السلام عيكم
إخواني اخواتي
طبعا انا ماسجلت في المنتدى إلا لأشرح مشكلتي لكم وعسى ان اجد عندكم الحل

بسم الله الرحمن الرحيم
تعرفون العاده اللي عند الآهالي اللي هي يفرقون بين البنت والولد
انا مشكلتي تكمن في اهلي وبالتحديد امي..
انا عمري 16..
ومن كنت صغيره تفرق بيني وبين اخوي اللي يصغرني بثلاث سنوات
وكانت تدلعه أكثر مني وتطاوعه في كل شي وتلبيله اوامره
طبعا هذا بالصغر وقلت انسى وش اسوي
لكن الحين كبرنا ومازالت المشكله..
والحين اخوي دخل سن المراهقه..وتعرفون عاد ولد والمراهقه وش يصير ..هو بأولىمتوسط
والحين تطلع التربيه اللي في الصغر
وصار إذا طلبطلب يقعد يحن وير إلى مايلبى
وبعض الأحيان بدون شي سيده على طول يلبى
هذا شي..
والشي الثاني:
تعرفون كل بيت ولابد من المشاكل
وأقدر أقول ان مشاكلبيتنا شوي كبيره وكثير
من عصبية ابوي وجدتي وأختي الكبيره وغيره وغيره
المهم انا تعودت مافي اليد حيله
امي تتهاوش مع ابوي
بعدين يجي اخوي ويسوي مشكله اويتهاوش مع امي
عاد امي بعض الأحيان ماتقدر عليه
تجي تحط الحره فيني وما ادري وش ذنبي
اهواش واوامر ....الخ

وامي ماعمري سمعتها قالت لي كلمة حنا ن او حب
وإن قالتها..على سبيل المزاح

ودائما اتقطع وأموت الف مره لما اشوف الناس وأمهاتهم وشلونيبوسوهم ويقولولهم كلا حلو
ولما يرجع ابوهم من الشغل يقومون يتسابقون ويحبوه مع راسع ويسلموا عليه
اموووووووووووووووووت قهر

وامي ..
ولا حاسه بشي
واخوي دائمايقولها كلام قليل ادب حتى للصغيرمايقال
ولا كأنها سامعه
اما انا لو اقول روحي انتي
تقلب الدنيا..
ولا فيه احد متفهم مشكلتي


آسفه على الإطاله

مهمومه

لا تهتمي يا صغيرتي فهذه الأشياء عادية في معظم البيوت ...

و اهتمي فقط بجعل نفسك انسانة محترمة تجيد شيئاً ما ..

http://images.animfactory.com/animations/food/beverages/man_enjoying_coffee_mug_md_wht.gif

مافيه فايده..

برضو مافيه أحد فاهمني ولا فيه حل

الله يعين

يا بنت افهمي!!!!!!!
انتي متسرعة في الحكم ليه؟؟

إيه المشكلة حتى لو فيه تفرقة في المعاملة ؟؟

لن أنصحك و أقول أن هذا لا يحدث و أنه مجرد شعور خاطيء تشعرين به ..فأنا لا أحب القيام بهذا الدور..

و لكن أقول لك : فقط اهتمي بنفسك ....حاولي أن تكون لك قيمة في الحياة ... حاولي فعل شيء

لا تكوني مجرد رد فعل لما يحدث

افعلي أنتي

فهمتي؟؟http://www.aad-online.org/SiteGenerator/photoalbom/palgirl.jpg

طيب..
الحين فهمت...
لكن ما تلاحظ فيها شوي صعوبه..
وليش مافيه أحد ثاني يقولي رايه
أو يساعد :cry: :cry: :cry:

السلام عليكم اختي المهمومة

لا تحزني ولا شي يا غالية

مشكلة الامهات و الاباء انهم لا يعرفون مدى حبنا لهم و تأثرنا بأي كلمة او تصرف يصدر منهم .. و للاسف
خاصة الام على اعتبار ان الانسان دائمًا ينظر لها كشيء مقدس بل هي كل عالم الانسان الى فترة غير بسيطة من عمره ...

و مشكلتنا اننا
دائمًا ننتظر من الام و الاب عطاء بلا حدود ولا نهاية .... لكن هل فكرنا ماذا اعطيناهم ؟؟
هل اشعرتي امك بحبك ؟! هي انسانة و انثى تحتاج للحب
لما تتحسرين على رؤية غيرك ينهض و يستقبل والده بالقبلات عند عودته من العمل ولا تفعلي انت ذلك مع والدك؟؟ الا تظنين انه سيفرح و يسعد بذلك ؟! ربما هو ايضًا يقول ما اقسى ابنائي حتى لا يستقبلوني عند عودتي من العمل باهتمام و محبة!

لننظر دائمًا ماذا نستطيع ان نفعل و ليس ما على الاخرين فعله
لاننا لا نملك ان نجعل الاخرين يفعلون و انما نستطيع ان نفعل نحن


التفرقة بين الابناء الذكور و الاناث عادة جاهلية موروثة
لكن بالتأكيد ان لك حب و قدر خاص في قلب امك
لا يهملك كم تعطي اخيك
حتى لا تتحرك الغيرة في قلبك
و لكن المهم انها تعطيك
هو يعرف كيف يستدر عواطفها حتى تطيعه و تعطيه
انت تريدين منها حنان و اهتمام
حسنًا احيانًا امهاتنا و آباؤنا يضطرونا الى ابتزازهم عاطفيًا :lol:
ليس ابتزاز مادي لكن عاطفي

ربما جو منزلكم كما وصفتيه ينبيء عن جفاف عاطفي و شحن توتر تبرغ بالصراخ و الشجار

كوني ريحانة المنزل

و نسمته الباردة

و بسمته الحلوة

قبلي رأس امك و ابيك
اجلسي قرب امك اخبريها كم تحبينها و ادعي لها الا يحرمك الله منها
بالتاكيد سيكون له تاثير عجيب في قلبها
و في المرة التي بعدها امسكي يدها و انت تخبرينها انك تحبينها اكثر من اي شيء في الدنيا
و مرة اخرى ستتقبل ان تضعي رأسك في حضنها
و ان تضميها
و حتمًا ستتفجر ينابيع حنانها ... لانها اصلاً تحبك لكن تعبيرها عن هذا الحب غير ظاهر

ابدئي و ستصلين بإذن الله
و ستنجحين في جعل الحب و التفاهم يرفرف على ارجاء المنزل بدلاً من الشجار


وفقك الله و رعاك و سدد خطاك .

