بعد أن تنتهي تبدأ العزلة

[هديل]

بعد أن تنتهي تبدأ العزلة

هذا حال بعض الفتيات اللاتي لم يجدن فرصة لإتمام الدراسة
قد تكون ايامها مقصورة على آخر الأفلام وقديمها أيضاً وربما تقرأ الروايات السخيفة
وتنتظر الفرصة للخروج الى أي مناسبة
وقد تمر أوقات تشعر فيها بالملل الشديد

والبعض منهن قد يتضايقن في البداية ولكنهن يحاولن اشغال انفسهن
ربما تتعلم شيئاً جديداً من دورة بسيطة تلتحق بها ابتعاداً عن الفراغ القاتل والوحدة في المنزل
وقد تكون لها هواية تأخذ كل وقتها
وربما تستغل الفرصة لقراءة أشياء جديدة عليها لم يسبق لها ان عرفتها عن طريق المدرسة

هذه الشريحة من المجتمع تعاني من عدة مشاكل قد ينطبق عليها ماسبق وربما يختلف بحسب الظروف التي تعيشها الفتاة......
فهل لنا أن نناقشها ونحرف الحلول؟؟؟؟؟
واتمنى ان اسمع تجارب حقيقية

[هديل]

:)
سبحان الله بعد مانشرت الموضوع وجدت موضوعاً جميلاً وبه نوع من الطرافة
اقرأو:
علاج للملل عند البنات
هذا احلى علاج للزهق للبنات الفاضيات ماعندهم لاشغلة ولا مشغلة :

- امسكي التلفون وكلمي صديقة من زمااان ماكلمتيها..واسترجعوا ذكرياتكم مع بعض اول..منها راح تمشين وقتك ومنها راح تجددون علاقتكم...

- اطلعي الحوش ولا السطح وافرشيلك فرشة وانسدحي على ظهرك وتاملي النجوم واسترخييييييي وتاملي

-قصي اطراف شعرك..كل مازهقتي روحي عند المراية وقصي الاطراف(بس شوي شوي منها) .. شكلكم بتصلعون على هالحالة

-امسكوا المسجل..ودوروا فيه بالبيت وسجلوا اصوات العائلة وهم يسولفون وسجلوا صوت شخير الوالد وسجلوا صوت الهواشات وسوي مقابلة مع الاخوان

-روحوا السوبر ماركت وامسكوا العربية ودوروا فيها وصقعوا بخلق الله وقولوا :اووه آسفة مادريت


-تحدوا انفسكم تقعدون نص ساعة كاملة بدون ماتتكلمون مع اي احد او تفتحون فمكم..نص ساعة طبعا بوجود الجميع (مااحد يقدر يسويها)

-امسكي منشفة وفكي الشبابيك ونظفيهم

-اقروا مجلة اطفال (ميكي وماجد) والله توووسع الصدر انا مجربتها

-البسي ملابس رجال ثوب وغترة وجننى اهلك !! ممممممممممممم ودي اشوفك كذا

-افتحي نوتة التلفونات واختاري ارقام من العائلة ودقي عليهم وسوي حركة صلة رحم..

-نظفوا ماسنجركم...سووا ديليت للناس اللي من زمان عنهم مادخلوا..وبلوك للناس الثقيلين الدم ..

-روحوا مواقع بطاقات وكاردات وارسلوا لصديقاتكم .. ولاتنسونى ههههههههه

-الفي مسجات جوال ونكات ماسنجر..خذي مجلات فواصل وديوان ابو يزيد وطلعي منه ابيات شعر تصلح نكااات للماسنجر واكتبيها بورقة..

-ادخلي غرفتك وحطي مكياج كاامل كانك رايحة لعرس ولطخي وجهك تلطخ وتصوري ..حركة صح؟كخخخخخ

-امسكي دفتر تلوين اطفال واقعدي لوني ...كخخخ حتى هذي سويتهااااا

-اذا زهقتي افتحي دولاب ملابسك واقعدي قيسي ملابسك

-روحي المطبخ سوي كيكة (هذا وجهي اذا احد اكلها) اكيد راح تكون محروقه
هههههههههههههههههههههههههه

-سوي ايميل جديد واقعدي العبي على اللي تعرفينهم ..

