بسم الله الرحمن الرحيم
اخواني الأعزاء :
السلام عليكم ورحمة الله وبركاتة :
أرسل لكم مع تحياتي دموعا في عيني وحسرات في قلبي لا يعلمها الا الله سبحانه وتعالى ، يعلم الله انني أعيش هذا اليوم من آلام في قلبي وخوف من ربي وحرجا من قراء رسالتي ، ولكن ليس لي بعد الله الا انتم يااخواني .
ابعث لكم عذابي عل الله سبحانه وتعالى يقبل توبتي ويلهمنا جميعا الحق والصواب .
إليكم مأساتي التي أعانيها وفضلت الموت على مافيني .
أنا أكبر اسرتي المكونه من ثلاث بنات وأنا حيث والدي يصارع آلامه حيث يعاني من ورم بالقلب وأملاح أدت الى تورم ارجله شفاه الله ومرضى المسلمين وحماكم من أي مكروه .
كانت عشرتي مع فهد من صغرنا أي من أيام ثالث إبتدائي وأنا الآن أنهيت المرحله الثانوية بتقدير ممتاز ولله الحمد . تعدت عشرتنا الصداقه وصرنا اخوه وأكثر .
يعرف أهلي أن فهد صار مننا وفينا .
تقدمت لمعهد الدفاع المدني بمنطقتي وقبلت مبدئيا .
ما تدرون وش كثر فرحت والله ان العبره تشيلني وتحطني ، رحت ابشر سبب نجاحي بعد الله أقول لهم شي يفرحهم لانهم عانوا معي سنتين وانا ابحث عن وظيفه .
صدقوني والله يعلم بعد ابلاغي بالقبول المبدئي ذهبت للبيت وجلست عند ابوي وقلت له ( ابشرك يابوي قبلوني في الدفاع المدني مبدئيا قالوا طولك مناسب ووزنك مناسب ولافيك جراحه وان كتب الله لي هالوظيفه ابجمع مكافآت الدوره الين اتخرج وأحطها مع اول راتب وأعالجك في احسن مستشفى وتصير تمشينا وتودينا زي اول للكورنيش وان ما شريت سياره توديني لشغلي ) .
بعد ذلك ذهبت الى صديق الطفوله فهد وبشرته وهذا الحديث الي دار بيننا :
أنا / فهد وش ابشرك به ؟
فهد / عساه خير.
أنا / قبلوني في معهد الدفاع المدني .
فهد / تلعثم وضاق صدره وقام يتقلب وجهه .
أنا / لا يضيق صدرك ترى فيه زياره في حجز الخمسه والاربعين خلني اشوفك وجب ابوي معك ان قوى يجي تكفى يافهودي .
راح فهد لبيتهم يمشي بس بخطوات مسرعه .
دخلت البيت وجلست مع ابوي وامي وخواتي . وامي جالسه وضايق صدرها اسولف انا مع ابوي واشوفها تناظرني ومدري وش تهوجس فيه ، قلت لها لا تضيقين صدرك كلها كم يوم واجي ولا بتفقدين التميس الي بالسكر الي اجيبه اذا قومتي خواتي للمدرسه ثم تبسمت . قالت / الي عندك ماهو فهد ليش مادخل .
قلت والله ما أدري قلت له انهم قبلوني في المعهد وضاق صدره مسكين وراح لبيتهم وما بغيت اضيق صدره والحقه .
يشهد الله انها دقايق الا فهد يدق الجرس .
رحت وفتحت الباب قلت هلا فهد ضايق صدرك اجل ادخل أأدبك بالسوني .
قال فهد / منصور ابقول لك شي وبعد ما أقول لك ترى كل الي بيننا بينتهي وأمانه لايدري أحد وتراني تبت .
جلسنا على درجة الباب وبدى على وجهه عبره وحزن قوي ماقد شفت فهد كذا ابدا .
ماتكلم فهد .
بعد دقايق تكلم فهد وقال : انا مدري وش أقول لك يامنصور لكن لازم اقول وقل لي الي تقوله ، تعرف الابيض الحبوب البيضا .
قلت / خير يافهد وش ذا الكلام اسمع اذا كلامك فيه شي ماهو زين ترى بدخل البيت ، اترك عنا هالكلام .
قال / تراني احط لنا في الشاهي منها من زمان .
قلت / صاحي يافهد ولا مجنون انت .
قال / المهم لا تروح تفحص وتحلل انتبه .
يااااااااااااااااااااارب وش ذا الطامه الي فتت احلامي .
يااااااااااااااااااااالله انهار كل شي في لمحة بصر .
انشليت ما عاد لي حيله بس اناظر فهد من القهر .
نداء لكل قلب صادق به ذره ولو ذره من عطف عشمت ابوي بعالجه يقطع قلبي اذا شفته .
شكواي لله ثم لكم يا أهل الرأي ارجوكم لا تقولوا اترك الوظيفه ولا تقولوا لا تدخل الفحص اريد حلا لأمنعظهور هذا الخبيث في تحليلي .
انقذوني بحل لان فحصي يوم الثلاثاء 15 / 3 / 2005م .
أسأل كل طبيب كل دكتور كل أستاذ .
أسأل كل قارئ لرسالتي بالحل المستعجل .
رجائي لله سبحانه ثم بكم ياأهل الخير .
" منصور "

السلام عليكم و رحمة الله و بركاته و بعد ..
أسأل الله العلي القدير أن يغفر لك و لنا و يرحمنا و يزيل همك و جميع هموم المسلمين ،و أن يشافي و يعافي مرضانا و مرضى المسلمين..
أما فيما يخص مشكلتك مع فهد اقول و بالله التوفيق :
لعلي فهمت من رسالتك أنه كان يضع لك في الشاي ذاك المسحوق الأبيض( فهل قصدت به المخدر يا ترى؟) ، من جهة ثانية يجول في نفسي تسأؤل آخر : ما الذي دفع فهد لفعلته هذه مع أنه يحبك و تحبه حسبما فهمت منك ؟؟!!
و ايضا في حال اكتشف تعاطيك لهذا ( و طبعا دون قصدك) فهل يترتب على ذلك مسألة قانونية أم لا ؟؟
لا تقلق يا اخي فكل شيء و له حل فلا تقنط من رحمة الله..