سمــــــــــــرت


اشـــكـــل بــالــحـــروف الـــــــوان صـــــــوره
احــركــهـــا مــــــن الـمــعــنــى بــصــافـــي

اشــيـــل الــحـــرف مـــــن مــعــنــى لـمـعــنــى
واجـــــاري مــــا زهــــر واظــهـــر بــخــافــي

والـــــى مــنـــى عـطــيــت الـــحـــرف ونــــــــه
بــهـــا حــرفـــي عــلى الـنـجـمــات طـــافـــي

يـــقـــوم كــــــل نـــجـــم مــــــن مــنــامــــــــه
أنــــا مــــا نــيــب اســامـــر نــجـــم غــافـــي

يـجـيـنــي كــــــل نـــجـــم مـــنـــه مــعــنــى
ولا قـــــــد قـــلــــت لـلـنـجــمــات كــــافــــي

تـــصــــور لـــــــي دمـــــــوع وابــتــســامــه
مـــــن عــيـــون تـقــصــوت مــــــا تـــشـــاف

ألا يـــــا نـــجـــم يــــــا عـــالـــي تــبــصـــــر
شـــــف بـعــيــن الـمـحـبــه عـــيـــن وافــــــي

وخــبــرنـــي عـــــــن عــلــومـــه وحـــالـــــــه
عــســـى قـلــبــه مـــــع الأشــــــواق دافــــــي

ولـــــو مـمــشــاي فــــــي جـــمـــر يــفــيــده
مــشــيـــت بـجــمــرهــا كـــنــــه عـــوافــــي

ولـــكــــن وش يــفــيـــده لـــــــو ذبــحـــنـــي
ومــــن يوصف جمالـــــــه عقــــــب قافـــــــي



الشاعر الامير خالد الفيصل

لا يطول غيابك




لايطـول غيابـك ثـم اخـذ عليـه
لو تخليت عنى عنك قلبي ماتخلـى

العـذر والتعلـل والحكـي مانبيـه
من تحرك فؤاده بالهـوى ماتخلـى

طبعي الصبر لكن وش عليه ارتجيه
من طويل الصبر يعقوب وايوب ملا

دامني حي عطني وش بقي نحتريـه
مابي دموعك اللي عقب موتي تهلا

مابقي بالعمر مقـدار مـاراح فيـه
كل مازل يومٍ يـوم بالعمـر ولـى

مايعرف الجمر مثل الـذي يكتويـه
احد يدفا بناره واحد فيـه يتصلـى

يامن القلب حطيتـه براحـة يديـه
مارضى له مكان غير كفك محـلا

كم تعذر وعيا عن هـوى محتويـه
لين طاح بيمينك بالغـرام وتجلـى



من أشعار الشاعر الكبير خالد الفيصل

يا ليل خبّّرني عن امـر المعانـاة
هي من صميم الذات ولاّ اجنبيّـه

هي هاجسٍ يسهر عيوني ولا أبات
أو خفقةٍ تجمـع بقلبـي عصيّـه

أو صرخةٍ تمرّدت فوق الأصوات
أو ونّةٍ وسـط الضمايـر خفيّـه

أو عبـرةٍ تعلّقـت بيـن نبـرات
و الدموع اللـي تسابـق هميّـه

أعاني الساعه و أعاني مسافـات
و اعاني ريـاح الزمـان العتيّـه

و أصور معاناتي حروف و أبيات
يلقى بها راعي الولـع جاذبيّـه

ولا ني بندمانٍ على كلّ ما فـات
أخذت من حلو الزمـان وْ رديّـه

هذي حياتي عشتها كيف ما جات
آخذ مـن أيامـي و أرد العطيّـه