الطريقة المثلى للنجاح في الجامعه!!؟؟

[هيونا]

[ بسم الله الرحمن الرحيم

اخواني واخواتي

مارأيكم في هذه الطريقه للنجاح
في الجامعه

طبعا كان هذا اسلوبي في سنه من السنوات الى ان تخرجت ولله الحمد

وانصح فيها اللي مازالوا في الغثى الى الآن

وذاقوا الظلم من الأساتذه والدكاتره

وهي كالآتي:

طبعا ماكنت وحدي انفذها كانوا كل الشله تقريبا إلا ثنتين من الشله ماطاوعهم قلبهم


طبعا هذا من الوفاء بيننا عشان اذا حملنا المواد نحمل كلنا ونصير كلنا سوا

ففي سنه من السنوات كنا مضغوطين مره مره اعجز عن وصف الضغط اللي كان علينا

فقررنا اننا مانذاكر إلا اسئلة العام وبس فكانت المناهج كثيره مره وكانت امتحاناتنا ورى بعض

علطول مافيه وقت ابد فكنت اقضي بدري مره من المذاكره بفضل هالطريقه

لكن تعالوا شوفوا نتائج المغامره














انكبنا نكبه كبيره في يمكن ثلاث مواد وجتنا اسئله عن اشياء ماعمرنا قريناها لكن وش صرنا نسوي
صرنا نكتب اللي حافضينه وبس لو كان ماله خص المهم نملا المكان وبس


ولما جت النتايج وش صار نجحنا كلنا الا من ؟

اللي ذاكرو المنهج كله ياعمري وانحرموا من مرتبة الشرف

اللي خذناها احنا المغامرين

:P وكانت نسبنا مره حلوه

شفتوا الظلم !!!
في الجامعات
:roll:
مع ان الطريقه وصلت متأخر لأن الأمتحانات خلصت الحين بس ماعليه السنه الجايه

وبعد مو كل مره سلامه

وتقبلوا تحياتي

اختكم هيونا :lol:

هلا اختي هيووووونه..

والله الدكاتره يبي من يلبسهم نظارات بعدسات مقعره.. عشان يشوفون الاجابات عدل..

انا عندي عقده.. ماني عارفه وش سببها..

كل قرائاتي الخارجيه علم نفس.. دايما اتفلسف علم نفس.. ادخل دورات علم نفس..

بس للاسف الى الان من التحاقي في الجامعه اخذت ثلاث مواد علم نفس وما اجيب فيها الا جيد..

ليييييييييييييييييييش.. صابتني عقده..

اما طريقتك.. والله مجازفه..

طيب وش رايك اني بعض المواد ادرسها بس قراءه..

واجيب فيها زين.. ومواد انام على صفحاتها.. ما اجيب زين..

حالنا عجيب غريب.. لا تخلينا نطلع فضايح طرقنا..

ودعواتكم لنا بالتوفيق..

لان حتى في الصيف فيه غثى..

اختك..

سنافية..

[هيونا]

هلا اختي

سنووووووفه

المرحه

تدرين شكلك من نفس جنسي في الدراسه لأني نفس الشي في مواد علم النفس
ماجيب تقادير زينه ليه مادري مع اني احب علم النفس وانا مادرسته ابد الا في الكليه ((الخايسه ))

تبين الصراحه انا كرهت الكليه مره ولا ابي ارجع لها او اسوي زياره لها من كثر المواقف اللي صارت لي فيها
فبسببها والضغط اللي كانوا يمارسونه علينا تهاوشت انا واغلى صديقاتي اللي كانت صداقتي انا واهي عريقه بيني وبينها 9 سنينن صداقه

انهارت هذه الصداقه بسبب سوء تفاهم تافه وانقطعنا عن بعض لمدة 8شهور

لدرجة اني اشوفها وتشوفني وكنا شايفين هوا مانعبر بعض ابد حتى السلام مانسلم واللي ساعد

على كذا انها كانت في قسم وانا في قسم ثاني احنا رجعنا لبعض وكانت هي الباديه بالصلح لكن مارجهت صديقتي اللي عارفتها حتى انا احبها وتحبني ونكلم بعض لكن مو مثل اول وش اللي تغير !!؟

سنووفه اّسفه غثيتك معي واوجعت راسك لكن هالسالفه مره مأثره علي

سنوووووووووووفه

عندي تساؤل

انتي عندك غثى في هالصيفيه بعد يعني ماخذه تيرم صيفي؟؟

كان كذا الله يعينك

وحسبي الله على كل من ظلم
والله يوفقك انشاء الله

ايه عندي كورس صيفي مكثف.. ومن القراده ماخذه مواد كثيره.. :? واكسرت ظهري.. :( بس الله يعين.. :|

من الصبح للعصريه.. :cry: :cry:



اما بالنسبه لصديقتك..