-تعلموا لغة غريبة..مثلا كلمات معنية باحد اللغات واقعدوا اكشخوا فيهم وتفلسفوا فيهم

-اركبي السيارة وهي بالقراج وكانك تسوقين

-اطعلي وانزلي الدرج عشرين مرة ..منها تنحفين ومنها تتسلين..


-خذي مجلات قديمة واقعدي قصقصي صور ولزقيها بلوحة (بتطلع المواااااهب)



-اطلعوا حوشكم ..والعبي كورة.


- اذا العايلة متجمعين على مسلسل ولا شئ في التلفزيون روحي طفي التلفزيون بعدين افتحيه
وشغليه بعد كذا افتحيه وخلي العايلة تمووووووووووت من القهر

- اذا مثلاً شفتي مظهر مضحك لأخوك لاختك لامك صوري المنظر وخليها تشوفه عشان تكفخك ...... ولاتنسين علقيه في غرفتك بالشمال الشرقي من سريرك

- اذا ملقيتي لك شغلة روحي خذي لك كل الاحجار اللي للأجهزة وروحي لساعة الجدار اللي ببيتكم وخربيها بيجون اهلك يقولون يووووووووه خربت الساعة سوي نفسك وازعطي ووريهم شطارتك
وقولي انا عندي حجر تبون ؟؟ أكيد كلهم بيهزون روسهم

بعدين يقولون في قلوبهم يقولون بنتنا هذي تحتفظ بكل شئ ماشالله عليها ويصيرون بيعتمدون عليك بكل شئ

>>>>>>>>> ولا بنت تقدر تسويها هههههه

- اذا قال لك ابوك او امك او اي احد من عيلتكم سوي لي شاي قولي طيب وسوي له شاي يلوع الكبد مو زين وبعدين بيعتمدون على اختك الثانيه ..... ,>>>>يعني بكذا ورطتيها حراااااام


- تخيلي كيف صورة زوجك في المستقبل القريب شوفي ايش فيه شوفي شكله
تخيليه وانتوا جالسين مع بعض في السيارة انتي بجنب وهو بجنب


منقوووووووووووووووول

هذه أفكار فتاة
وما افكاركم؟

[القوة المبدعة]

الأخت هديل

في الحقيقة فكرتك رائعة وجيدة


وأما أفكار هذه الفتاةالتي نقلتيها

فعلى الكثير منها الكثير من التحفظ

بل ويمكن أن أضع بعدها اشارة استفهام طولها بطولي

هداها الله ...

لكن طالما أنها تمثل شريحة من هذا المجتمع

فلا بأس أن يتناولها الإخوة المستشارون بالنقد والتوجيه والتحيل والاستنباط

ولك كل الاحترام

[هديل]

لم تقل رأيك الخاص؟؟؟؟؟
ورايي في الأفكار المنقولة مثلك شوي
ها شوي
مثلاً تأمل النجوم وش فيه؟
وحركة صلة الرحم
تعويض لأيام الدراسة و الانعزال بحجة الانشغال سابقاً :D
التلوين (لكن مو دفاتر أطفال عاد)
ولو انها ممكن تكون مشاركة مع الصغار
وأعمال البيت ولو انها شي مهم مو بس وقت الفراغ
تعلم لغة جديدة
لكن للاستفادة مو للمسخرة و التكبر
(((((خذي مجلات قديمة واقعدي قصقصي صور ولزقيها بلوحة )))))) هذا فن ويسموه الديكوباج

و الرياضة مفيدة

هذا لابد أن يكون الى جانب هدف مهم تسعى له
ولايمكن الاعتماد على هذه الافكار فقط للتسلية


هذا رأيي على المنقول

أين البقية؟؟؟؟؟؟

[القوة المبدعة]

الاخت هديل

لقد أحسنت التخلص بأسلوب حسن

وفقك الله

وأما إشارات استفهامي على المنقول فهي واضحة

وغير خافية على كل من تصفحه

أشكر لك اهتمامك

كما أشكر لك دقتك في البحث على أفكار ابداعية في تحريك رواد المنتدى

وجزاك الله خيرا

[هديل]

شكراً لك يا اخي على تفاعلك
وانتظر الآخرين ليطرحوا آرائهم