:)

لا بأس عليك يا أختي الكثير منا قد مرّ بمثل تجربتك وسأحكي لك تجربتي

طبعاً مع الفارق إلا أنه قد يكون هناك تشابه ، وطبعاً أنا الان قدر رزقت بخمسة أطفال

أنثيين وثلاثة ذكور.
--------------------------------------
---------------------------------------

نحن كنّا ثلاثة ذكور وستة إناث اخوان واخوات

وأنا كان ترتيبي السادس في المجموع العام والثاني في المجموع الخاص :)

يعني تقريبا في واسطة العقد بالنسبة للذكور والمجموع العام.


وأنا أتذكر كل لحظة من طفولتي الان وكأني أنظر إليها في تلفاز.

المهم :)

كنت الضحية حقيقة ، وفي نفس الوقت كنت من أحب أبناء والديّ إليهم

المشكلة التي وقعت فيها أنه إذا فعل أخي الأكبر- حفظه الله - مشكلة ما كنت أنا الذي أعاقب :) وإذا فعل أخي الأصغر - حفظه الله - مشكلة ما كنت أنا الذي أضرب :)

ومع محاولات الدفاع والهجوم لحماية نفسي لكن لا جدوى

طبعاً دعيني أشرح لك كيفية الضرب في الحالتين :

كان إذا فعل أخي الأكبر شيئاً قال فلان - الذي هو أنا - ومن دون تحقيق لمعرفة ملابسات القضية أعاقب :) مع محاولات الانكار والدفاع - عند الله ثم عندكم يا جماعة الخير - لكن لا فائده :)

يقولون هذا كبير وهو لا يفعل مثل هذا الشيء .


وكنا إذا فعل أخي الأصغر شيئا قالوا يا فلان - الذي هو أنا - لماذا لم تمنع أخاك الأصغر عن فعل هذا أنت أكبر منه وأنت العاقل وأنت وأنت :) !!!؟

فأصبح حالي كتلك المسكينة التي قالت ( إن أنطق أطلق وإن أسكت أعلق )

فكان يأتيني الهجوم من الأعلى ومن الأسفل ..


ولكن أحب أن أقول لك شيئاً بسيطاً :

" الكبير دائماً كبير "

ماذا تقصد ؟؟ هذا السؤال أظنه يدور في رأسك :)

يعني أتحمل وأسكت ؟؟!!

:P

الجواب : إلى حد ما .

كوني كالشمعة تحرق نفسها لتضيء للآخرين

فليكن همك هم أمة ، فحاولي أن تكوني داعية لأهلك ، حاولي أن تلملمي ما تستطيعين لملمته من بقايا الحطام لتعيدي بناء السفينه لتكمل مسيرتها في هذه الحياة .

ستقولين كيف ؟

الجواب :

حاولي أن تكسبي أخاك الأصغر وأن تضميه إلى فريقك ، حاولي أن تتقربي من والدتك ووالدك بتقبيلهم كل صباح على رؤوسهم ، لأن هذا مما يزيد من التقارب وكبار السن دائما يحبون من يوقرهم ويحترمهم.

وحاولي أن تنظري إلى العقلاء من أهلك وجيرانك وتشركيهم في أمرك وتأخذي منهم العبر والتجارب لأن الحياة مدرسة كبيرة تحوي في جوفها الكثير . حاولي أن تفهمي المقربين من أمك وأبيك من الأقارب العقلاء المصلحين أن يحاولوا معك في إيصال ما في نفسك إلى والديك.



هل فهمت ما أعني ؟ أظن نعم

afreemanstillhere
آسفه .. وأنك حكمت علي بالمتسرعه
وأشكرك وأقول لك جزاك الباري خير الجزاء..
:D


خريف......
تقولدائمًا ننتظر من الام و الاب عطاء بلا حدود ولا نهاية .... لكن هل فكرنا ماذا اعطيناهم ؟؟
نعم نحن ننتظر لأننا لم نرى إلى الآن شيئا من ذلك العطاء..حتى نذهب ونعطيهم إياه
وفاقد الشئ لا يعطيه
اخيرا
أشكرك على الفكره الرائعه وأنا متفائله بنتائجها إلى حد لا تتوقعه
أراح الله قلبك في أعالي الجنان..وجبر بخاطرك يوم تلقاه


ناهل

كوني كالشمعة تحرق نفسها لتضيء للآخرين
لماذا علي فعل ذلك؟؟

وأخيرا..
سأعمل جاهده ماقلته..
وسلمت اناملك..

وأسكنت أعالي الجنان
والسلام عليكم ورحمة الله وبركاته

أختي الرائعة
مهمومة
ــ أزال الله همك وشرح الله صدرك ــ
أقدر شعورك وأنت معذورة
هل عندك استعداد كامل على أنت تدفع الثمن كامل
من أجل انتهى معاناتك ؟
ملاحظة : الثمن ليس مالاً , وإنما أقصد الاستعداد الكامل لبذل الأسباب حتى و إن كانت غير
مرغوبة في البداية

الى الأخت مهمومة
السلام عليكم

بصراحة معك حق باللي يصير معك في البيت من أهلك واخوكي بأنك تكوني مهمومة واسأل الله الباري أن يكشف عنك الكرب بس كان عندي ملاحظة أو سؤال بسيط بسيطة الا وهو

شنو الشي اللي تحبيه في كل واحد من العائلة أمك أبوكي أخوكي جدتك ؟؟؟؟ فكري فيها شوي وان كان شيء بسيط ما يعطي أهمي على اللي يسووه فيكي. أرسمي هذا الخيال في بالك وحاولي تخلي فيه أهمية وحبي هذا الشيء الحسن فيهم. لا تعطي أهمية للي قاعد يصير معك ولو لفترة. بصراحة أأيد المقولة كوني كالشمعة بس هم بعد الإنسان يحتاج مين ينور له.

عندي سؤال ثاني لو لا قدر الله وانك في المستشفى مين اللى راح يكون عندك دوم في المستشفى بدون أي مصالح أو منتظر لشيء مقابل؟؟؟؟؟؟؟
أو لا قدر الله صار في واحد منهم مكروه شنو شعورك تجاههم؟؟؟؟

اتذكر كلمة امي الله يرحمها كانت تقوللي الكل عارفها (يا بخت من بكاني وبكي علي ولا من ضحكني وخلا الناس تضحك علي)

لا يغرك قسوتهم عليكي وعدم دلالهم لك بس بالنهاية من لك غيرهم ومن لهم غيرك .


فكري واحسبيها ويا ريت اسمع تعليقك وان شاء الله أكون وصلت لك الرسالة

في أمان الله.

