه.

2-حاول ان يكون عندك رغبه صادقه نابعه من القلب بأن تغير حالك و حط في بالك انه مو ناقصك شي عشان تتغير......يعني حاول انك تغير نظرتك لنفسك.

3- حاول انك تتكلم و تنظر الى نفسك نظره ايجابيه. يعني انت مو ناقصك اي شي او الناس مو زايدين عليك بشي حتى تعيش في رعب و خوف.

4-حاول انك ما تقارن نفسك بالناس و حط في بالك ان لكل انسان هيئته و شخصيته و حاول انك تكون مستقل و ما تكون امعه.

5-دائما حط في بالك اسوء الاحتمالات اللي راح تصير, و اسؤ احتمال في هالدنيا هو الموت وكلنا راح نموت....اللي فيهم رهاب واللي ما فيهم رهاب.... :D :D .....يعني ماله داعي الخوف.

6- تعلم ان تقول لالالالالالالالالالالالالالالالالالالالالالالالالا لالالالالا للشي اللي ما تحبه او ما ترتاح له ولا تضغط على اعصابك و صحتك عشان مجاملات مالها داعي و ما تقدم و ما تأخر.

7-لا تخلي الناس اكبر همك و تضغط على اعصابك عشان ترضيهم لأنهم بصراحه ما جابو خبرك و أنت مو اكبر همهم لأن كل واحد منهم همه مصلحته و بس.

8- حاول انك تتجنب الاشخاص اللي ما ترتاح معهم واللي دمهم ثقيل ولا تعيرهم اي اهتمام ولا حتى تفكر فيهم. والمثل يقول" الطيور على اشكالها تقع" يعني خلهم يروحون يدورون على ناس مثلهم عشان يقضون و قتهم معه....اما انت فلا.

9-تعلم ان تحب لأن الحب عكس الخوف. وحاول انك تقدر وتعز اللي يعزك و تحتقر اللي يحتقرك لأنك مو ناقص عنه شي عشانه هو احتقرك. وحط في بالك ان فيه ناس قلوبها مليانه حقد و كراهيه و ما يحبون احد احسن منهم....وأنصحك انك ما تفكر في هالنوعيه من الناس و لاتعيرهم اي اهتمام واعتبرهم قادميين من كوكب ثاني.......يعني بالعربي "اسحب عليهم السيفووووووووون" :D

10-حاول انك تقوي قلبك و لاتخاف....والشي يجي بالممارسه. مثلا حاول انك تشاهد افلام فيها عنف و اجرام و قتل عشان تقوي قلبك فقط وانتبه انك تطبق اللي فيها على ارض الواقع..... :D

11- طبق مبدأ اللامبالاه في حياتك.......يعني بالعربي خربها بس بعقل....... 8)


هذي بعض النصائح اللي تحضرني الان واذا عنك استفسار انا حاضر.

اتمنى لك الشفاء العاجل.