انا بنت عمري 20 سنه

مشكلتي ..اني حبيت شخص اكبر مني ب4 سنين وبادلني نفس الشعور وكلمنا

بعض فتره بسيطه يعني شهرين ونص تقريبا ..وتعلقت فيه وحبيته وايد..لكن اهو من بداية

العلاقه قالي انه مايضمن لي 100% ان يكون في زواج..واكتشفت بعدين ان اهله من النوع

اللي ما يتقبل ان واحد ياخذ وحده عن حب ...يعني الزواج عندهم دايما بالطريقه التقليديه

من اختيار الام او الاخت او سيده من العائله ...وهو حب وحده من قبل بس كانت منفصله والاهل

عارضوا وما وافقو على الزواج .....................وبعدها قالي ان احنا لازم نفترق وحرام نكمل

ونحب بعض ونتعلق في بعض واحنا عارفين النتيجه...انا طبعا حاولت وحاولت وايد ان

هالعلاقه ماتنتهي لاني بصراحه حبيته...بس ماكو فايده.. وبعد تفكير طويل لقيت

ان كلامه صح ومنطقي وهو يبي مصلحتي وكان يقدر يخدعني وبعدين يتركني لكن

هالموقف خلاني اعرف شكثر هالانسان خلوق وماسمح لنفسه يخدعني وكان صريح معاي

من البدايه للنهايه ..

المشكله تتلخص في اني ليلحين بعد شهرين من تركنا بعض ماني قادره انساه !! :( ودايما لما

اتذكر ايامنا الحلوة ابكي بحرارة ..واتمنى القدر يجمعني فيه لان فيه كل الصفات الحلوة

اللي اتمناها بالشخص اللي راح يكون من نصيبي ..وانا الحمدلله اصلي ودايما ادعي لربي

يصبرني.. واحاول اشغل نفسي بامور كثيره ...لكن والله ماني عارفه شسوي ابي انسى لكن

ماني قادره :~(

حبيبتي المحتاسة
يارب يعوضك احسن منة
ادعي وقول
اللهم لا تذرني فردا وانت خير الوارثين
استغفيري في اليوم 100 مرة
تصدقي اي شي في كل يوم
بعد
شهر قولي ايش صارلك
اتوقع لك خبر حلو او راحة
اللة يخليك لاتنسيني بدعائك
اللهم لا تذرني فردا وانت خير الوارثين
قولي
حسبي اللة لا الة الاهو وهو رب العرش العضيم
7 مرات صبح ومسى يكفيك اللة مااهمك في الدنيا والاخرة
كون معنا هنا اكتبي مواضيع علقي
راح تترتاحين
اختك سكرة
المدينة المنورة

يا ستي خلاص كونوا تقليديين ..ابتعدوا ولا تكلموا بعض .. ولاكأنكم تعرفوا بعض ..ويقول لأهله في وحدة سمعت عنها ويعني يحبْك القصة بطريقة ممتازة ... ويتقدم لك ..

وفي النهاية اقول لك اذا في نصيب ..بتاخذون بعض لو تزلزلت الأرض ..

مافي نصيب ..لو ذبحتين نفسك وبكيتي ليل نهار ماراح يتغير شي إلا بإذنه .. فتوجهي لله بالدعاء ..وقولي ان كان لي معه خيرا فزوجني منه ..وان كان لي شرا فإبعدني عنه وابدلني خيرا منه ..

وموفقة :)

اختي العزيزة ..

طبيعي انك بعد شهرين ماتنسين لان المشاعر ماهي ريموت كنترول بضغطة ينمحي كل شي

فالافضل ان الوحدة ماتتورط بعلاقة ماتدري ايش نهايتها خاصة ان هذا الشخص عارف ضروفة وله تجربة سابقة فما كان الاولى انه يربطك من البداية

المهم الان تكثرين من الدعاء وتسألينه ان يكفيك بحلاله عن حرامه ويغنيك من فضله عمن سواه

اختي كلها مشاعر لانك ماقدرتي تتواصلين معاه ولكن مافي اجمل من المشاعر اللي تجي بالامان والطمئنان بلا قلق وخوف لانها علاقة بالظلام

ان شاء الله يجي نصيبك وتسعدين به وتبتدين بمشاعر قوية وثابته فادخري مشاعرك لمن يستحقها برضى الله وحلاله ..... مافي اجمل من المشاعر لما تكون في النور

اختك لمياء

http://www.bafree.net/forum/viewtopic.php?t=33579


أختي محتاسة ربما يفيدك هذا الرابط


دعواتي

اختي .الفاضله

قد نصورلآنفسنا اننا لانستطيع النسيان او لانستطيع العيش بدون احد هكذا تصور يكون مع الآيام فكره والفكرة تتحول الى اقتناع ومن ثم يتحول هذا الاقتناع الى التفكير الباطني ونكون نحن تحت وطأه الآلم كل ماانتي فيه بُني على باطل وما بني على باطل فسينهار حتماً ولو استمر ..........
احببتي ذلك الشخص واحبك هو وكان على يقين ان الفراق حاصل اذاً هو في باطنه استعداد لهكذا فراق وانتي بنيتي احلام واهيه عبثاً بقلبك الجميل ...........
ما اريد ان اوصله لكي هو انتي في عمر الزهور لاتعبثي بمشاعرك وقلبك ............

اقرئي جيداً رابط اخي الحالم ..........

شذى النجيع

صعبه هالفكره تنجح وانا مثل ما قلت ان لازم الوالدة اهي اللي تختار له زوجة المستقبل بنفسها!

وفي كثير امهات من هالنوع ..لكن شقول ..الله كريم والله يعوضني انشالله بالزوج الصالح

والله يوفقه بحياته انشالله ...وكل شي قسمه ونصيب مثل ما ذكرت اخي الكريم..

شكرا على الرد

اختي العزيزة لمياء كلامج صحيح..اهوه عارف فعلا نهاية هالعلاقه وعارف انه ما راح يكون

في ارتباط عشان جذي لمح لي من البدايه وغلطتي اني وافقت لكن انا ما وافقت الا لاني فعلا

حبيته وكنت مستعده اسوي اي شي عشانه ..

الله كريم انشالله وكل الشكر على ردج الكريم

شكرا على الرابط اخي الحالم

لقد قرأته وباذن الله سوف اطبقه واستفيد منه

:cry:
ماعجبك ردي

اخي العزيز بعد الشتات

كلامك صحيح 100%

كل الشكر على الرد والتعقيب

لا حبيبتي سكره عجبني وايد ورديت بس الظاهر اني ضغطت على كلمة استعرض بدل ارسل


وحسبت انها ارسلت...


كل الشكر على ردج حبيبتي وانشالله راح اطبق اللي قلتيه واقرى الادعيه كل يوم

والله يعوضني خير انشالله...شكرا لج