السلام عليكم
أخي المسلم الإجابي..
أشكرك على معاونتك لي..
لا اتوقع انيكون الإستعداد كاملا...وبالنسبه للبدايه..على حسب الأحداث..حتى تكون مرغوبه أو غير ذلك

اخي عتيبي...
جزيت خيرا على مجهودك.وأحب أصارحك..أن مشاركتك ادخلت فيني شعور غريب وشيئا من التقبل..
بالنسبه للمقوله..ليش على ذلك
أنا بنت وفي عمر الزهور.. وأبغى أتمتع بعمري..اللي أكبر مني مثل أمي وأبوي هم اللي عليهم العمل بالمثل
بعدين يجي دوري لما أكبر..
بعدين المستشفى ..هذا شي مفروغ منه..لكن الحب ليش مايطلع من الداخل ويبان على الجوارح والكلمات ..صح؟
والمشكله أني مالي غيرهم ولا لهم غيري..
والرساله وصلت ..لكن لازلت غير مقتنعه..

والسلام علكيم ورحمة الله وبركاته

السلام عليكم
لا شكر على واجب

اختي المهمومة انا بصراحة ماني عارف الحالة تماما الا انك محتاجة للدلال أو ان حقك مهضوم من قبل الأهل وانا مو عارف كم عمرك حتى اقارن مستوي الدلال اللي يرضيكي.
أو شنو تسوي بهذي الحالة. وياليت أعرف أكثر عنك حتى اقدر اسوي شي. اذا كان شي خاص ممكن تراسليني على الإيميل الخاص. مافي مشكلة.
بس سؤالي هالمرة انتي ما عندك صديقة مهمة بالنسبة لك وشنو درجة حبها لك وحبك لها ومنو أكثر درجة في التفاني بروح الصداقة اللي بينكم.؟؟؟
على فكرة في مثل ثاني كانو يقولو بس انتي عندك صاير المثل معكوس( قلبي على ابني وقلب ابني على الحَجَر) بس انتي صاير(قلبك على اهلك وقلب اهلك على الحجر أو أخوكي) بس ما عليكي شدة وتروح وانا متأكد من هالشي ان شاء الله.بس محتاجين شوية وقت

اختي المهمومة ما راح اسميكي المهمومة من الآن لأنو اسم راح يزول ان شاء الله ويصير بالنسبة لي اختي الطيوبه أو الدلوعة أو نور الأمل.
اختاري اللي يعجبك.أو أعطيني اسم احلى من هذولي.


منتظر منك التفاصيل الأخرى

عتيبي..أشكرك على تواصلك معي...
عمري كاتبته في الول الموضوع..اقراه زين وتلقاه

وممكن تقول شنو الأ:ثر اللي تبي تعرفه وانا حاضره

عندي صديقه ولله الحمد..لكنها مو معي في نفس المدرسه..وكلنا متفانين حق بعض..لكن تقدر تقول..لقيتها اكثر مني.
والمثل اللي صار معكوس ..ضحكت عليه وعلى نفسي
:oops:
والاسم
انتظرالى ماتنحل المشكله
بعدين يصير لكل حاث حديث
تحياتي
مهمومه

السلام عليكم

أختي _______. انا آسف لعدم الملاحظة على العمر ولكن كانت قرائتي شوي سريعة لحالتك بس الصراحة انا اللي ما كنت متوقعه انه اللي قاعد يكتب في عمر 16 سنه وبصورة بليغة واسلوب راااااااااااااائع ومن تصوري انه معاناتك عن جد تستحق الإهتمام واللي شايفة أكثر انه الحل بيدك لأنك شخصية متوازنه وتعرفي تتحكمي بكثير من الأمور اللي تحصل معك وحنا مجرد أشخاص نساعد على رفع المعنوية أو سلة مهملات للهموم. ان شاء الله ان المستقبل جدامك حلو لأن اللي شايفه جدامي شخص ذو جدية واسلوب ومو أي شي يرضيه.
وأتوقع انك تقدرين تخلي أمك أو أبوكي أو أي أحد يمشي على كيفك لأن الأسلوب في المعامله مع الغير يجعل الكل يحترم وجهة النظر الي تبيها. عاد انتي وشطارتك...!!! وانتي قدها ان شاء الله وانا هني للمساعدة.

انا بصراحة مو قاعد أجامل أو اخفف بالكلام الحلو بس عن جد انا أُعجب كل الإعجاب بمن يهم الجدية والصراحة.

انا اللي كنت ابي أعرفه أكثر عن طبيعة جو البيت علاقتك مع أمك في الأيام الطبيعية ووش أكثر شي تحبه منك واللي تكره منك حتى أبوكي نفس الشي وانتي بعد شنو اكثر شي ضايقك منهم وابوكي من شنو أكثر شي يعصب وعلى شنو يختلفون أهل البيت وأما أخوكي الصغير ودي أعرف مع منو يماشي وش مشاكله في البيت وبراه. ابي تطلعي كل اللي في بالك وحرتك كلها في الكتابة لي حتى اذ كان في حياتك شيء خاص وضحيه اذا ما كان فيها احراج. انا أسف لكثرة الأسئلة ولكن ان شاء الله انها تساعد على الحل اصبحت النية ان تكوني شمعة هذا المنزل ونور طريق أهلك والدليل لهم في كل صغيرة وكبيرة.. ليس فقط الحنان المطلوب.

كان عندي تعليق على أموووووت قهر من الغير بس هذي حاله من بين حالات وأكييييد في مشاكل تحصل والأكيد انك ولا يمكن تعرفيها فهي أحسن الأسوء بالظاهر أما بالداخل فما ظنتي الا من رحم ربي وسلك طريق الهدى والصبر على البلاء.

تذكريني بالقصيدة:

ان قلت هانت خالف الوقت ظني ...........وان قلت زانت عاجلتني البلاوي

آسف طولت عليكي بالكلام ولكن مو بيدي.
الى ان القاك... في أمان الله.

السلام عليكم
أشكرك على الإطراء اللي اغرقتني فيه
بالنسبه لأمي ..علاقتي معها شبه سطحيه..يعني مافي الأسرار اللي بيننا..أو الحب اللي نتبادله...
والشي اللي تحبه فيني..بصراحه..ماعرفته إلا الآن بالضبط.. لكن اللي تكرهه فيني تقليدي للآخرين أو تأثري فيهم..إلا إذا كان في شي زين طبعا..
وأبوي..
الله يكون في عونه..أي شي يعصب منه..ويفجر الدنيا,,حتى كلمة الحق يزعل منها..
أهل البيت..الكل في جهه....ومافيه احد عليه من أحد..
وأخوي..على فكره ..ترا عمره يمكن..13أو14
مو أصغر واحد..فيه ولد عمره 8سنوات..
واللي يماشونه مخلطين في ناس عدلين..وفيه ناس نص لفه..
وفي البيت..يبغى كل شي على كيفه..وأوامره مجابه...ويحط الحره وسوي نفسه الكبير على أخوي الصغير..ليش ما أدري

وصديقتي اللي قلت لك
دائما اشتكيلها..وتقولي اصبري هاذي امك..وأهلك

أشكرك على اهتمامك..وخذ راحتك ..وماانت هنا إلا لحل مشكلة اختك المسلمه
تحياتي

:cry: :cry: :cry: :cry: :cry: :cry:

اختي المهمومة
السلام عليكم ورحمة الله
انا جدا آسف على الإطالة بس والله مو بيدي المشاغل كثيرة ويبغالها مين يخلصها. بصراحة ضحكتيني لما شفت الوجه الحزين وما هان على اتركك بدون رد.

