واقعي
22-07-2001, 05:53 PM
يارب تسعدلي اوقات الجميع ..
اخوكم واقعي .. لسه مشترك جديد .. فان كان موضوعي سبق الحوار فيه فلتعذروا جهلي بعدم الالمام الكامل بكل مافي المنتدى من مواضيع..
مــــا حبكم
مـ×ـ×ــاحبكم
حرف واحد .. ممكن يخليكم تثورون ولا ملامه عليكم .. فكيف انسان اول مره يشارك معنا ويقول ما حبكم او خلونا نقول حرفين وقت كتابتها الكتابة الصحيحه ما احبكم .. المهم شوفتوا حرف وش سوى فما بالكم بكلمات ..
البعض ماهو حاس بصدى الكلمة وتأثيرها وسرها في تغيير الحالة من حزن لسعادة ومن سعادة لحزن او لشعور اقل من الحالتين ..
بالكلام تقدر تكسب اكثر الناس وبه ايضا ممكن تخسرهم ..
على طريا الخساره اللي ولله الحمد ماتمت وصلح الحال .. انا كنت مره اتحدث مع اعز اصدقائي عن لاعب الهلال سامي الجابر .. انا كنت ادافع عن سامي وهو كان ضده وفي حماسي طلعت مني كلمه هي (ومن انت حتى تقيم سامي) وطبعا صديقي العزيز زعل ومعه الحق فكلمتي ماكانت مع براءتها في محلها ووالله ان قصدي كان بمعنى هل انت لاعب كره او مدرب او لعبت مع سامي وماشابه هالشي حتى تكون نظرتك له هي الصح .. وماكنت اقصد من تكون انت كتحقير شخصه .. خطأي في صياغة اظهار الكلمة سبب زعل ..
فالكلمة اذا هي لغة التواصل والوصف واظهار الشعور الذي بداخل كل واحدا منا فان عرفنا كيف نطوعها ونصيغها ونهذبها فانشاءالله راح نوصل الشي اللي احنا نريد ايصاله ..
نجي لامر ثاني وهو شبه انعدام الكلمة الطيبه اللي تحمل العاطفه القوية والحنان اللي بداخلنا لاسرتنا او حتى لمن يعز علينا مع حبنا الاكيد لهم ..
كلنا نحب نسمع الكلمة الحلوه حتى لو كنا نعرف شعور من يقابلنا .. مافيه احد مايحب والديه .. لكن ليه طغى اظهار هالشي كفعل اكثر من كلمة ؟؟ الاثنين مطلوبين ولكن الكلمة ايضا لها مكانها وصداها .... و بعض الاخوات كأنها غير مصدقه لما يقولها اخوها كيفك حبيبتي او ياحبيبة اخوك وش تبين ... البعض منهم يستغرب ويكون ردها .. خلصنا قل وش تبي اسوي لك .. يمكن لانها ماتعودت تسمع هالكلمة .. طيب ليه ؟؟!!!!!!!
اما بالنسبة للزوج والزوجه فكلام الحب والعواطف الجياشه للاسف يجف بينهم بمرور الوقت .. وكأنهم بذلك يقولون لبعض خلاص راحت عليك وماعاد يليق بك هالكلام مع ان هذا الامر خطأ وخطأ وخطأ .. نعم ممكن تتغير الكلمات المختاره ولكن يفترض ان لا نتوقف ابدا في اظهار المشاعر بالكلمات المناسبة .
تخيل ان زوجتك او زوجك لبس لبس جميل ورايح جاي جاي رايح بس يبغى كلمة اعجاب وحده منك وانت معجب بالفعل ولكن ماتعبر عن هذا الاعجاب .. صدقني يمكن تكون نظرة السعادة والاعجاب اللي بداخلك ان مارافقها كلام ممكن تؤخذ على انها سخرية .. نعم التعابير احيانا تصف مايغني عن الكلام ولكن في بعض الحالات الكلمة اقوى من التعبير بالوجه . خاصة ان كان الشخص المقابل لايعي كامل خصائص نفسيتك وتعابير وجهك
خلاصة الكلام لاني طولت عليكم واجد .. اظهروا المشاعر بالكلام واهتموا باختيار الكلمة .. وانشروا جو الحب في المحيط اللي انتم فيه بتكرار هالكلمة وغيرها .. كل انسان يحب يسمع الكلمة الحلوه ودينا حثنا على هالشي لأثرها .. فليه احنا في بعض المجتمعات نصرفها وكأننا نصرف دولارات .. ان كان حياءا فلنتغلب عليه .. ان كان تكبرا فلننبذه وايا كانت الاسباب لابد من جلسة مصارحة تجعلنا نعترف ولو مع انفسنا ليه هالشي مايكون فيني وليه انا مقصر في اظهاره .
ايهما اكثر وقعا عليك .. كلمة انا عاجز عن الشكر والتقدير .. او كلمة شكرا .. مع ان الاولى ماشكرتك فيها بل وضحت انك عاجز عن الشكر
اذا انا عاجز عن الشكر والتقدير لمن استمر بقراءة ماكتبت .. الى ان وصل هنا . :)
اخوكم واقعي .. لسه مشترك جديد .. فان كان موضوعي سبق الحوار فيه فلتعذروا جهلي بعدم الالمام الكامل بكل مافي المنتدى من مواضيع..
