مرحبا
انا من متابعين المنتدى من زمان وكثير بحبو وبستفيد منو كثير
ممكن هالمرة تفيدوني شوي :!:

انا طالبة سنه ثالثة في الجامعة عمري 20 سنه
من اول ما بديت الجامعة تعرفت على زميل اللي يدعى (خ) وكان الو صديق كثير هو ياه اصحاب اسمو (هـ )
تعرفنا على بعض
افكارنا كثييييييير قريبة على بعض
بنفهم بعض بشكل كبير
كانوا يفهموني كثير ويعرفو شو بدي
كنا احنا ال3 من اعز الاصحاب والاصدقاء

بس كان في احساس غريب تجاه (خ) كنت احبو كثير وكنت احس انه هو بيحبني كمان
اجا يوم وحكالي انه بيحبني وانه اسف لأنه بكلامو خان صداقتنا بس حكالي انه هادا شئ واحساس ما فيه يخفيه
تقبلت الوضع وقلتلو بعد فترة اني كمان انا بحبو
وضلينا على هيك
الثلاثة دايما مع بعض و ( هـ ) بيعرف كل شي عني وعن (خ)

بعد فترة (خ) بلشت تتغير معاملتو معي
بس بلشت اتسائل عن سبب التغيير لقيت الجواب عند (هـ ) انه ( خ) بيحبني وخايف علي منو لأنه انسان وما بدو يغلط معي
ما تفهمت الموقف لاني ما كنت اعتقد انه بيوم من الايام ممكن اغلط لاني بعرف حالي
بس (خ) كان كل يوم عم التاني بيبعد اكثر
كان يقلي انه انا مو الك لانه انا مو مستعد للزواج
احكيلو انه مو كل الحب بينتهي بزواج وانه ما بنعرف شو بيصير بكرة
(الحب ليس رواية شرقية بختامها يتزوج الابطال)

من فترة حوالي الشهرين
المسافة اللي بيناتنا صارت كثير بعيدة حتى كأصدقاء بطلنا نلتقي ونحكي متل زمان
وحكالي كلمة انه ما تجري ورا سراب

بالفترة هاي كان (هـ ) بيقرب مني كثير
يسأل عني كثير يعني كنت احكي معه اكثر ما احكي مع (خ)
ولما اكون احكي معاه وتيجي سيرة (خ) كان يغيرها بسرعة وبطريقة غريبة
اول شي كان الموضوع عادي
بس بلشت تزيد عن حدها

وانا ما بدي اخسرهم
واذا طلع اللي بتفكيري صحيح انه (هـ ) بيحبني ما بقدر انه اجرحو ابدا خاصة اني بعرف عنو كل شي وعن معاناته وعن حياتو واديه هو محتاج انه يلاقي الانسانه اللي يحبها وتحبو

بس هاي الانسانه مو انا
وانا عارفة حالي لو حكالي هالموضوع ما راح اقدر احكيلو شي

بس انا بحب صديقو
وصديقو بيبعد عني







موضوعي كلو مخربط ببعضو
بليز حدا يساعدني ويقلي شو اعمل
:?: :cry:

اسمعيني عزيزتي واختي
اعلمي ان الرجل ان أحب انسانة سواءا كانت له حبيبة اوينظر إليها نظرة مستقبلية لزوجة فإنه يرفض وبإصـــــــــــرار وجود شخص آخر في حياتها مهما كان ..سواءا كان صديقا او بمثابة أخاً .. إنها الغيرة ياأختي وشرقية رجالنا تمنعه من أن يرى من يحبها تمنح كذلك صداقتها او ودّها لشخص آخر حتى لو كان هذا الشخص " صديقه او أخوه "..
وأنا اعتقد انه لم يستطع ان يقول لك عن هذه النقطة ربما لأن الشخص او الطرف الآخر هو صديقه العزيز او الروح بالروح ...
بالنسبة للشخص " هــ" أعتقد يجب عليك الا تجعليه يتعلق بك أكثر وبالأخير ينصدم أنك لست الفتاة "شريكة حياته " أو فتاة أحلامه .... لابد ان يعلم بهذا الشيء عاجلاً .. لكي لا ينصدم آجلا ....

وأما عن " خ " فاعتقد ان موضوعه قد انتهى فهو من انسحب وان كان يحبك فعلا فيستطيع مستقبلا ان يخطبك .. واعلمي انك حينما تتحدثين عند " خ" عن "هـ" فإنه يغار ..وهذه طبيعة رجلنا الشرقي .!!

تحياتي لك متمنية لك مستقبل زاهر بظل من تحبين ..
أختك شذى .......:)