ترا حبيت أقولك انو الدنيا يوم حلو ويوم مر وما في حد فيها الا ينقصه شي فيها.بس ربنا زرع في البعض منا شي يسمونه القناعة والرضى بالمكتوب وانتي انكتب عليكي انك ما تكوني سعيدة في حياتك مع أهلك نهائيا لأنهم يعملو فيكي العمايل ويأذونك وما يدللونك أضف الى ذلم أخوكي اللي أكيد يحب انه يتشمت فيكي بكل صغيرة وكبيرة وانتي حاطة يد على يد دون ما تسويلهم شي ولو صار فيكي شي لا قدر الله ما راح يهتمو هالإهتمام الكبير ويقولو عادي كل الناس يصير فيهم هذا الشي.
مشكلتك انك مو راضيه بالواقع اللي قاعد يصير معك ومو راضية تتأقلمي معه لا انتي قادرة تتأثري في طبايعهم ولا انتي قادرة على انك تأثري فيهم وش الحل برأيك ؟؟؟؟؟ انتي وش تخططين له؟؟؟ وش اللي يدور في راسك ؟؟؟ فكري الحين باللي يرضيكي وخلينا نتساعد على ايجاد الحلول لأنه احنا المفروض ما ننظر للمشكلة بل للحل مباشرة خلينا نتحاور شوي....... يمكن تعرفي قصة البيض والجزر والبن(القهوة) في الماي الحار!!! الجزر بعد ما كان قاسي الماي خلاه طري والبيض بعد ما كان رخو الماي جمده أما القهوة هي اللي أثرت بالماي وامتزجت مع الماي وخلت طباعها من طباع القهوة فياريت كلنا يصير مثل طباع القهوة في التأثير .

اختي_____ انا أسف جدا على هالأسلوب بس لازم نحل المشكلة سوا ونمسك أهل البيت واحد واحد ونشوف شلون نعالجة ونأثر فيه وانا صدقا املي ان اساعد على هذا الحل ان شاء الله وفي انتظار ردك الكريم.وسامحيني على التأخير مرة ثانية.

في أمان الله

السلام عليكم...
إذا كان عندك مشاغل لا ألزمك بي..اللي صبرني كل هالوقت.. يصبرني كم يوم
_____________________________________________
:oops: :oops: :oops: :oops: :oops:
____________________________
انتي وش تخططين له؟؟؟ وش اللي يدور في راسك ؟؟؟
ولا شي..

بعدين تبغاني اصير مثل القهوه....
ويييييييييييييييييييييييييييييييين.....
بعييييييييييييده..وصعبه...

وفي انتظار ردك الكريم
بصراحه يوم قريتها
حسيت انك متضايق ومعصب مني
أنا آسفه
تحياتي

أختي العزيزة مهمومة

انا ما توقعت انك تضايقين من كلامي!!!...أنا معك انه كان شوي حاد بس ما كان قصدي فيه انى تعبت من الكلام معك أو ملييييت منه بالعكس يمكن انتي اكثر وحده أحاول اني أحلها مشكلتها ومتابع معها أول بأول وبعد اول ما أطلع على ردودك اما عن مشاغلي فطبيعة شغلي مرات تحكم علي اني اكون مشغووول حيل حتى اني ما أروح البيت غير الساعة 11 بالليل :( وهذا مو يعني انك معطليتني عن شغلي بالعكس الشغل معطلني عنك :wink:
وعلى العموم انا آسف على هالزعل مني....

والحين خليني أقولك عن وش اللي تخططين له أقصد خلينا نتبع خطه لوضع أهداف نقوم فيها من انا نحقق شي يرضيكي بالتعامل مع أهلك. أما وش اللي يدور في راسك فقصدي أعطيني من عندك أفكار وخلينا نتساعد على شلون نطبقا في التعامل مع الاهل.. الحين وضحت ؟؟؟؟
أما انك تصيري قهوة قصدي مثل القهوة متهيئلي اذا مو قادرة على انك تغيري في نفسك وشلون راح تغيرين في غيرك وأهلك ؟؟؟ ترا في بموقعنا الجميل والرائع تعلم فن التفكير .. والتدعيم الذاتي راح تساعدك على هذا. مسألتك يبيلها وقت وشوي شوي بنحلها سوا ان شاء الله .

أما اني متضايق فهذا أكييييييييييييييييد بس الأكيييييييد أكثر بعد انه مو منك عندي بعض الأمور تخليني متضايق شوي بس الحمد لله مو مأثرة علي بالعربي شي طبيعي.

آسف على الإطاله وان شاء الله تكون وضحة الأمور وما تكوني لسا شايلة مني.. :(

عندي سؤال ما أدري أحس ان فيكي هواية كتابة الشعر فهل هذا صحيح؟؟ مجرد سؤال !! واذا كان عندك هوايات أخري فما هي ؟؟؟

في أمان الله.

السلام عليكم..
أخي عتيبي
:wink: :wink: :wink:
من اللي قال اني زعلانه
أبداا..
أقول انت اللي زعلان ومتضايق ..
على العموم حصل خير
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــ
ثانيا ...آسفه فهمت غلط عن كلامكاللي يدور في راسي او وش اخطط له..لأني احتاج لشوي تخطيط..,
.............................
طلعت مشكله جديده..هي أني لازم أغير نفسي عشان أغير اللي حولي ..وهذا طلع صحيح..
الله يعين..أنا كلي مشاكل..الظاهر انا نفسي مشكله ..يالله هاذي الدنيا..
معليش طولت عليك ..
ــــــــــــــــــــــــــــــــــــــــــــــــــ ــــــــــ
أنا عرفت الحين وش أبغى من أهلي وخصوصا أمي..أبغى منها شوي إهتمام ودعم ورفع معنويات.بس..لكن أمي لاهيه بمشاكل البيت الله يعييييييييين...
ـــــــــــــــــــــــــــــــــــــــ
وأخوي ..أتوقع ماراح يتعدل إلا لما يكبر ..يعني يتعدى مرحلة المراهقه ..ولا ايش رايك..
لأنه هاذي المرحله يحاول فيها يثبت رجولته..
ــــــــــــــــــــــــــــــــــــــــــــــــــ ــــــــــــــــــــــــــــ
بالنسبه لسؤالك..
ايه عندي هواية كتابة الشعر ..
لكن..توها مولوده مالها كم شهر..
أول كنت أتمنى أعرف أمتب شعر ..بعدين حاولت قبل كم شهر فكتبت وأبدعت بحكم أني مبتدئه..
يعني بعض الأبيات فيها وزن وقافيه..
والهوايات الأخرى..القراءه.. وأكثر شي قراءة القصص ..
وأحب اتعلم علم النفس وأتمنى أعرف عنه اشياء كثير ..يعني أدرسه...
لكن انا عندي شؤال..
ليش تسأل؟؟؟
وكيف عرفت ان عندي هواية كتابة الشعر
تحياتي...