ان شاء الله راح ترجعون مثل اول .. :D :P والخلافات ملح الحياة.. بس لا تكثرونها.. :wink:

:arrow: :arrow: :arrow: ماعليك الا انك تنسين الخلاف وتعاملينها زين وبكل حب.. راح تلقائيا تنسى صديقت اللي صار وترجعون مثل اول..

تقبلي تحياتي ودعواتي لك بالتوفيق..

اختك..

سنافية :) ..

[majd]

السلام عليكم...

والله القمعة والدراسة في الكلية حظ وحظيظ ناس تفحط طول السنة وبالاخير يا F والا رسوب بعد ..

وناس فالتينها اخر ايراط والعلامات ماشاء الله .. :shock: :shock:

كثير من طلبة الجامعة والكليات يتبعون نمط الاستاذ وهذا الي ينجح في الغالب يعنو لو كان الاستاذ ما يجيب من النصفي فلا تقعد وتتفلسف وتحفظ النصفي وركز على النهائي ..واذا كان الاستاذ يركز على نقاط هامة في المحاضرة فهذا غالبا يأتي في الامتحان..واخر محاضرات هم الكل فالكل حطوهم تاج علم الي تبون اي شي تراها مهــــــــــــــــــمـــة التغشيش من قبل الاستاذ فيها والاسئلة غالبا منها لانه يعرف تطنيش الشباب وحتى يعلمهم ان الله حق..

واذا كان الاستاذ ما يصلح ومنهم متوفر لكن بدو يقلون لتكثف الغيوم الادارية عليهم لكن اذا صادفكم فعينو خير بتكونو جبتو العيد وبجدارة.. 8)

واذا كان الاستاذ جديد توا طازة جايبنه من الشحن وعلى طول لكم فتراكم وناااااااااااااااسة انتم امام خيارين اما بطبق عليكم العدالة الصارمة وهذا ناااااادر واما يريد اثبات جدارته ويتميلح قدام الاساتذه الاخرين ويرشكم بدرجات ويعطيكم اسئلة ولا في الاحلام فهذا طبو عليه ولا تتخلون عنه ابد..
لكن اذا كان ابن البلد هالاستاذ وتوا متخرج بعدو عنه مو شبر الا 10 متر لانه جديد وما يعرف بالقمعة ومبسوط بعلاماته ومنصبة الجديد وياخذه الغرور واثبات جدارته امام الطلاب المساكين الي مالهم لا في الرز ولا الطحين :lol: :lol:
واذا كانت استاذه فغالبا يجب ان تكوني بكامل جديتك وتوريها روحك من بداية السنة عشان تحفظ انك بنت شاطرة ولا تحاولي تلعبي بذيلك (سلك الجوال او العلك ...........) حتى لا تطيحي من عينها وترتاحي على طول مش بس السنة بل السنوات القادمة اذا مرت عليك هي او احدى صديقاتها الاساتذة تعرفين :arrow: حريم وحبووووون السوالف في خلق الله وهم ما يشوفون الا هالبنات المساكين..

اما اذا كان استاذ فتعالي شوفي الوناسة غالبا تكوني مرتاحة لانه ما يدقق مثل الاستاذة وما يدري عن حركات البنات خصوصا اذا كان مافي مواجهة كما في بعض كليات المملكة يعني اذا غابت المشرفة يا تصير القاعة تصفر والاستاذ يرمس مع الهوا او المجتهدات جابو الفصفص وصارت قعدة بس انتبهو لا يكون المكرفون مفتوح والا رحتو في كزوزة وياما صارت لووووووول
اما في حالة وجود المشرفة فلا تظنو سكوتهم او تغاظيهم عن دردشتكم ونومكم واكلكم وفصفصكم حبا فيكم او راحمينكم الا انهم ما يبون ينشبون معاكم فلا تظن اسنان اللبوة ان ظهرت انها قاعدة تتبسم :rolleyes: ترى تقوله كل شي..
المهم نعود للاستاذ ذاكري مرة وحدة من المحاضرات وحرقي المكرفون ذاك اليوم لين يخليك تشاركي ولا عاد تشاركين ابد عشان ما يحطك في باله اخذت الدرجة لطول التيرم وخلاص بسك تميلح قدام الاستاذ ... واحسن طريق كوني محترمة ليطردوك انت معاه من القمعة ترى ما تسوى عليك الدرجتين الي بيزيدك اياهم ..