مــــا حبكم
مـ×ـ×ــاحبكم
حرف واحد .. ممكن يخليكم تثورون ولا ملامه عليكم .. فكيف انسان اول مره يشارك معنا ويقول ما حبكم او خلونا نقول حرفين وقت كتابتها الكتابة الصحيحه ما احبكم .. المهم شوفتوا حرف وش سوى فما بالكم بكلمات ..
البعض ماهو حاس بصدى الكلمة وتأثيرها وسرها في تغيير الحالة من حزن لسعادة ومن سعادة لحزن او لشعور اقل من الحالتين ..
بالكلام تقدر تكسب اكثر الناس وبه ايضا ممكن تخسرهم ..
على طريا الخساره اللي ولله الحمد ماتمت وصلح الحال .. انا كنت مره اتحدث مع اعز اصدقائي عن لاعب الهلال سامي الجابر .. انا كنت ادافع عن سامي وهو كان ضده وفي حماسي طلعت مني كلمه هي (ومن انت حتى تقيم سامي) وطبعا صديقي العزيز زعل ومعه الحق فكلمتي ماكانت مع براءتها في محلها ووالله ان قصدي كان بمعنى هل انت لاعب كره او مدرب او لعبت مع سامي وماشابه هالشي حتى تكون نظرتك له هي الصح .. وماكنت اقصد من تكون انت كتحقير شخصه .. خطأي في صياغة اظهار الكلمة سبب زعل ..
فالكلمة اذا هي لغة التواصل والوصف واظهار الشعور الذي بداخل كل واحدا منا فان عرفنا كيف نطوعها ونصيغها ونهذبها فانشاءالله راح نوصل الشي اللي احنا نريد ايصاله ..
نجي لامر ثاني وهو شبه انعدام الكلمة الطيبه اللي تحمل العاطفه القوية والحنان اللي بداخلنا لاسرتنا او حتى لمن يعز علينا مع حبنا الاكيد لهم ..
كلنا نحب نسمع الكلمة الحلوه حتى لو كنا نعرف شعور من يقابلنا .. مافيه احد مايحب والديه .. لكن ليه طغى اظهار هالشي كفعل اكثر من كلمة ؟؟ الاثنين مطلوبين ولكن الكلمة ايضا لها مكانها وصداها .... و بعض الاخوات كأنها غير مصدقه لما يقولها اخوها كيفك حبيبتي او ياحبيبة اخوك وش تبين ... البعض منهم يستغرب ويكون ردها .. خلصنا قل وش تبي اسوي لك .. يمكن لانها ماتعودت تسمع هالكلمة .. طيب ليه ؟؟!!!!!!!
اما بالنسبة للزوج والزوجه فكلام الحب والعواطف الجياشه للاسف يجف بينهم بمرور الوقت .. وكأنهم بذلك يقولون لبعض خلاص راحت عليك وماعاد يليق بك هالكلام مع ان هذا الامر خطأ وخطأ وخطأ .. نعم ممكن تتغير الكلمات المختاره ولكن يفترض ان لا نتوقف ابدا في اظهار المشاعر بالكلمات المناسبة .
تخيل ان زوجتك او زوجك لبس لبس جميل ورايح جاي جاي رايح بس يبغى كلمة اعجاب وحده منك وانت معجب بالفعل ولكن ماتعبر عن هذا الاعجاب .. صدقني يمكن تكون نظرة السعادة والاعجاب اللي بداخلك ان مارافقها كلام ممكن تؤخذ على انها سخرية .. نعم التعابير احيانا تصف مايغني عن الكلام ولكن في بعض الحالات الكلمة اقوى من التعبير بالوجه . خاصة ان كان الشخص المقابل لايعي كامل خصائص نفسيتك وتعابير وجهك
خلاصة الكلام لاني طولت عليكم واجد .. اظهروا المشاعر بالكلام واهتموا باختيار الكلمة .. وانشروا جو الحب في المحيط اللي انتم فيه بتكرار هالكلمة وغيرها .. كل انسان يحب يسمع الكلمة الحلوه ودينا حثنا على هالشي لأثرها .. فليه احنا في بعض المجتمعات نصرفها وكأننا نصرف دولارات .. ان كان حياءا فلنتغلب عليه .. ان كان تكبرا فلننبذه وايا كانت الاسباب لابد من جلسة مصارحة تجعلنا نعترف ولو مع انفسنا ليه هالشي مايكون فيني وليه انا مقصر في اظهاره .
ايهما اكثر وقعا عليك .. كلمة انا عاجز عن الشكر والتقدير .. او كلمة شكرا .. مع ان الاولى ماشكرتك فيها بل وضحت انك عاجز عن الشكر
اذا انا عاجز عن الشكر والتقدير لمن استمر بقراءة ماكتبت .. الى ان وصل هنا . :)