السلام عليكم
أختي مهمومة

بصراحة مو عارف وش أقولك بس الأكيد ان احساسي يقول انك للحين مو مقتنعة وان هالكلام اللي تقوليه من ورا قلبك ... ما أدري مجرد احساس..
وانا أقول هذا ترا مو حاب أشوف اليأس يسيطر عليكي من هالناحية. وصدقيني كل شي راح يزول مع الزمن مثل ما قلتي.. يعني مسألة وقت . انتي عمرك ما كنتي مشكلة ابدا وانا متأكد انك الحل لكل المشاكل.

الإهتمام ورفع المعنويات اللي تقولي عليهم تقدرين تحصلينهم من نفسك بنفسك. وكلنا معك ان شاء الله.
أما عن سؤالك ليش تسأل وكيف عرفت.؟؟ بصراحة أحرجتيني بهالسؤال (ليش تسأل) لأني كنت بجاوبك عليه بدون ما تسأليني والجواب هو انك بإمكانك تسخري هذي الهوايات لمصلحتك وتنميها بنفسك وتكوني على مقدرة بأنك تطبقيها وتنشهري فيها ... يعني كان بإمكانك انت تكتبي قصة ولو قصت حياتك وهكذا في حالت هوايات أخرى

أما السؤال الثاني عن كيف عرفت عن الشعر ..ما راح أقولك الا اذا سمعتينا شوي؟؟؟ لا انا أمزح مو أكثر ....... هذي احدى المواهب اللي أمتلكها اني استطيع ان احلل شخصية ودراسه الشخص اللي أمامي سواءا بالكلام أو شخصيا أو بصورة أو بأي شيء انا أتعامل معه ومو شرط تكون 100% . وهذا الشيء ماهو عن دراسة واحس انها هبة من الله لعل وعسى ان أكون اهلا لها اضافة الى أمور أخرى ولله الحمد وأعتبرها من أجمل ما أعطاني ربي.

ما عليه طولت عليكي بس شسوي مو بيدي انا ودي تزول مشكلتك وتكونين أسعد انسانه في الدنيا لأن فيكي مواهب ومميزات بصراحة حرام تنطمر مع هذي المشاكل.
في انتظار الرد منك.

في أمان الله

السلام عليكم

......كيف الحال..
الإهتمام ورفع المعنويات......
من وين اطلعها..أنت اشر..
وأنا |أوريك الشغل السنع..
انا تحت امرك..
ومستعده..أنت قل وأنا أنفذ..
لأني خلااااااص طفششششششششت
..._________________________
بصراحه ما أملك لك إلا دعوه في ظهر الغيب
_______________________
عندي طلب ..وهواختياري مو اجباري..
شخصيتي ..وش عرفت عنها؟؟
_______________________________
ومثل ماقلت لك..أنت آمر وأنا اطامر..
تحياتي,,,

أختي مهمومة
السلام عليكم
والله مايرضينا إن أختي مهمومه تطفش هي تامر وتبشر باللي نقدرعليه
ممكن أخيتي تخبريني بالظبط ما هو الذي طفشك . وما هوالذي تريدنه أنت بالضبط ؟
لأني أرى فيك تغير أعجبني [ حرصك على ماينفعك ] انتظرك لاتتأخري

يا هلا والله بالأخت مه مه مهمومه

السلام عليكم
على فكرة مو لايق عليكي الهم شخصيتك تقول كذا . بكملك تحليل شخصيتك بعد ما أخلص كلامي...
أختي وش جابرك على الهم انا ما أدري.. تعاملي مع أهلك باللي يرضيكي ويرضيهم كيييييف.؟؟؟ هني السؤال. وجوابه نصه عندي والباقي عندك. أمك انسانه تعبانه نفسيا من المشاكل اللي تواجهها مع البيت وأبوكي. أما أخوكي فهو مسلي نفسه ويفك هذي الأزم واللي من الممكن ان يكون مهموم مثلك بس الله يا حظ الشباب كلا برا البيت ولين صار في مشكله طلع لا له ولا عليه ولما يرجع يكون الوضع راق ويقوم يسأل شنو صار ويحط راسه وينام. أما انتي المسكينه فقاعدة بين أربع حيطان واذا ما صابك حب من المشكله قامت أذونك تتأذي من الصراخ والمشاكل ولا جيتي تبي شي أو تحليها من الأهل نالك من الحب جانب( المشكلة) ومع كذا تتحملين والكل عليكي قومي سوي وشيلي من غير ما أحد يهتم بأمرك يالمسكينه. ولي جيتي بتسوين شي أو تروحي لصديقاتك تظلين مكتأبه ومتضايقة ومالك خلقهم الا شوي على شان ما يحسون انه فيكي شي.
بصراحة الله يعينك انا أقول الحمد لله للحين عايشة. بس تدري شنو الحل الحين اذا طلعت هذي مشكلتك بالظبط مثل ما تصورتها؟؟؟؟

الحل انك تلازمي نفسك وتسلي نفسك بنفسك ومالك دخل بأحد أمك وأبوكي لهم مشاكلهم وهذا شي أكيد يحصل بدون شك وهم متعودين على كذا وبالتالي هم يتفاهمون فيما بينهم.
اما انتي وش تسوي فاللي عليكي فيه هو انك بأقصى درجة من البعد انك تبعدين عن مشاكلهم ولا تخليها تأثر فيكي وحاولي تشغلي نفسك بأشياء تكونلك السعادة والحياه واهمها الإهتمام بأمور الدين والصلاة وقيام الليل والصيام اضافة انك تحاولي تعملي شي يخدم الدين ولو انك تبدين بنفسك. ما راح أكمل هذا النص اللي على أقوله والنص الثاني هو من عندك. وأي مساعدة انا موجود ن شاء الله في مساعدتك وما تقولي اخاف أأذيك.
أدري طولت عليكي بس ما تبي تعرفين شخصيتك؟؟؟؟

