أبي أسألك وش يعنى جواب الصمت وش تعنى الإجابه ببسمتك و الهمس

هو يعني فـراق أو الفـراق بعيـد أو هـو لقـا أو القـا بـه تبخـس

سألتـك بـرب البيـت تجاوبنـي حرام أسهر أعاني لطلوع الشمـس

تعذبني وتسـأل علامـك تشتكـي تذكرني بنظراتك جـروح الامـس

كتبت رساله حبر حروفها بدمعـي عساك تحس بآهاتي و كيف أتنفـس

كتبت كيف صدى فرقاك مدمينـي وإن حضورك هو رجواي لو بتحس

وعلى كل القسى منك وعلى جروحي تعودت ارجعلك ولطيوفك اتحسـس

وجا وقت ماعدت اتحمـل سكوتـك أبي قولك يجي شافي وماهو همـس

قل وش تعني ابتسامـات تظهرهـا هو غرورك او خجل مني قلي بس

ولايهمك مصيري وش عليه بيكون أحكي أنت و بالباقـي أنـا أبخـس

بكّمل وعلى كيف ماكانت معاناتـي أبنهيها في وضح النور او بالـدس

مدام الله كتبهـا أبتحمـل مرارتهـا وبيجيني الوقت معاناتـي بتطمـس

أبســــــألك

دارت عيوني تحتوي كل البشر
تمربي اللحظه دهر .... اقراها في صمت وحذر
في عمرهم .... أحزانهم ... في وجيههم ..
ادورك من بينهم

أبســـــــألك

عن عمرنا .... عن ذنبنا ... عن خوف ساكن قلبنا
عن رجفة ... هزة سنين بعمرنا
..... ضاعت بها ايامنا
صديتها في ظاهري .... ضميتها في داخلي
خوفي منها مو عليها ... ظلم تطوينا بيديها
في غفلة منا هوينا ... ابحرنا في لجة غرام ... ولا رسينا
ما درينا ..!! .. ان الهوى يحتوينا .. واشواقنا للوصل فينا تحترينا
والليالي الساكنه ما ذوبت ثلج سكنا .. في لياليها الحزينه
يالحظة الصمت الرهيبه .. انفضينا ... احرقي الخوف اللي مجفل في عرينه
حركي ساكن هوانا ... نار .. يغلي منها الثلج في بارد سنينه


للامانه الادبيه
لشاعره ترفض الافصاح عن نفسها

احسنت

صحيّت

صباح أرق من ندى الورد صباح الجمال

غاليتي ياقوته

المبدعة التي تأسرنا بكلماتها

كلمات رائعة جدا و مؤثرة

من قلم خط الكثير من الجمال

و ما زال ينفحنا بالأروع دائما

تحيتي لك ولقلمك الجميل

اختك انين السنين