ارجوكم ساعدوني ((حياتي تنهار))

[عذبة الاحساس]

انا ابلغ من العمر 18 سنة متزوجة من شاب عمره 28 سنة تقريبا ..زوجي ولد خالتي ..تزوجت
زواج تقليدي ..يعني ماكان
بينا معرفة مسبقة ..والمشكلة اللي واجهتها من اول الزواج

واللي انصدمت فيها ان زوجي مريض ..==>>مرض نفسي اللي هو ((وسواس في الطهارة )) ..وسواس الى درجة الجنون ..كل شي عنده نجس :حتى المطر نجس ..
الذبابة ..اذا جات لعندي يقول لي قومي ((تروشي ..اغتسلي )) السيارة نجسة ..كل شي نجس ..!!

انا ادرس واغلب وقتي عند اهلي واذا ابي ارجع لشقتي لازم اغسلها عشانها نجسة ..((حتى لو اقعد فيها اسبوع !!
وطبعا مااحد يدخل الشقه من اهلي ((ممنوع ))!!

وبعد سنة من الزواج او بالاحرى العذاب .. عجزت اغير اي شييييي فيه ..حاولت ..الى درجة اليأس ....

رزقت بولد ..وقلت يمكن يتغير بس الواقع كان ((أمر ))..

زوجي زاد ..ماخف ..!!
مايرضى ارضع بالسيارة او حتى اسوي رضاعه للطفل ..
ولما ارجع للبيت لازم اول اتروش بعدين ارضعه والطفل يصرخ ويبكي ..



هذا غير انه يضيع الفلوس ع الفاااضي في سنة وحده كم مرة غيرنا الفرش وهو جديد ..عشانه نجس ..!!



طبعاا هذاااا ..قلللليل من كثييييييييييييييييير ..واللي يعيش الامر غير اللي يسمع عنه ..

ودي احس بالاستقرا مع زوجي ونعيش مع بعض ..

بصراحه مو جاي احس اني احبه ..وهذا السبب ..اللي مخليه اغلب الوقت معصب ...
وموطبيعي ..حتى اني احاول بس ارضيه واسوي اللي هو يبيه وهذا شي متعب متعب جدااااااااا ..
لكن بدون فايدة



واذا صار هادي والامور تمام شوي ينقلب علي ..!!


بالشتا ..المطر نجس .. بالصيف ..العرق ..!!



انا محتارة ..حالتي النفسية تعبانه جدا جدا ..احس اني مو قادرة اكمل حتى دراسه ..

مااعرف كيف الايام الجاية بتكون مع ولدي ... اذا انا اتحمل .. طفلي بيتحمل كيف ..؟؟




حاولت اتكلم معاه بهذا الموضوع او بالاحرى تكلمت معه كثير ودايم اكون هادية معه
لكنه يعصب ويقلبها علي ومقتنع انه هو الصح وانا الغلط..!!


كيف اقدر اقنعه ..وش اسوي ..



ارجوكم انا طالبة مساعدتكم وارائكم ولو في احد يعيش نفس معاناتي ويقدر يعطيني

لو ذرة امل في حياة افضل ..!! ومستقبل اجمل ..!!


ودعواتي للجميع بالتوفيق

[نسايم الدخيل]

:P :P :P :P :P :P

ياهلا ومرحبتين فيك

اختي الحبابة

زوجك معو وسواس قهري زي ماقلتي
عشان كدا

لازم يتعالج
عند طبيب نفسي
وراح يكون احسن ان شالله


الله يوفقكم



ان شالله يردوا عليك المختصين

[عذبة الاحساس]

ياهلا والله ..اشكرك ع الترحيب الحلو ..



وع الرد ..


اختي انا عارفه هالشي ..لكن المشكله كيف اقنعه انه مريض عشان اخذ بيده للعلاج ..؟؟


وهذي الخطوة الاهم للعلاج ..


شاكرة لك اهتمامك عزيزتي ..


تحياتي

[النجمه الحائره]

هلا ومرحبا ..
غاليتي...عذبة الاحساس

بصراحه شئ متعب والله يعينك ...
المشكلة كيف تقنعيه انه مريض هاذ يباله أحد من المتخصصين
وانشاء الله يكونون معك باقرب فرصه ويساعدونكِ
وتعيشين بأستقرار داائم ...

عزيزتي ..حبيت امر وارحب فيك ..
وتمنيت اني اقدر اساعدك بس ليس لدي خبيره بهالمجال ...
بس مالنا غير الدعاء لكِ بشفاء زوجك ...


لكِ ارق التحايا ..
النجمه

[دارين]

اختي الكريمة اعانك الله على ماانتي به

ثم لابد من عرضه على طبيب اخصائي وان كانت مواجهته منك صعبة استعيني باهله لو امكن او صديق له مخلص لاقناعه بالامر ولابد من الصبر في حالة وافق على العلاج والا الحياة لك ولطفلكم صعبة


اختي لايوجد اي عيب من ان تسألي استشاريين لاادري انتي في اي دولة فمثلا عندنا في الامارات تستطيعي اللجوء الى المستشفى قسم العيادات النفسية وتطلبي نصيحة من الخصائي وتبدأي حسب نصيحته العمل بذلك

وهنا في الحصن ارجو من الاخصائيين عرض المشكلة علىالدكتورة أمل وجزاكم الله خيرا


دارين

[صاحبة همة]

اختي ربنا يسهل امورك وييسرها

تم مراسلة الدكتورة امل جزاها الله خير

[عذبة الاحساس]

شاكرة لكم ردودكم ..وبصراحة اسعدني اهتمامكم ..



:oops: احرجوتني ..


وراح انتظر الدكتورة امل ..وكلي امل بالله ..ان تكون سببا في الاخذ بيد زوجي للعلاج ..

[صاحبة همة]

بإذن الله اختي يصير كل خير

وانت عليك الدعاء لمن بيده الامر كله

وبإذن الله لن يردك خائبة

[أ.د. امل]

عزيزتي عذبة الاحساس


لا باس عليك ان الله معك على حل مشكلتك

يبدو لي انك زوجة ناضجة ويعتمد عليها في حل مشاكلها .

استفيدي من توصيات الاخوة والاخوات الذين هبوا لمساعدتك

عزيزتي كثير من المصابين بالوسواس خاصة وسواس النظافة قد شفوا من مرضهم والاساس في

الشفاء هو معرفة السبب عندها يمكننا اعطاء العلاج .

هل يمكنك اقناعه بالاتصال بي ؟ كي اشرح له وسيلة العلاج التي قد نعجبه ويتوكل على الله

ويعالج نفسه

اتمنى لك التوفيق والصبر والنجاح في الدراسة والاهتمام بزوجك وطفلك والله يعينك .