من طريقة التحاور معك وجد انك شخصية ذو طابع مرح وتتعاملين مع الناس بصراحة وقوة الثقة بالنفس وكل من يقعد معك يوالف على التعامل معك على العكس تماما من اللي يشوفك يقول عنك شويه كبر وشايفة روحك. وبعدين ترا فيكي خصلة حلوة مو موجودة في كثير من البنات هالأيام واللي هي انك ثقيلة ومتوازنة بين الناس واللي يشوفك. تحبين تسمعين لمشاكل الناس وتحاولي تضيفي البسمه على وجوههم بدون مقابل اضافة الى انك عاطفية بالعقل مو بالقلب أي تفكري جيد قبل ما تحكمي . مشكلتك ما تقدرين تصبرين وعجوله أي متسرعة في الحكم على الغير وبعد فترة ممكن تشعرين بالندم على اللي سويتيه حتى لدرجة انك ما عندك استعداد تصلحينه الا اذا جت الشغلة بروحها. انتي أكثر ما تعانينه هو آلام الأكتاف والرقبه. هذا احساسي من ناحية الآلام. هذا اللي يحضرني الحين واذا طرا في بالي أو جد جديد أقوله لك...
أختى المهمومة شيلي هالإسم وخلكي متفائلة بس لو شفتي مشكله غيرك والله لهانت عليكي مشكلتك. وسامحيني على هالإطالة الكبيرة شوي وخليني اسمع جوابك يا أستاذة.


في أمان الله.

مرحبا

نسيت شغلة لا تربطي حكم العاطفة في حكمك على االناس وبعد نسيت اني أقول انتي للحين ما خليتينا نشوف الشعر اللي كاتبتيه..... أفااااا؟



في أمان الله.

السلام عليكم..
أخي المسلم الإيجابي..
أشكرك على تواصلك ومديحك..
بصراحه أنا طفشت من الإنتظار وابغى حل...
عتيبي..
الحين ادعيلك من كل قلبي ..الله يوفقك دنيا آخره
قل آمين..
_______________________
ماشاء الله تبارك الله..
جبت شخصيتي كما انا..
الله يزيدك إن شاء الله
_________________________________
الشعر لسه عليه
مابعد كتبت شي سنع.. يعني يواجه.. لا تزعل
______________
لا تربطي حكم العاطفة في حكمك على االناس
مافهمت...
_________________________________________
وإن شاء الله راح أغير اسمي
تحياتي

اختي العزيزة ..........؟ منتظر الإسم الجديد

السلام عليكم

لما شفت ردك ظهرة ابتسامه على وجهي وطالعة ما كل قلبي بصراحة ما أدري ليش؟؟؟ الجواب ترا عندك مو عندي. وابي جوابه.

وبعدين الحين قام تدعيلي شنو يعني هالكلام هم بعد ما فهمت ليش؟؟ وضحي أكثر.

وهل التحليل للشخصية كان كما هو والظن صحيح وفي محله؟ أنا أحس انه فيكي خفايا وأمور لسا محتاجة وقت لتطلع. وان شاء الله نتساعد عليها. واذا كانت الشخصية كما قلت لك وش اللي دار في ذهنك عني؟

واللي قصدته من الكلام عن الربط والحكم غير أقصد انت عاطفتك بالحب لأشخاص معينين مو نفس حكمك على الغير منهم أي اذا يهمك انسان معين انتي ما تتسرعين في الحكم عليه أي تاخذي وقت لهذا الشي حتى ما تتوهقين. أما الناس عامة ممكن يحصل عندك حكم بسرعة.

أما الشعر فمو شغلي انا بانتظار سماعه لأني أحب الشعر كثيرا لأنو يعبر عن شعور ما في الداخل واستنبض منه حكم كثيييييره تستهويني.

ما عليه اليوم ثقلت الأسئلة بس لأنو رسالتك حملت معاني داخلية ماني عارف شنو هي؟؟؟؟ ويمكن هذا اللي خلاني ابتسم؟؟ أقول يمكن؟ في انتظار الرد.

في امان الله

السلام عليكم..
جعل هالإبتسامه دوم ..إن شاء الله..
_____________________________________________
طيب هالرساله حملت معاني داخليه..وخلتك تبتسم..وشي؟؟؟
______________________________________
أدعيلك لأنك وضحت أشياء كثييييييييييييييير..وأعطيتني حلول..ومن هاذي الحلول جت على بالي أفكار وااااااااااايد...
__________________________________________
الحين مو حاضرني شي لكن دار في ذهني أنك انسان موهوب..وعندك مواهب أكثر ...وإنسان طموح..وعالي الروح ..وتتحمس ..وتحب تحل وتساعد الأخرين في مشاكلهم..ومخلص لأصدقائك..وخصوصا من أدالك معروف ...وإذا شفت أحد متجاوب معاك تتحمس أكثر...وتطلع حلول مفيده يمكن ماتطلع او تطري على بالك لو كان احد عارض لك مشكلة احد يعرفه.. يعني إنسان مو هو بنفسه جاك وعرضلك مشكلته..
عارفه طولت..ويمكن أنك إنسان حنون..بس ماتأكدت
_____________________________________
إذا عرفت المعاني الداخليه لا تبخل فيها علينا
تحياتي..

أختي مهمومة ـ أسعدك ربي في الدنيا والآخرة ـ
السلام عليكم
حقك علينا أكبر من ذلك وأنت تستحقين أكثر من ذلك
ممكن أعرف ماعو الذي طفشت من انتظاره ؟
وأبشري بالذي يسرك أخيتي

أحلى الأسامي يا ايجابية
السلام عليكم

يعجبني اسلوبك وبساطة الكلام (جعل الإبتسلمة دوم...) :oops: واشكرك عليها.

أما المعاني اللي تحملها الرسالة فما أدري انتي ادري . :?: ..أما اللي جعلني ابتسم لحظة قراءتي للرسالة فأعتقد حسيت فيكي كثير وانتي تتغيرين للأفضل وزاد فيني مشاعر الخير وحب العطاء واللي خلاني ابتسم أكثر هو انتي يا صاحبة الروح المرحه (مثل الزهرة لما تكون مضمومة وتتفتح شلون يصير شعورك لما تشوفيها؟؟) أعتقد انه هذا شعوري تمام.

وان جيتي للدعاء فانا بعد أدعيلك بدوم الضحكة والأمل والفرحة .....
اما الحلول انا ماني الا مجرد وسيلة ساعدت على ايجاد الحل والحل انتي اللي أوجدتيه مو أنا واذا أمكن اني أعرف وشي الأفكار اللي طرت على بالك اذا ما كانت خاصة طبعا خلينا نتشارك فيها ونساعد على تحقيقها.

واللي باقي للحين الشعر اللي ودي اسمعه منك. وبصراحة خليتيني انحرج كثير على هذا الإطراء اللطيف اللي كان منك وما كان في داعي لكل هذا لأني ما سويت الا اللي كان لازم أنا أو غيري يسويه.وأشكرك حييييييييل على هذا الإطراء مرة ثانية.