واذا كنتو اوريا سنة اولى لا تنهبلون وتطيرو تشترون الملازم والكتب اسالو اهل الذكر القداما اول اذا فعلا بتستخدموهم والا الاستاذ بس يحب يثقل عليكم ما يدري ان ورانا مصاريف خخخخخخ
واذا عندك بحث والا واجب لا تستنى لاخر لحظة وتقول عندك وقت ترى الوقت بطير بلمحة بصر ما تشوف حالك الا واقف في اخر يوم تسليم ما تسوى ورقة عراقية :lol: :lol: (طايح سوقها حتى عملة ما اقدر اقول) تترجى فيهم يزيدوك يوم .. :cry: :cry:

ولا تغشو ابد ابد ابد ..........فمن غشنا ليس منا

وتقبلو خالص تحياتي بس استفيدو مش يدخل من هالاذن ويطلع من عيونكم ... :shock:
مشكورة اختي هيوانا انا نفسي ما توقعت بطلع هذا كله..

& تحياتي :lol:

اذا الموضوع تحول الى نصائح جامعيه منسية..

فهاك نصايحي..

الله يصلح الطلبه والطالبات اللي يدخلون المحاضره وحاطين نغمة الجوال على اعلى صوت.. صراحه.. هذا تقليل من شأن الدكتور او الدكتوره.. في قمة الشرح ماتحس الا .. ترن ترن تتن تتن.. والله حاله.. واوووف لو كان الدكتور عصبي يحط الحره بالباقي.. هذا واحد..

اثنين.. الغش.. للاسف الكل ماخذ هالمسأله على انها شي عادي... واذا بتنصح يقولون.. لا والله اجل انا اقعد كذا والباقي يغشون ويجيبون امتياز وانا اتفرج.. والله لاغش.. واكبر مصيبه انهم يطلعون ويقولون الحمد لله الله ستر علي.. كيف تعصي الله وتحمده على ستره يامغرور من دون ماتتوب.. وما يقتنعون ابد بالنصيحه..

اما عن الدكاتره.. انواع اشكال يذكروني بمحل الحلويات.. ماتفرق بين احمر اخضر اصفر ازرق.. وكل واحد لازم تتكيف على كيفه.. ومشكله لصارت النفس على الخشم.. الطالب مفصووول من اليوم الثاني..

اما الاغراض... فانا ما اشتري الا بالسنه احسنه.. دفتر الكورس اللي فات نظيف ابيض.. ليش احذفها خلني استفيد منه.. ماهو طمع.. بس اللي يدخل الجامعه يكره يروح يشتري له قلم من الطفش..

اما بالنسبه داخل القاعه.. اذا جلست ورى راح تنشغل بفلان وعلان وعلنتان.. كل حركه راح تلفت انتباهك ويقل تركيزك..

يعني شدو حيلكم على الصفوف الاولى..

ويوم الامتحان لا تضحك كثير خوفك ينقلب بكي بعد الامتحان خلك تكانه..

والاهم.. لا تطلبون من الدكتور الا حقكم.. عشان لا تظلمون نفسكم وغيركم..

وسلامتكم..

اختكم..

سنافية..

[هيونا]

بسم الرحمن الرحيم

اختي مجد..

وش هالنصايح الحلوه فعلا نصايح محتاج لها كل

واحد مستجد في الجامعه

واما عن الحركات اللي تصير في الكليات فحدث ولا حرج :P

واما اللي يصير من ورى الأساتذه والدكاتره الرجال اللي يدرسون بنات

ياعمري الله لايحطنا بموقفهم :lol:


ومشكوره على كل النصايح وكان عندك زياده

حطي بعد


وتقبلي تحياتي

هيـــــــــــــــــــــــــــــــــــــــــونا

[هيونا]

بسم الله الرحمن الرحيم

اختي سنافيه ..

كيفك مع هالكورس

الله يعينك يارب وينجحك في كل هالمواد انشاء الله


ومشكوره على ردك بالنسبه لموضوع صديقتي

فعلا كلامك صحيح وانشاء الله الأيام بينا



وبالنسبه للموضع كله فعلا تحول لنصايح

والله ينفع بها لنصايح :roll:

وعلى قولتك اكثر شي منتشر في الكليات الغش

الله يهديهم لدرجة انهم يتصفحون الكتاب تصفح وقت الأمتحان

ويخافون ينكشفون !!

مايخافون من الله اللي يشوفهم وين ماكانوا وش ماسوو

على العموم مشكوره على النصايح

وتقبلي تحياتي

مع تمنياتي لك بالتوفيق

اختك
هيـــــــــــــــــــــــــــــــــــــــــــــونا