المعاني الداخلية انتي اللي تعرفينها لأنك انتي اللي كاتبة الرسالة.

كلمة وما ابي اطول عليكي. أشكرك أشكرك أشكرك أشكرك ........ أشكرك على انك ساعدتي نفسك في الخروج من هذه المحنة ....
واذا تبين أي شي ترا ما يردك الا لسانك... الى أن ألقى الرد...


في أمان الله.

السلام عليكم
المسلم الإجابي...جزاك الباري ألف خير
وش دعوه حقي عليك بالعكس أنا اللي ثقلت عليكم..وخصوصا الأخ عتيبي..
وأشكرك أخي المسلم على تواصلك..في الحقيقه ..المشكله بدأت تنحل لكن شي بسييييييييط..
هاذي البدايه والله يعين..
ومادامها بدت تنحل الحين مافيه طفش ..لأنه مافيه إنتظار للحل...
__________________________________
عتيبي..(الله يعينك ويجازيك الجنان على صبرك)
________________
المعاني اللي تحملها الرساله
للحين ماعرفتها.. :confused:
:confused: ______________________
الله يزيدك في هالموهبه.ماشاء الله ...تبارك الله؟؟
كيف حسيت إني تغيرت؟؟؟؟ :?: :?:
________________________________
هذا مو إطراء..هذا الصدق والصدق فقط..واللي حسيته فيك
_______________________________
هم المعاني الداخليه..ماعرفتها ...وضح شوي
_______________________________________________
المشكله لسا باقيلها شوي..
ولك مني جزيل الشكر
تحياتي..
الإيجابية الفعاله

السلام عليكم

أختي الإيجابية الفعالة انا آسف على التأخير بس كنت مسافر شغل يومين وكنت أشوف الرد بس ما كان في وقت للرد والحين صارلي 3 ساعات واصل وقلت اني برد عليكي...

أولا انتي لا ثقلتي علي ولا شي يعني وش هالكلام؟ انتي تامرين أمر.

وأشكرك على هالدعوة الجميلة ويجعل كل أيامك فرح وسرور.
كيف حسيت انك تغيرتي هذا كان شعور ولكني لا زال عندي شوية شكوك في انك مقتنعة بالحل أو عندك شويه استسلام الا اذا خاب ظني وآمل ذلك. ومع ذلك انتي بالنهاية أوضحتي انه المشكلة لسا فيها شوي وأنا ما أبي مشكله من الأساس على شان كذا انا مستمر معاكي الين تقدرين تحلين مشكلتك ومشاكل غيرك واللي طلبته منك تخليني اعرف باقتراحاتك وأفكارك اللي قلتي انها خطرت على بالك حتى نتساعد فيها.

وأخيرا أشكرك على الإحساس الجميل منك وان شاء الله أكون عند حسن ظنك يا إيجابيييييييييييييييية.

وسامحيني على القصور

في أمان الله.

السلام عليكم
اخي ..عتيبي
________________________________________________
بصراحه مالك حق..
توك راجع من لاسفر مالك إلا ثلاث ساعات..
وسيده على نت..ارحم نفسك يارجال..
______________________________________________
بصراحه انا من يوم الأحد وانا عند عمي..
وأمي تجيها حالا طوارئ تتسلط... يعني إذا كلمت علها تهاوش على اي شي...
والظاهر شكك في محله
انا اتوقع ماراح تتلاشى المشكله تماما..إلا إذا كبرت ووصلت الجامعه ..
_____________________________________
مافيه قصور ولاشي..
تحياتي

رجعت للبيت يوم الإربعاء ليلا..بعدين رجعت لعمي يوم الخميس ليلا..بعدين رجعت لبيتنا الجمعه برضو باليل..
ومن ذلك اليوم إلى اليوم ومعاملة أمي متغيره
ابغى اقول كلام طوييييل...
أنا في مدرسة تحفيظ قرآن.. وأقبض مكافئه ..هي المفروض تكون شهريه لكن..على حسب الوزاره..
عندما كنت في الإبتدائي من الصف الثاني الى الرابع..كانوا يعطوني مكافئه..لكنها شيك فأعطيه امي ولم ارى منه شيئا..وفي اجازة الصيفيه عند انتقالي من الرابع الى الخامس تخاصما ابي وامي ما ادري ليش...فجمعت امي اغراضها واغراضنا وذهبت بنا الى بيت جدي اللي هم اهلها..
وكان المكالمات تدور بينها وبين خوالي وعمي وخالتي للإصلاح(امي وابوي يصيرون عيال عم..وعمي وخالتي برضوه متزوجين من بعض)
واخيرا قالت امي ابغى بيت قريب من بيت اهلها..عندها لبى ابي طلبها واستأجر بيت قريب من بيت اهلها..(لأنه مايقدر الشراء) وانتقلنا اليه وبناء على ذلك نقلتني امي إلى مدرسة ثانيه لانها اقرب.. ودرست فيها خامس وسادس النصف الأول وبداية النصف الثاني ..وعند بداية النصف الثاني من الصف السادس (على فكره امي تشتغل إداريه يعني مراقبه) انتقلت امي إلى مدرسه ابتدائيه تحفيظ فنقلتني معها..بعدين وصلت لأول متوسط..ودرست فيها شهر بس..لأنه بعد شهر اشترى ابوي بيت جديد وبعيد عن هذا البيت..
عشان كذا انتقلت لمدرسه ثانيه..
ومشت الحياة وانا الآن انتقلت للصف الثاني ثانوي
معليش غيرت الموضوع..طيب ارجع للموضوع
والمكافأه مابديت اقبضها بيدي وتصير لي إلا في الصف السادس..وكانت امي تاخذ منها ..وبعض الأحيان تاخذها كلها...وانا بعد اعطيها منها برحابة صدر وبدون منة..
وكنت انا اشتري حاجياتي من ملابس وادوات مدرسه وغيره بنفسي من دون ماتعطيني امي أي شي ..
وهاذي الفتره تغيرت ..ما ادري وش صار فيها...
إذابغيت اروح للسوق..وقلتلها ابغى ميه..قالت لا خمسين وبس..لدرجة اني تسلفت من خالتي ..
وقبل كم يوم دخلت للخياط غرض ..عشان يخيطه طبعا..يوم جا اليوم اللي يطلع فيه ..جا اخوي وقال لأمي قولي لها تعطيني فلوس الخياط..
قلت لأمي ما معي ..حسبت امي بتعطيه وإذا صار معي عطيتها..راحت لأخوي وقالتله لا تطلعه اليوم خله يقعد عنده..وانا كنت استناه بفارغ الصبر..سكت ولا سويت شي ..ورحت لأبوي وطلبت منه وعطاني وحتى ماكانت غاليه ..لكن مادري ليش..وانتهت المشكله..
وأنا مو همني الفلوس.. بكثر ماهمني تغير امي..

ومو بس كذا.. صارت تسوي من الحبه قبه.
واي غلطه مني ..يمكن انا اسميهاغلطه وهي ما وصلت لهاذي الدرجه ..يعني انها تكون غلطه كبيره..وبعدين غير مقصوده ويمكن غصب عني..تهاوش ..
وزياده تدعي علي!!!
حرام عليها .. انا بنتها..يعني من لحمها ودمها..
والله ان العبره خنقتني ولا ادري وش اسوي ولا وش اقول...
إن قت هانت خالف الوقت ظني ..وإن قلت زانت عاجلتني البلاوي
آسفه...أنا عاره اني طولت علي..ولا لك حمل باليي اقوله...
اكيد راسك صدع من كلامي.. لكن هذا بعضا من ما في خاطري..
طيب هذا الشعر اناكتبته.. من زمان
لكن لاتضحك علي ..لأنها بدايات..
ابغى اسمع كلمة احبك
ابغى اسمعها من انسانه حنونه
تبخل حتى بكلمة بنيتي
ما درت اني بنت حساسه
تتضايق من اصغر اخطائي
والولد ولا كانه سوا جريمه
ما ادري البلا مني
ولا من هاذي الإنسانه
ابصبر وانتظر الفرج
عشان بشي ببالي بسويه
يوم القيامه وقدام الخلايق
تجي وشقها مايل قدام الله
ينفضح امرها ويدرون
انها ماكانت بين عيالها عادله
وسلامتك...
تحياتي
مهمومه

السلام عليكم ورحمة الله وبركاته

اختي العزيزة الإيجابية الفعالة

انا للحين ما أدري شلون متحملة كل هالضغوط النفسية واللي تخلي الواحد يطلع عن طوره وينجن هذا زين اذا وصلت لحد كذا زين ما هجيتي من البيت والله أنا أقول الله يعين ان شاء الله انا بصراحة أول ما قرأت الكلام اللي كاتبتيه حسيت بمدى المعاناه أكثر وحاولت اني أجد بيت السطور شي اتلمس فيه العذر لأهلك بس بصراحة ما لقيت الا انهم أهلك وهذا الشي هو اللي يشفعلهم من انك تسيئي في معاملتهم على اللي يسونه فيكي...واللي فهمته انه امك انسانه مثقفة ومتعلمه وتعرف شلون فنون التربيه بس الغريب انها شلون تعامل بيتها كذا. وصار عندي توقع أكثر انه امك عندها احساس بالغيرة غير المشاكل اللي قاعدة تصير مع ابوكي وهذي الغيرة منك يمكن انها مو محسستك بهالشي ويمكن انه صعب من الواحد انه يتوقع هذا الشي بس صدقيني انه ممكن يصير وبكل سهولة.... : !:

ايتها العزيزة

هذي مشكلة الأبناء لو كان لهم ام مثل أمك وبالذات البنات لأن البنت مين يوجها غير امها فــ الله يعين انا أعرف عائلة لهم ثلاث بنات وشابين والله يعينهم على هالأم تصدقي انهم البنات على قد ما يجيهم خطاب وأمهم ما ترضى مع انهم من أحسن الناس أخلاقا بس الأم شنقول ومع هذا البنات صابرات على أمهم وتجدينهم من أحلى وأجمل البنات أخلاقا وأدبا ومرح ولا كأنه في شي بس تدري شلون هذولي صابرات ومحتسبات عند الله وكم هم محبوبين من الغير حتى اني والله لو صحلي اني اتزوج واحدة منهم لما قلت لا من شدة الحياء والأخلاق. وأساس المشكله في أمهم لأنها أصيبت بفشل العلاقة مع زوجها وافترقا فأصبحت الغيرة تطغى عليها لا نقول فقط البنات وهناك شابان آخران لديهم نفس المشاكل يواجهونها مع أمهم والحمد لله صابرين. هؤولاء البنات هن صديقات لأخواتي وانا أعرف أخوهم لأنه بالصدفة طلع صاحبي من أيام المدرسة.

النصيحة هي اني أريد منك شيأ ان تطبقيه الا وهو ان تتنازلي عن أكثرمن أمر يخصك يعني لا تحاولي انك تطلبي أي شي منها أو تتكلمي معاها في أي موضوع يخصك وأن تتجنبيها الا اذا هي ارادت منك شيأ ان تفعليه فافعليه دون تذمر وبمجرد ان تنتهي منه لا تناقشي في شي . وهذا الأمر عليك أن تطبقيه لمدة شهر ... يعني بالعربي ابعدي كل البعد عما انت تريدينه من مطالب وحنان الأم وخليكي بروحك تدبري أمورك. والأكيد انه امك راح تحس بالتغيير ويمكن تسوي مشاكل معك لتغيير تصرفك بس هم ما عليه اصبري على الوضع ونتي تشوفين الفرق واحنا هنا للمساعدة ويا ريت تخبريني بكل جديد يصير معك أول بأول علشان أقدر احكم على وش تسوي. أنا حاضر وما من ازعاج.

يالغالية ترا انا استانست لما فضفضتي عما في خاطرك ويمكن هذا الشي يقدر يخلينا نحل المشكله أكثر من اول بعــــون الله.

وما أبي أسمع مرة ثانية انك جبتيلي الصداع ولا أذيتيني أو زدتي الحمل علي ترا همك من همي وما يرضيني انك تكوني متضايقة ولو كنتي تفضفضي عن اللي بداخلك. انا تحت أمرك.

على فكرة الشعر حلو بس مثل ما قلتي بدايات وترا شوي شوي راح تتحسنين وتبدعين انا متأكد من هالأمر ان شاء الله ...
هالمرة انا اللي طولت عليكي بس ما عليه.

في أمان الله

طيب انتظر شهر بعدبن اقولك..
تحياتي

السلام عليكم

ما أدري ليش حسيت انه كلامي ما وصل أو ما عجبك؟؟ وخليني أعرف شنو يصير معك خلال هذي الفترة ...

على العموم انا ما علي الا اني أوجه وما أستطيع اني أجبرك تطبقين الكلام اللي قلته

سلام..

في أمان الله.

السلام عليكم..
اخي عتيبي..
أنا آسفهلإنقطاعي كل هذه الأيام لكن ظروف..
وهي وفاة جدتي يوم الخميس..
ادع الله لها بالرحمة والمغفره..
بعدين وش هذا الكلام اللي تقوله..
ماوصل..يمكن..أو يمكن مافهمت كويس..
لكن ما اعجبني وش دعوه..
راجع نفسك ..
تحياتي

الأمور إلى الآن مستقره..
لكن ما بديت اسوي اللي قللتي عليه لأني انتظر الوقت المناسب ت
...حياتي